प्रेरितां 11:28 - बिलासपुरी नौआं नियम

²⁸ तिन्हां चते अगबुस नौआं रे इक्की भविष्यवक्ते खड़ीने पवित्र आत्मा रिया प्रेरणा ते ये दस्या भई संसारा रे बौहत सारयां देशां च नकाल़ पौणा, कने सै नकाल़ कलौदियुस बादशाह रे बगता च हुया।

प्रेरितां 11:28 ပူးပေါင်းရင်းမြစ်များ

मत्ती 24:14

स्वर्गा रे राज्जा री ये खुशखबरी सारी जातियां रे लोकां जो प्रचार कित्ती जाणी ताकि सारे लोकां जो विश्वास करने रा मौका मिलो, फेरी तांई अन्त औणा।

मत्ती 24:7

हर इक्की जातिया दुज्जिया जातिया रे बरोधा च खढ़ना, कने इक्की देशा दुज्जे देशा रे बरोधा च खढ़ना, कने जगह-जगह नकाल़ पौणे, कने हिल्लण हुणे।

लूका 2:1

जिस बगत रोम देशा रा बादशाह औगस्तुस था, तिस बगत तिने ये हुक्म दित्या भई तिसरे राज्जा च औणे औल़े सारे लोकां री गिणती करीने तिन्हारे नौं लिखे जायें।

लूका 3:1

रोम देशा रे बादशाह तिबिरियुस रे राज्जा रे पन्द्रहवे साल्ला च ताहली जे पुन्तियुस पिलातुस यहूदिया प्रदेशा रा राजपाल था, कने तिस देशा रे चौथे हिस्से रे राजयां च हेरोदेस गलील इलाके रा कने तिसरा भाई फिलिप्पुस इतुरैया कने त्रखोनीतिस जिले रा, कने लिसानियास अबिलेने प्रदेशा रे चौथे हिस्से बिच राज कराँ था।

प्रेरितां 18:2

तित्थी तिस्सो अक्विला नौआं रा इक यहूदी मिलया, तिसरा जन्म पुन्तुस प्रदेशा च हुईरा था। सै अपणी पत्नी प्रिस्किल्ला ने सौगी इटली प्रदेशा ते नौआं-नौआं आईरा था, काँह्भई बादशाह कलौदियुस सब्बीं यहूदियां जो रोमा ते निकल़णे रा हुक्म दित्तिरा था। इस खातर सै तिन्हां ला गया।

प्रेरितां 21:10

ताहली जे अहें तित्थी मते दिन रैई चुक्के, तां अगबुस नौआं रा इक भविष्यवक्ता यहूदिया प्रदेशा ते आया।