प्रेरितां 13:29 - बिलासपुरी नौआं नियम

²⁹ कने ताहली जे तिन्हें यीशु मसीह रे बारे पवित्रशास्त्रा च लिखी रियां सब गल्लां पूरियां कित्तियां, तां तिस्सो क्रूसा पर मेखां गड्डीने मारया कने क्रूसा ते उतारी ने कब्रा च रखया।

प्रेरितां 13:29 ပူးပေါင်းရင်းမြစ်များ

मरकुस 15:42

तिस दिन जे यीशुये जो क्रूसा पर चढ़ाया गया सै त्यारिया रा दिन था, तिसरा मतलब था भई विस्राम रे दिना ते पैहले रा दिन, कने यहूदी रीति रिवाजा रे मुताबक तिसा राति रे शुरु हुन्दे इ सै काम्म नीं करी सकदे। इस खातर ताहली जे सूरज तकरीवन घरीग्या,

लूका 23:50

ऊथी यूसुफ नौआं रा इक भला कने धर्मी माहणु था, सै जे यहूदी पंचैती रा इक सदस्य था।

लूका 23:53

कने तिसरे शवा जो क्रूसा ते त्वारीने सणा रे बधिया कपड़े ने लपेटया कने इक नौंईयां कब्रा च रखया, सै जे सपड़ा जो खुणीने बणाईरी थी।

लूका 24:44

फेरी यीशुये गलाया, “ताहली जे हऊँ तुहांजो इ था, तिस वगत मैं तुहांजो गलाया था भई मूसा री व्यवस्था कने भविष्यवक्तयां रियां कतावां च कने भजन संहिता च मेरे बारे च सै जे लिखिरा, सै सारी गल्लां पूरियां हुणियां।”

यूहन्ना 19:28

इसते बाद तंजे यीशुये जो पता लगीग्या भई तिसरा सारा काम्म पूरा हुईग्या, इसी खातर बी भई पवित्रशास्त्रा री गल्ल पूरी हो तिने बोल्या, मिन्जो ध्याय लगीरी,

यूहन्ना 19:30

फेरी तंजे यीशुये तिसजो चखीने बोल्या भई “सब किछ पूरा हुआ।” तां तिने अपणा सिर थल्ले खौ कित्या कने प्राण छड्डीते।

प्रेरितां 13:27

काँह्भई यरूशलेम च रैहणे औल़े कने तिन्हांरे सरदारें, नां यीशु मसीह जो पछयाणया कने नां भविष्यवक्ता रियां गल्लां समझियां, सै जे हर विस्रामा रे दिन पढ़ियां जाईयां, इस खातर तिस्सो दोषी ठहराईने तिन्हां गल्लां जो पूरा कित्या।

प्रेरितां 2:23

तिस यीशुये जो, सै जे परमेशरा री बणाई रिया योजना कने पैहले रे ज्ञाना रे मुतावक पकड़वाया गया, तुहें अर्धमियां रे हत्था ते तिस्सो क्रूसा पर चढ़वाई ने मारी दित्या।

प्रेरितां 26:22

“पर परमेशरा री सहायता ते हऊँ अज्जा तका बचीरा कने छोट्टे बड्डे सब्बीं रे सामणे गवाही देआं, तिन्हां गल्लां जो छड्डिने किछ नीं बोलदा सै जे भविष्यवक्तयां कने मूसे बी गलाईयां भई हुणे औल़ियां इ,

प्रेरितां 4:28

भई जो किछ पैहले ते तेरिया सामर्था कने बुद्धिया ते ठहराईरा सैई करो।

प्रेरितां 5:30

अहांरे पूर्वजां रे परमेशरे यीशुये जो मूईरयां चते ज्यूंदा कित्या, तिस्सो जे तुहें क्रूसा पर लटकाईने मारीत्या था।

1 कुरिन्थियों 15:4

कने गड्डया गया; कने पवित्रशास्त्रा रे मुतावक तिज्जे दिन जी उट्ठया,