प्रेरितां 13:36 - बिलासपुरी नौआं नियम

³⁶ “काँह्भई दाऊद त परमेशरा री इच्छा रे मुतावक अपणे बगता च सेवा करीने मरीग्या, कने अपणे पूर्वजां च मिलीग्या, कने सड़ी बी गया।

प्रेरितां 13:36 ပူးပေါင်းရင်းမြစ်များ

मत्ती 25:16

तिस्सो जे सोने रे सिक्कयां ने भरीरी पांज्ज थैलियां मिली थी, तिने इकदम तिस पैसे जो कम्मां च लाईत्या कने पांज्ज थैलियां होर कमाई लियां।

यूहन्ना 11:39

यीशुये बोल्या, “पत्थरा जो कब्रा रे दरवाजे ते कण्डे करा।” तिस मूईरे री भैण मार्था तिसने बोलणे लगी, “हे प्रभु, तिस चते त हुण बुरी बास आयरदी हूणी, काँह्भई तिस्सो मूईरे जो चार दिन हुईगरे।”

प्रेरितां 13:22

फेरी परमेशरे शाऊला जो राज गद्दिया ते हटाईने तिसरिया जगह पर दाऊद जो तिन्हांरा राजा बणाया; तिसरे बारे च तिने गवाही दित्ति, ‘मिन्जो इक माहणु, यिशै रा पुत्र दाऊद, मेरिया मर्जिया रे मुतावक मिलीगरा; तिस इ मेरी सारी इच्छा पूरी करनी।’

प्रेरितां 2:29

“हे भाईयो, हऊँ कुलपति दाऊद रे बारे च तुहांजो हिम्मता ने बोल्ली सक्कां भई सै त मरी गया कने गड्डी बी दित्तिरा कने तिसरी कब्र अज्जो आज्ज अहांले येत्थी इ हई।

प्रेरितां 20:27

काँह्भई हऊँ परमेशरा रियां सारियां गल्लां जो तुहां पूरिया रितिया ते दसणे जो कदीं मनी झिझक्या।

प्रेरितां 7:60

फेरी गोडे टेक्कीने उचिया अवाज़ा च हाक पाई, “प्रभु, इस पापा खातर इन्हांजो माफ कर।” इसते बाद येढ़ा बोलीने सै मरीग्या।

प्रेरितां 8:1

शाऊल स्तिफनुस रिया हत्या च सहमत था। तिस दिन यरूशलेम नगरा री कलीसिया पर बड़ा सताव शुरु हुआ कने प्रेरितां जो छड्डिने बौहत सारे लोक यहूदिया कने सामरिया प्रदेशां च नट्ठीने बिखरी गे।

1 कुरिन्थियों 15:18

फेरी सै विश्वासी जे मसीह च मरी चुक्कीरे, सै बी नाश हुये।

1 कुरिन्थियों 15:6

फेरी सै पांज्ज सौ ते जादा विश्वासियां जो इक साथ दिखाई दित्या, तिन्हां चते बौहत सारे लोक हुण तक ज्यूंदे हलाँकि किछ लोक मरी चुक्कीरे।

1 थिस्सलुनीकियां 4:13

मेरे साथी विश्वासियो अहें चायें भई तुहें ये जाणी लो भई तिन्हां विश्वासियां सौगी क्या हुणा सै जे पैहले इ मरी चुक्कीरे, अंजाण रौआ; किति येढ़ा नीं हो भई तुहें अविश्वासी लोकां साई दुख मनाओ, कांहभई तिन्हाजो आशा नीं भई मरने ते बाद सै दोबारा जिन्दा हुइ जाणे।