प्रेरितां 13:15 - बिलासपुरी नौआं नियम

¹⁵ मूसा री व्यवस्था कने भविष्यवक्तयां री कताब पढ़ने ते बाद यहूदी सभा घरा रे सरदारे तिन्हांजो गलाया, “हे भाईयो, जे तुहांरे मना च लोकां जो उपदेश देणे री कोई गल्ल इ तां बोल्ला।”

प्रेरितां 13:15 ပူးပေါင်းရင်းမြစ်များ

मरकुस 5:22

कने याईर नौआं रा इक माहणु आया सै जे यहूदी सभा घरा रे सरदाराँ चते था, सै तिस्सो आदर देणे खातर तिसरे पैराँ इ पैईग्या,

लूका 16:16

तदुआं तक जे मूसा री व्यवस्था कने भविष्यवक्तयां रे लिखिरे सन्देश, बपतिस्मा देणे औल़े यूहन्ने रे औणे तक परमेशरा रे राजा रे बारे च प्रचार कित्या। पर हुण परमेशरा रे राज्जा री खुशखबरी सुणाई जाया राँई कने हर कोई तिसच इच्छुक हुईने दाखल हुया राँ।

प्रेरितां 1:16

“हे भाईयो, जरूरी आ भई पवित्रशास्त्रा रा सै लेख पूरा हो सै जे पवित्र आत्मे दाऊद रे मुँआं ते यहूदा रे बारे च, पैहले ते गलाया था, सै जे यीशुये रे पकड़वाणे औल़यां रा अगुवा था।

प्रेरितां 13:27

काँह्भई यरूशलेम च रैहणे औल़े कने तिन्हांरे सरदारें, नां यीशु मसीह जो पछयाणया कने नां भविष्यवक्ता रियां गल्लां समझियां, सै जे हर विस्रामा रे दिन पढ़ियां जाईयां, इस खातर तिस्सो दोषी ठहराईने तिन्हां गल्लां जो पूरा कित्या।

प्रेरितां 15:21

काँह्भई बौहत बगता ते कई नगराँ च मूसा री व्यवस्था रा प्रचार करदे आये, कने सै हर विस्रामा रे दिन यहूदी सभा घर च पढ़ियां जांईयां।”

प्रेरितां 15:7

तां पतरसे बौहत बैहस हुणे ते बाद खड़े हुईने तिन्हांजो गलाया, “भाईयो, तुहें जाणाँ ये भई बौहत दिन पैहले परमेशरे तुहां चते मिन्जो चुणीलरा भई मेरे जरिये अन्यजातियां रे लोक खुशखबरी सुणीने विश्वास करो।

प्रेरितां 18:17

तां बौहत सारे लोकें यहूदी सभा घरा रे सरदार सोस्थिनेसा जो पकड़ीने न्याय आसणा रे सामणे मारया गया। पर गल्लियो इन्हां गल्लां री किछ बी चिन्ता नीं किति।

प्रेरितां 18:8

तां यहूदी सभा घरा रे सरदारे क्रिस्पुस अपणे सारे घराने समेत प्रभुये परा विश्वास कित्या। कने मते सारे कुरिन्थ वासियें सुणी ने विश्वास कित्या कने बपतिस्मा लेया।

प्रेरितां 2:29

“हे भाईयो, हऊँ कुलपति दाऊद रे बारे च तुहांजो हिम्मता ने बोल्ली सक्कां भई सै त मरी गया कने गड्डी बी दित्तिरा कने तिसरी कब्र अज्जो आज्ज अहांले येत्थी इ हई।

प्रेरितां 2:37

तां सुणने औल़यां लोकां जो ये विश्वास हुईग्या था भई तिन्हें कोई गल़त काम्म कित्या, कने सै पतरस कने प्रेरितां ते पुछणे लगे, “हे भाईयो, अहें क्या करिये?”

प्रेरितां 2:4

सै सब पवित्र आत्मा ने भरीगे, कने तियां जे आत्मा तिन्हांजो बोलणे री सामर्थ देयां था, सै लग-लग भाषा बोलणे लगे।

प्रेरितां 20:2

तिस सारे नगरा चियें घुम्मी फिरीने सब विश्वासियां जो हौंसला दित्या कने सै यूनान प्रदेशा जो आईग्या।

प्रेरितां 22:1

“हे भाईयो कने पित्रो मेरा जवाब सुणा, सै जे माह हुण तुहांरे सामणे देणा।”

प्रेरितां 4:36

यूसुफ साइप्रस नौआं रे टापुये च रैहणे औल़ा इक लेवी था तिसरा नौं प्रेरितें बरनबास रखया था; तिसरा मतलब जे दुज्जेयां जो हिम्मत देणे औल़ा माहणु आ।

प्रेरितां 7:2

स्तिफनुसे गलाया, “हे भाईयो, कने अगुवेयो सुणा। अहांरा पूर्वज अब्राहम हारान नगरा च बसणे ते पैहले मेसोपोटामिया प्रदेशा च था; तां चमकदे तेज्जा च परमेशरे तिस्सो दर्शण दित्या,

रोमियो 12:8

जे तुहांरा बरदान हौंसला देणे औल़ा ओ, तां तिस्सो हौंसला देन्दे रैहणा चाहिन्दा; जे किसी जो दान देणे रा बरदान मिलीरा, तां तिस्सो खुले दिला ने दान देणा चाहिन्दा; जे किसी जो अगुवाई करने रा बरदान मिलां, तां सै जोशा ने अगुवाई करे; सै जे दया करो, सै खुशिया ने करो।

1 कुरिन्थियों 14:3

पर सै जे भविष्यवाणी कराँ, सै माहणुआं जो तिन्हारी तरक्की, प्रोत्साहन, कने तसल्लिया रे खातर बोलां।

2 कुरिन्थियों 3:14

पर इस्राएली लोकां रे मन कठोर हुईगरे थे, कने आज्ज तक ताहली जे सै पुराणिया वाचा जो पढ़ां ये, तां तिन्हांरे मना पर सैई परदा पैईरा रैयां, पर सै परदा सिर्फ मसीह पर विश्वास करने रे जरिये इ हटाया जां।

1 थिस्सलुनीकियां 2:3

काँह्भई तुहांजो अहांरी विनती कोई गल़ती या बुरे मकसदा पर अधारित नीं, कने नांई अहें किसी जो बी धोखा देणे री कोशिश कराँ ये।

इब्रानियों 13:22

मेरे साथी विश्वासियो, हऊँ तुहांजो विनती कराँ भई इस उपदेशा रियां गल्लां जो मैं तुहांजो हौंसला देणे रे खातर लिखिरा धैर्य ने सुणी लौआ, काँह्भई ये चिट्ठी सै जे मैं लिखिरी ये बौहत लम्बी नीं।