प्रेरितां 12:24 - बिलासपुरी नौआं नियम

²⁴ पर परमेशरा रा वचन बधदा कने फैलदा गया कने विश्वासियां री संख्या बधदी गई।

प्रेरितां 12:24 ပူးပေါင်းရင်းမြစ်များ

मत्ती 16:18

हऊँ बोलां भई तू पतरस आ, कने तू माह च विश्वास करने औल़यां निऊँ हूणा, तियां जे भई इक बड्डी चट्टान किसी घरा री निऊँ हुआं इ; कने तिस पर मौती रा कोई जोर नीं चलना।

प्रेरितां 11:21

परमेशरा रा सामर्थ तिन्हां पर था, कने बौहत सारे अन्यजातियां रे लोकें तिन्हांरे सन्देशा पर विश्वास कित्या कने प्रभु यीशुये री तरफ फिरे।

प्रेरितां 19:20

इयां प्रभुये रा वचन जोरा-सोराँ ते फैलदा कने परबल हुन्दा गया।

प्रेरितां 5:39

पर जे परमेशरा खा ते हये, तां तुहें इन्हांजो कदीं मनी खत्म करी सकदे। किति येढ़ा नीं हो भई तुहें परमेशरा ने बी लड़ने औल़े बणो।”

प्रेरितां 6:7

परमेशरा रा वचन फैलदा गया कने यरूशलेम च चेलयां री गिणती बौहत बधदी गई; कने बौहत सारे यहूदी याजकें यीशु मसीह पर विश्वास कित्या।

कुलुस्सियां 1:6

बौहत सारी जगहां पर लोक मसीह रिया खुशखबरिया पर विश्वास करी राँये, कने बौहत लोक विश्वासी बणिगे कने इस तरिके ने व्यवहार कराँ ये सै जे परमेशरा जो खुश कराँ। जिस दिना ते तुहें तिसजो सुणया कने सच्चाईया जो समझया भई परमेशर खुशिया ने तिन्हांरे पापां जो माफ कराँ सै जे मसीह पर विश्वास कराँ ये, तियां जे तुहांरे सुणने रे पैहले दिना तेई तुहांरा जीवन बदलिग्या।

2 थिस्सलुनीकियां 3:1

आखिर च, अरे साथी विश्वासियो, अहां खातर प्राथना करा भई प्रभुये रा वचन येढ़ा जल्दी फैल्लो कने महिमा पाओ तियां जे तुहां सौगी हुया था।