प्रेरितां 13:42 - बिलासपुरी नौआं नियम

⁴² पौलुस कने बरनबास रे बाहर निकल़दे बगत लोक तिसने विनती करने लगे भई अगले विस्रामा रे दिन अहां जो ये गल्लां फेरी बी सुणायो।

प्रेरितां 13:42 ပူးပေါင်းရင်းမြစ်များ

मत्ती 11:21

“खुराजीन कने बैतसैदा नगरा रे लोकां जो परमेशरा भयानक सजा देणी! काँह्भई तुहां च सै जे सामर्था रे काम्म कित्ते गये, जे सैई काम्म सूर कने सैदा रे नगराँ च कित्तिरे हुन्दे, तां उत्थीरे लोक बौहत पैहले टाट ओडीने, कने अपणे जिस्मा पर धूड़ मल़ीने, खेद मनान्दे हुये मन फिराई चुक्कीरे हुन्दे।

मत्ती 19:30

पर बौहत सारे सै जे अप्पूँजो खास समझां ये, हुण सै खास नीं रैहणे; कने सै जे खास नीं समझे जायें, सै औणे औल़े बगता च बौहत खास हुई जाणे।

मत्ती 9:18

यीशु तिन्हां लोकां जो ताहली जे ये गल्लां बोल्या इ कराँ था, भई यहूदियां रा इक मुखिया तिसले आया कने तिसले झुकीने विनती करदे हुये गलाया, “मेरी कुड़ी येब्बां इ मरी! तू चल्लीने जे तिसा पर अपणा हात्थ रखी दो, तां सै भीं ते ज्यून्दी हुई जाणी।”

प्रेरितां 10:33

तां मैं तेरे ला झट-पट लोक भेजे, कने तैं भला कित्या भई आई गया। हुण येत्थी अहें सब परमेशरा रे सामणे, भई जो किछ परमेशरे तेरने बोलीरा तिस्सो सुणीये।”

प्रेरितां 13:14

पिरगा नगरा ते अग्गे बधीने सै पिसिदिया जिले रे अन्ताकिया नगरा च पुज्जे; कने विस्रामा रे दिन यहूदी सभा घर च जाईने बैठीगे।

प्रेरितां 28:28

इस खातर तुहें जाणो भई परमेशरा रे इस छुटकारे री कथा अन्यजातियां ले भेज्जी गईरी, कने तिन्हां ग्रहण करनी।”