प्रेरितां 13:11 - बिलासपुरी नौआं नियम

¹¹ हुण देख, प्रभु परमेशरा तिज्जो सजा देणी; कने तू किछ बगता तका अन्हे रैहणा कने सूरजा जो नीं देखणा।” तां ताहलूं इ तिसरियां आक्खीं धुंधलि़यां कने फेरी नेहरियां हुई गियां, कने सै हत्था ने उरे-परे टोहणे लगीग्या भई कोई तिसरा हाथ पकड़ीने तिस्सो चलाणे च मदद करे।

प्रेरितां 13:11 ပူးပေါင်းရင်းမြစ်များ

यूहन्ना 9:39

फेरी यीशुये गलाया, “हऊँ इस संसारा च इस न्याय जो करने आईरा, ताकि सै जे नीं देखदे सै देखणे लगो कने सै जे देक्खां ये सै अन्हे हुई जाओ।”

प्रेरितां 9:17

तां हनन्याह उट्ठीने तिस घरा च गया तित्थी जे शाऊल था कने तिस पर अपणा हात्थ रखीने गलाया, “भाई शाऊल, प्रभु यीशु, सै जे तिस रस्ते च, तिसते जे तू आया तिज्जो दुस्या था, तिने इ मिन्जो भेजीरा भई तू फेरी भीं देखणे लगो कने पवित्र आत्मा ते पूरा भरी जाओ।”

रोमियो 11:25

अन्यजातियां रे मेरे साथी विश्वासियो, हऊँ चाँह भई तुहें इस भेता जो समझो ताकि तुहें अपणे बारे च घमण्ड नीं करो। इस्राएल रे किछ लोक येढ़े इ कठोर बणाई दित्तिरे, कने येढ़े इ कठोर बणीने रैहणे तदुआं तक जे भई कई अन्यजातियां रे लोक मसीह च नीं आई जाणे।

इब्रानियों 10:31

किसी रा जिऊंदे परमेशरा रिया सामर्था रे अधीन हूणा इक खतरनाक गल्ल इ।

2 पतरस 2:17

ये झूट्ठे शिक्षक सुक्के खूआ साई ये कने येढ़े बगैर बरखा रे बद्दल़ ये तिन्हांजो जे तूफान डुआईने लेई जायें; परमेशरे तिन्हांरे खातर इक येढ़ि जगह त्यार कित्तिरी, तित्थी जे पूरी तरह अन्धकार आ।