प्रेरितां 12:11 - बिलासपुरी नौआं नियम

¹¹ फिर पतरसे होशा च आईने गलाया, “हुण मैं ये जाणील्या भई प्रभुये अपणा स्वर्गदूत भेज्जीने मिन्जो हेरोदेस रे अधिकारा ते छडवाईल्या, कने यहूदी अगुवेयां री सारी आशा तोड़ी तियां।”

प्रेरितां 12:11 ပူးပေါင်းရင်းမြစ်များ

लूका 15:17

ताहली जे सै अपणे होशा च आया, तां सै अपणे मना च सोचणे लगया, मेरे पिता रे घरें इतणे जादा मजदूर ये तिन्हांजो जे खाणे जो इतणी जादा रोटी मिलांई भई सै खाईने बी नीं मुकदी! पर इथी मेरे इतणे बुरे हाल ये भई हऊँ भुक्खा मरने लगीरा!

प्रेरितां 12:7

फेरी अचानक, प्रभुये रा इक स्वर्गदूत तित्थी पतरसा ले आईने खड़ा हुईग्या कने तिसा ओवरिया च जोति चमकी, कने तिने पतरसा रिया बखिया पर हाथ मारीने तिस्सो ठुआली ने गलाया, “उट्ठ, छोड़े कर।” कने तिसरे हत्था ते जंजीराँ खुल्ही ने पई गियां।

प्रेरितां 24:27

पर ताहली जे दो साल बितिगे तां, फेलिक्स रिया जगह पर पुसकियुस फेस्तुस राजपाल बणया; कने फेलिक्स यहूदियां जो खुश करने खातर पौलुसा जो कैदी रणी त्या।

प्रेरितां 25:9

तां फेस्तुसे यहूदी अगुवेयां जो खुश करने रिया इच्छा ते पौलुसा ते पुच्छया, “क्या तू चाँह भई यरूशलेम जो जाईये; कने तित्थी मेरे सामणे तेरा ये मुकद्दमा लड़या जाओ?”

प्रेरितां 5:19

पर राति जो प्रभुये रे इक्की स्वर्गदूते जेल्ला रे दरवाजे खोली ने तिन्हांजो बाहर लयाई ने गलाया,

इब्रानियों 1:14

तां स्वर्गदूत क्या कराँ ये? सै सारे सिर्फ परमेशरा रेई सेवक ये तिसजो जे परमेशर छुटकारा पाणे औल़यां रा ख्याल रखणे खातर भेज्जां।

2 पतरस 2:9

ये सब सै जे परमेशरे पैहले कित्तिरा ये दस्सां भई प्रभु जाणाँ भई कियां भगतां जो तिन्हांरे दुखां ते बचाणा कने अधर्मियां जो लगातार न्याय रे दिना तक सजा देणी।