प्रेरितां 13:27 - बिलासपुरी नौआं नियम

²⁷ काँह्भई यरूशलेम च रैहणे औल़े कने तिन्हांरे सरदारें, नां यीशु मसीह जो पछयाणया कने नां भविष्यवक्ता रियां गल्लां समझियां, सै जे हर विस्रामा रे दिन पढ़ियां जाईयां, इस खातर तिस्सो दोषी ठहराईने तिन्हां गल्लां जो पूरा कित्या।

प्रेरितां 13:27 ပူးပေါင်းရင်းမြစ်များ

मत्ती 22:29

यीशुये तिन्हाजो जबाब दित्या, “तुहें पवित्रशास्त्रा कने परमेशरा रिया सामर्था जो नीं जाणदे; इसा वजह ने तुहें भूला च पैईरे।

लूका 22:34

फेरी यीशुये तिसने गलाया, “पतरस, हऊँ तेरने बोलां भई तदुआं तक जे तू तिन्न बार मेरा इन्कार नीं करी लेंगा भई हऊँ तिस्सो नीं जाणदा, तदुआं तक आज्ज कुकड़ा बांग नीं देणी।”

लूका 23:13

पिलातुस राजपाले मुखियायाजकां, यहूदी नेतयां कने लोकां जो बी सद्दीने कट्ठा कित्या कने तिन्हांने गलाया,

लूका 24:20

कने अहें इस बारे च गल्लां करीराँ थे भई अहांरे मुखियायाजकां कने धर्म शास्त्रियें तिन्हाजो मौता रा हुक्म दुआई ने क्रूसा पर लटकाईत्या।

यूहन्ना 15:21

मेरा चेला हुणे रिया वजह ते लोकां तुहांजो ये सब किछ करना, काँह्भई सै नीं जाणदे भई मिन्जो किने भेज्जिरा।

यूहन्ना 16:3

सै इन्हां गल्लां कने कम्मां जो इस खातर कराँ ये, काँह्भई सै नांत पिता परमेशरा जो जाणाँ ये कने नांई मिन्जो जाणाँ ये।

यूहन्ना 5:39

तुहें पवित्रशास्त्रा च टोल़ां ये, काँह्भई तुहें समझां ये भई तिसच तुहांजो अनन्त जीवन मिलां, पर ये सारे पवित्रशास्त्र मेरी इ गवाही दें;

यूहन्ना 8:28

फेरी यीशुये गलाया, “ताहली जे तुहें लोक माहणुये रे पुत्रा जो यनि मिन्जो ऊच्चिया ठारी चढ़ांगे, तां जाणगे भई हऊँ सैई आ; कने हऊँ अपणिया तरफा ते किछ नीं करदा, पर तियां जे मेरे पिता परमेशरे मिन्जो सखाईरा, हऊँ तियां इ ये गल्लां बोलां।

प्रेरितां 15:21

काँह्भई बौहत बगता ते कई नगराँ च मूसा री व्यवस्था रा प्रचार करदे आये, कने सै हर विस्रामा रे दिन यहूदी सभा घर च पढ़ियां जांईयां।”

प्रेरितां 28:23

तां यहूदियें तिस खातर इक दिन तैह कित्या, कने मते लोक तिसले कट्ठे हुये, कने सै परमेशरा रे राज्जा री गवाही देन्दा हुआ। कने मूसा री व्यवस्था कने भविष्यवक्तयां री कताबां चते यीशुये रे बारे च समझाई-समझाई ने सवेरे ते संझा तका दसदा रैया।

प्रेरितां 3:17

“हुण हे भाईयो, हऊँ जाणाँ भई ये तुहें कने तुहांरयां अगुवेयां यीशुये जो अंजाणगिया च मारीत्या, काँह्भई तुहें नीं जाणदे थे भई सैई मसीह था।

रोमियो 11:25

अन्यजातियां रे मेरे साथी विश्वासियो, हऊँ चाँह भई तुहें इस भेता जो समझो ताकि तुहें अपणे बारे च घमण्ड नीं करो। इस्राएल रे किछ लोक येढ़े इ कठोर बणाई दित्तिरे, कने येढ़े इ कठोर बणीने रैहणे तदुआं तक जे भई कई अन्यजातियां रे लोक मसीह च नीं आई जाणे।

1 कुरिन्थियों 2:8

तिस्सो जे इस संसारा रे हाक्मां चते कोई बी नीं जाणी पाया, काँह्भई जे सै जाणदे, तां सै तेजोमय प्रभुये जो क्रूसा पर नीं चढ़ांदे।

2 कुरिन्थियों 3:14

पर इस्राएली लोकां रे मन कठोर हुईगरे थे, कने आज्ज तक ताहली जे सै पुराणिया वाचा जो पढ़ां ये, तां तिन्हांरे मना पर सैई परदा पैईरा रैयां, पर सै परदा सिर्फ मसीह पर विश्वास करने रे जरिये इ हटाया जां।

2 कुरिन्थियों 4:4

इस संसारा रे इश्वरे (शैताने) तिन्हां अविश्वासी लोकां री बुद्धि अन्ही करी तरी, इसी खातर सै मसीह रे बारे री उत्तम खुशखबरिया कने तिसरी महिमा समझदे नींये। मसीह परमेशरा रा स्वरूप आ।

1 तिमुथियुस 1:13

हलाँकि हऊँ त पैहले मसीह री निंध्या करने औल़ा, विश्वासियां जो सताणे औल़ा, कने निर्दयी माहणु था; तां बी मसीह माह पर दया कित्ती, काँह्भई मैं अनजाणे च कने अविश्वावासा रिया वजह ने ये काम्म कित्ते थे।