“काँह्भई झूट्ठे मसीह कने झूट्ठे भविष्यवक्ते उट्ठीने आई जाणे, कने बड़े हैरान करने औल़े नशाण दसणे, कने अजीब काम्म करने, भई जे हुई सक्को तां चुणी रयां जो बी चकमा देई दो।
यीशु कने तिसरे चेले यरूशलेम जान्दे हुये यरीहो नगरा च आये, फेरी ताहली जे सै यरीहो इलाके ते निकल़े, तिन्हां सौगी इक बड्डी भीड़ बी चलीरी थी, तां तिमाई रा पुत्र बरतिमाई, सै जे इक अन्हा भिखारी था, सड़का रे कनारे बैठिरा था।
पौलुस कने तिसरे साथी पाफुसा नगरा ते समुद्री यात्रा शुरु कित्ती कने पंफूलिया प्रदेशा ते पिरगा नगरा च आये; कने यूहन्ना तिसजो जे मरकुस बी बोलां ये तिन्हांजो छड्डिने यरूशलेम जो हटिग्या।
मेरे प्यारे मित्रो, हर किसी आत्मा रा विश्वास मता करदे, पर हमेशा तिन्हारी परख करीने देक्खा भई क्या सै परमेशरा रिया तरफा ते आ कि नीं? ये हऊँ तुहांजो इस खातर गलाईराँ काँह्भई मते सारे झूट्ठे भविष्यवक्ता इस संसारा च फैलीरे।
सै पशु कने झूट्ठे भविष्यवक्ते जो सै जे तिसरे सामणे येढ़े नशाण दस्से थे, तिन्हांरे जरिये तिने तिन्हांजो भरमाया, तिन्हां पर जे पशुये री छाप थी, कने सै जे तिसरी मूर्तियां री पूजा कराँ थे। इन्हां दुईं जो जीते जी तिसा अग्गी रिया झीला च, सै जे गन्धका ने जल़ां इ, पाये गये।