प्रेरितां 13:14 - बिलासपुरी नौआं नियम

¹⁴ पिरगा नगरा ते अग्गे बधीने सै पिसिदिया जिले रे अन्ताकिया नगरा च पुज्जे; कने विस्रामा रे दिन यहूदी सभा घर च जाईने बैठीगे।

प्रेरितां 13:14 ပူးပေါင်းရင်းမြစ်များ

लूका 4:16

फेरी यीशु नासरत नगरा च वापस आया, तित्थी जे सै पल़या-बढ़या था, तां अपणी रीता रे मुतावक सै विस्रामा रे दिन यहूदी सभा घरा च गया कने ऊथी पवित्रशास्त्र पढ़ने खातर खड़ा हुआ।

प्रेरितां 13:42

पौलुस कने बरनबास रे बाहर निकल़दे बगत लोक तिसने विनती करने लगे भई अगले विस्रामा रे दिन अहां जो ये गल्लां फेरी बी सुणायो।

प्रेरितां 13:44

अगले विस्रामा रे दिन लगभग सारे इ लोक परमेशरा रा वचन सुणने जो कट्ठे हुये।

प्रेरितां 13:46

तां पौलुसे कने बरनबासे निडर हुईने गलाया, “जरूरी था भई परमेशरा रा वचन पैहले तुहांजो सुणाया जान्दा; पर ताहली जे तुहें तिसरा इन्कार कराँ ये, कने अप्पूँजो अनन्त जीवना रे लायक नीं ठहराँदे, तां हुण अहें अन्यजाति लोकां ले जाणा।

प्रेरितां 13:5

कने सलमीसा च पुज्जी ने, परमेशरा रा वचन यहूदियां रे यहूदी सभा घराँ च सुणाया। यूहन्ना तिसजो जे मरकुस बोलां ये तिन्हांरा सेवक था।

प्रेरितां 14:19

पर किछ यहूदियें अन्ताकिया कने इकुनियुम नगरा ते आईने लोकां जो अप्पूँ खा करील्या, कने पौलुसा पर पत्थर मारे, कने तिस्सो मरीरा समझीने नगरा ते बाहर घसीटी ने लईगे।

प्रेरितां 16:13

विस्रामा रे दिन अहें नगरा रे फाटका ते बाहर नदिया रे कनारे येढ़ा समझीने गये भई तित्थी यहूदियां री प्राथना करने री जगह हुंगी, कने बैठीने सै जनानां जे तित्थी कट्ठियां हुई रियां थिआं, तिन्हांने गल्लां करने लगे।

प्रेरितां 17:2

पौलुस अपणी रितिया रे मुतावक तिन्हां ला गया, कने तिन्न हफ्ते तका पवित्रशास्त्रा ते तिन्हांने वाद-विवाद करदा रैया;

प्रेरितां 18:4

कने पौलुस हर विस्राम रे दिन यहूदी सभा घर च वाद-विवाद करीने यहूदियां कने यूनानियां जो बी यीशु मसीह पर विश्वास करने जो समझां था।

प्रेरितां 19:8

फेरी पौलुस यहूदी सभा घर च जाईने तिन्नां महीनयां तका निडर हुईने बोलदा रैया, कने परमेशरा रे राज्जा रे बारे च विवाद करदा कने समझांदा रैया।

प्रेरितां 9:20

कने सै इकदम यहूदी सभा घराँ च यीशुये रा प्रचार करने लगया भई यीशु इ परमेशरा रा पुत्र आ।

2 तिमुथियुस 3:11

कने मेरे सताव, मेरे दुखा रे बगता तैं मेरा साथ दित्तिरा। तू त जाणाँ भई अन्ताकिया, इकुनियुम कने लुस्त्रा नगराँ च मिन्जो किस तरिके री यातना दित्ति थी तिन्हौं जे मैं सहील्या, पर प्रभुये मिन्जो तिन्हां सब्बीं ते बचाईल्या।