प्रेरितां 12:25 - बिलासपुरी नौआं नियम

²⁵ बरनबास कने शाऊल यरूशलेम नगरा ते यहूदी प्रदेशा रे विश्वासियां री सहायता खातर पैसा देणे ते बाद यरूशलेम ते अन्ताकिया नगरा जो वापस आये। तिन्हां सौगी यूहन्ना बी था तिस्सो जे मरकुस बोल्ला थे।

प्रेरितां 12:25 ပူးပေါင်းရင်းမြစ်များ

प्रेरितां 12:12

ये जाणीने भई परमेशरे पतरसा जो बचाया कने सै यूहन्ना री माता मरियमा रे घरें आया तिस्सो जे मरकुस बोलां ये। तित्थी बौहत सारे विश्वासी लोक कट्ठे हुईने प्राथना करया राँ थे।

प्रेरितां 15:35

कने पौलुस कने बरनबास अन्ताकिया नगरा च रईगे : कने होरी मतयां लोकां ने सौगी प्रभु यीशुये रे वचना रा उपदेश देन्दे कने खुशखबरी सुणांदे रये।

प्रेरितां 15:37

तां बरनबासे यूहन्ना जो तिस्सो जे मरकुस बोलां ये, सौगी नेणे रा बचार कित्या।

प्रेरितां 4:36

यूसुफ साइप्रस नौआं रे टापुये च रैहणे औल़ा इक लेवी था तिसरा नौं प्रेरितें बरनबास रखया था; तिसरा मतलब जे दुज्जेयां जो हिम्मत देणे औल़ा माहणु आ।

कुलुस्सियां 4:10

अरिस्तर्खुस, सै जे मेरे सौगी कैदी आ, कने बरनबास रे रिश्तेदार मरकुस रा तुहांजो नमस्कार, (तिसरे बारे च तुहें आज्ञा पाई थी भई जे सै तुहांले आओ, तां तिसने ठीक ढंगा ने बर्ताव करयां।)

2 तिमुथियुस 4:11

सिर्फ लूका इ मेरेले आ। ताहली जे तू औआं मरकुस जो बी अप्पूँ सौगी ल्यायां, काँह्भई सै मेरिया सेवकाईया च मेरी मदद करी सक्कां।

फिलेमोन 1:24

कने मरकुस, अरिस्तर्खुस, देमास कने लूका सै जे मेरे सौगी प्रभुये रा काम्म कराँ ये, इन्हां सब्बीं रा तिज्जो नमस्कार।

1 पतरस 5:13

बेबीलोन नगरा री कलीसिया सै जे तुहां साई परमेशरा रे जरिये चुणीरी, तुहांजो नमस्कार बोलां ये। मरकुस बी तुहांजो नमस्कार बोलां सै जे मेरे खातर इक पुत्रा साई आ।