प्रेरितां 14:23 - बिलासपुरी नौआं नियम

²³ कने पौलुस कने बरनबासे हरेक कलीसियां चते विश्वासी लोकां जो चुणीने तिन्हां खातर प्राचीन बणाये कने उपवास कने प्राथना करीने तिन्हांजो प्रभु यीशुये जो सौंपीत्या, तिस पर जे तिन्हें विश्वास कित्तिरा था।

प्रेरितां 14:23 ပူးပေါင်းရင်းမြစ်များ

मत्ती 17:21

पर येढ़ि बुरियां आत्मां सिर्फ प्राथना कने उपवास करने तेई निकल़ां इयां।”

मरकुस 3:14

फेरी यीशुये खुशखबरी सुनाणे रे खातर भेज्जे जाणे औल़े बारा लोकां जो चुणया, भई सै तिसने सौगी रैईने प्रचार करो, कने तिन्हांजो तिने प्रेरित बोल्या,

लूका 2:37

हुण सै चौरासियां साल्लां री थी। सै मन्दरा रे अंगणा जो छड्डिने किति जो नीं जान्दी थी, कने रात दिन ऊथी रैयां थी। सै भुक्खी प्यासी रैईने प्राथना सौगी परमेशरा री अराधना कराँ थी।

लूका 23:46

फेरी यीशुये जोरा ने गलाया, “हे पिता, हऊँ अपणिया आत्मा जो तेरे हत्था च देआं!” इतणा बोलीने तिन्हे अपणे प्राण छड्डीते।

प्रेरितां 1:22

यूहन्ना रे बपतिस्मे ते लईने तिसरे अहां लाते चक्के जाणे तका सै लोक जे हमेशा अहांने सौगी रै, ठीक आ भई तिन्हां चते इक माहणु अहां सौगी तिसरे जिऊंदा हुणे रा गवाह बणी जाओ।”

प्रेरितां 1:24

कने ये प्राथना किति, “हे प्रभु, तू जे सब्बीं रे मना जो जाणाँ, ये प्रगट कर भई इन्हां चते तैं किस्सो चुणीरा,

प्रेरितां 11:30

तिने येढ़ा इ कित्या; कने बरनबास कने शाऊला रे हथें प्राचीनां ला किछ पैसा भेजित्या।

प्रेरितां 14:26

कने तित्थी ते सै जहाजा पर अन्ताकिया नगरा जो वापस गये, ऊत्थी सै तिस कम्मां खातर सै जे तिने पूरा कित्तिरा था परमेशरा रे अनुग्रह च सौंपी ने गये।

प्रेरितां 15:23

कने तिन्हें चिट्ठी तिन्हांरे साथ भेज्जी : “अन्ताकिया नगर कने सीरिया कने किलिकिया प्रदेशा रे रैहणे औल़े विश्वासियां जो सै जे अन्यजातियां रे लोकां चते हुये, प्रेरितां कने प्राचीन विश्वासियां रा नमस्कार।

प्रेरितां 15:4

ताहली जे सै यरूशलेम नगरा च पुज्जे, तां कलीसिया रे लोक कने प्रेरित कने प्राचीन तिन्हांने खुशिया ने मिले, कने पौलुस कने बरनबासे दस्या भई परमेशरे तिन्हांने सौगी हुईने केढ़े-केढ़े काम्म कित्तिरे थे।

प्रेरितां 15:6

तां प्रेरित कने प्राचीन इसा गल्ला रे बारे च बचार करने खातर कट्ठे हुये।

प्रेरितां 20:17

ताहली जे अहें मिलेतुस नगरा च पुज्जे, पौलुस इफिसुस नगरा रिया कलीसिया रे प्राचीनां जो औणे रा इक सनेहा भेज्या।

प्रेरितां 20:32

कने हुण हऊँ परमेशरा जो, कने तिसरे अनुग्रह रे वचना जो तुहांजो दई देन्दा; सै जे प्रभु यीशु मसीह च तुहांरा विश्वास मजबूत करी सक्को कने परमेशरा रे जरिये सब पवित्र कित्तिरे लोकां च सहभागी हुईने तुहांरा उत्तराधिकार दिलाई सक्कां।

2 कुरिन्थियों 8:19

इसते इलावा इस सेवा रे कम्मां च कलीसियां रे विश्वासियें तिस्सो अहांरे सौगी यात्रा करने जो बी भेज्जिरा था। हुण ये सेवा अहें इस खातर कराँ ये भई प्रभुरी महिमा कने ये दसणे खातर भई अहें यरूशलेम नगरा च रैहणे औल़े विश्वासियां री मदद करने रे खातर उत्सुक ये।

1 तिमुथियुस 5:1

किसी सयाणे जो नीं थिड़क, पर तिस्सो अपणे पिता साई जाणीने प्यार कने आदरा ने समझाई दे, कने जवानां जो अपणे भाईये साई जाणीने;

1 तिमुथियुस 5:22

किसी पर इकदम हाथ रखीने अगुवे नीं बणायां, कने जे तू ये कराँ, तां तू तिसरे पापां रा जिम्मेवार हूणा; अप्पूँजो पवित्र बणाई रख।

2 तिमुथियुस 1:12

कने इसा वजह ने हऊँ इन्हां गल्लां रा दुख सैया राँ, फेरी बी हऊँ शर्मान्दा निआं, काँह्भई तिस पर जे मैं विश्वास कित्तिरा, हऊँ तिस्सो जाणाँ कने मिन्जो ये निश्चा भई तिने मिन्जो जो किछ दित्तिरा, सै तिसरिया रक्षा करने च तिस दिना तक समर्थी आ।

2 तिमुथियुस 2:2

कने बौहत लोकां रे सामणे जो शिक्षायें तैं माहते सुणी रियां, तिन्हौं बफादार माहणुआं जो सौंपी दे सै जे दुज्यां जो बी सखाणे रे लायक हो।

तीतुस 1:5

हऊँ इसा वजह ते तिज्जो क्रेते टापुये च छड्डी आया था ताकि तू बाकी कम्मां जो सुधारी सक्को, कने मेरे हुक्मा रे मुतावक क्रेते रे हर नगरा च प्राचीनां जो नियुक्त करो।

याकूब 5:14

जे तुहांरे बिच कोई बमार आ, तां सै कलीसिया रे प्राचीनां जो सद्दो भई सै तेल मल़ीने प्रभुये रे नौआं ते तिसरे खातर प्राथना करो,

1 पतरस 5:1

हऊँ खुद सै जे इक प्राचीन आ, कलीसिया रे तिन्हां प्राचीनां ने विनती कराँ सै जे तुहांरे बिच ये। हऊँ मसीह रे दुखां रा इक गवाह कने प्रगट हुणे औल़ी महिमा च शामिल हूणा। हऊँ तुहांजो विनती कराँ,

1 पतरस 5:10

तुहांजो थोड़िया देरा रे कष्ट सैहणे ते बाद सारे अनुग्रह देणे औल़ा परमेशर तिने जे तुहांजो मसीह च अपणी युगानुयुगा री महिमा रे खातर सद्दीरा, खुद इ तुहांजो सिद्ध, मजबूत, बलवन्त कने स्थिर करी देंगा।

2 यूहन्ना 1:1

हऊँ यूहन्ना कलीसिया रा अगवा, ये चिट्ठी तिसा औरता जो कने तिसारे बच्चयां जो लिखया राँ, तिन्हांजो जे परमेशरे चुणीरा, कांहभई अहें सारे परमेशरा रिया सच्चाईया पर विश्वास करां ए कने सिर्फ हऊँ इ नीं, पर सै सब जणे बी तुहांने प्यार रक्खां ये सै जे परमेशरा रिया सच्चाईया जो जाणाँ यें।

3 यूहन्ना 1:1

हऊँ यूहन्ना कलीसिया रा अगवा, ये चिट्ठी प्यारे मित्र गयुस तिज्जो लिखिराँ, तिसने जे असल च हऊँ प्यार कराँ।