प्रेरितां 14:16 - बिलासपुरी नौआं नियम

¹⁶ तिने पिछले बगता च सब्बीं जातियां जो अपणे-अपणे रस्तयां पर चलने दित्या।

प्रेरितां 14:16 ပူးပေါင်းရင်းမြစ်များ

प्रेरितां 17:30

इस खातर परमेशरे तिस बगता पर ताहली जे सब अंजाण थे ध्यान नीं दित्या, पर हुण हर जगह सब्बीं माहणुआं जो मन फिराणे रा हुक्म देआं।

रोमियो 1:28

कने काँह्भई तिन्हे परमेशरा जो पछयाणने ते मना करित्या, इस खातर परमेशरे तिन्हौं तिन्हांरे मूर्ख बचाराँ पर छड्डीत्या, कने सै येढ़े बुरे काम्म करने लगे सै जे तिन्हौं नीं करने चाहिन्दे थे।

रोमियो 3:25

परमेशरे यीशु मसीह जो अहांरे पापां रे खातर बलिदान हुणे जो भेज्या कने मसीहे अपणा खून्न बहाया ताकि तिस पर विश्वास करने रे जरिये अहें परमेशरा ले आई सक्को। परमेशरे ये दसणे खातर येढ़ा कित्या भई पैहले सै सहनशील कने पापियां जो माफ करने च सही था। यह ये बी दस्सां भई परमेशर सही आ ताहली जे सै मसीह पर विश्वास करने औल़यां जो ग्रहण कराँ।

इफिसियां 2:12

याद करा तिस बगत तुहें लोक मसीह ते लग थे, तुहें इस्राएल रिया बरादरिया ते बाहर थे, कने तिसरे वायदे रिया वाचां रे हिस्सेदार नीं थे कने इस संसार च बगैर आशा ते कने बगैर परमेशरा ते थे।

1 पतरस 4:3

काँह्भई तुहें पैहले अन्यजातियां रे लोकां साई इन्हां बुरियां इच्छां जो पूरा करने च काफी वगत गवाई चुक्कीरे। तियां जे ऐस-प्रस्ती करना, काम्म-वासना च डुव्वीरे रैहणा, पियक्कड़पन, रंगरलियां मनाणा, शराब पीने मौज करनी कने तुहें मूर्तियां री पूजा बी कित्ती तिसते जे परमेशर नफरत कराँ।