प्रेरितां 11:26 - बिलासपुरी नौआं नियम

²⁶ कने ताहली जे सै तिसने मिलया तां तिस्सो अन्ताकिया नगरा जो लैई आया; कने येढ़ा हुआ भई पौलुस कने बरनबास इक्की साल्ला तका कलीसिया ने सौगी मिलदे कने बौहती लोकां जो प्रभु यीशु मसीह रा उपदेश देन्दे रै; कने सब्बीं ते पैहले अन्ताकिया बिच लोकें चेलेयां जो मसीही बोल्या।

प्रेरितां 11:26 ပူးပေါင်းရင်းမြစ်များ

मत्ती 28:19

इस खातर तुहें जाईने सारी जातियां रे लोकां जो चेला बणावा; कने तिन्हांजो पिता, पुत्र, कने पवित्र आत्मा रे नौआं ते बपतिस्मा देआ,

यूहन्ना 2:2

यीशु कने तिसरे चेले बी तिस ब्याह च न्यून्दा देईने सद्दीरे थे।

प्रेरितां 1:15

तिन्हांई दिनां च पतरस भाईयां रे बिच सै जे तकरीवन इक सौ बीह माहणु थे, खड़ा हुईने बोलणे लगया,

प्रेरितां 11:20

पर तिन्हां चते किछ विश्वासी साइप्रसवासी कने कुरेनी वासी थे, सै अन्ताकिया नगरा च आईने यूनानियां जो बी प्रभु यीशुये रिया खुशखबरिया रियां गल्लां प्रचार करने लगे।

प्रेरितां 11:22

ताहली जे तिन्हांरी चर्चा यरूशलेम रे विश्वासियें सुणी, तां तिन्हें बरनबास जो अन्ताकिया नगरा च भेजित्या।

प्रेरितां 11:27

तिन्हां दिनां च किछ विश्वासी सै जे भविष्यवक्ता थे यरूशलेम ते अन्ताकिया च आये।

प्रेरितां 11:29

तां चेलयां ये फैसला कित्या भई सब अपणे-अपणे धना रे मुतावक यहूदिया प्रदेशा च रैहणे औल़े मसीह विश्वासिया रे खातर अपणिया सामर्थय रे मुतावक सहायता करें।

प्रेरितां 14:20

पर तां जे चेले तिसरे चऊँ पासयां आईने खड़े हुये तां सै उट्ठीने नगरा च गया कने दुज्जे दिन बरनबासा ने सौगी दिरबे गाँवां जो चलिग्या।

प्रेरितां 14:22

कने हरेक नगरा रे चेलयां रे मना जो मजबूत करदे रहे कने ये उपदेश देआं थे भई विश्वासा च बणीरे रौआ; कने ये बोलां थे, “अहांजो मते दुख सहीने परमेशरा रे राज्जा च जाणे मिलणा।”

प्रेरितां 14:23

कने पौलुस कने बरनबासे हरेक कलीसियां चते विश्वासी लोकां जो चुणीने तिन्हां खातर प्राचीन बणाये कने उपवास कने प्राथना करीने तिन्हांजो प्रभु यीशुये जो सौंपीत्या, तिस पर जे तिन्हें विश्वास कित्तिरा था।

प्रेरितां 14:27

तित्थी पुज्जी ने तिन्हें कलीसिया रे लोकां जो कट्ठा कित्या कने दस्या भई परमेशरे तिन्हां सौगी हुईने कितणे बड्डे-बड्डे काम्म कित्ते, कने परमेशरे अन्यजाति लोकां जो कियां यीशु मसीह पर विश्वास करने रे लायक बणाया।

प्रेरितां 14:28

कने पौलुस कने बरनबास चेलयां सौगी बौहत दिनां तका रै।

प्रेरितां 18:27

कने ताहली जे तिने अखाया प्रदेशा जो जाणा चाया तां विश्वासियें तिसरी हिम्मत बधाई कने उत्थीरे चेलयां जो तिसरा स्वागत करने जो लिखीने भेज्या। कने ताहली जे सै ऊत्थी पुज्या तां तिन्हां लोकां रे खातर बौहत मद्‌दगार साबित हुया तिन्हें जे अनुग्रह ने विश्वास ग्रहण करील्या था।

प्रेरितां 19:9

पर ताहली जे किछ लोकें कठोर हुईने तिस पर विश्वास करने जो मना किया पर लोकां रे सामणे मसीह पर विश्वास करने औल़यां जो बुरा बोलणे लगे, तां तिने तिन्हांजो छड्डीत्या कने चेलयां जो लग करित्या, कने हर रोज तुरन्नुसा रिया पाठशाला च वाद-विवाद करदा रैया।

प्रेरितां 20:1

ताहली जे हुल्लड़ रुकी गया तां पौलुसे चेलयां जो सद्दीने हौंसला दित्या, कने तिन्हांते विदा हुईने मकिदुनिया प्रदेशा खा चली पैया।

प्रेरितां 20:30

तुहां बिच्चा ते बी येढ़े-येढ़े माहणु औणे, तिन्हांजे चेलयां जो अप्पूँ खौ खिंजणे खातर गल़त फल़त गल्लां करनियां।

प्रेरितां 21:4

चेलयां ने मिलीने अहें तित्थी सात्त दिन रै। तिन्हें पवित्र आत्मा रे सखाई रयां पौलुसा ने गलाया भई यरूशलेम च पैर देक्खा रखदा।

प्रेरितां 26:28

हुण अग्रिप्पे पौलुसा ने गलाया, “क्या तू थोड़े इ समझाणे ते मिन्जो मसीही बनाणा चाँह?”

प्रेरितां 6:1

तिन्हां दिना च तां जे चेले गिणतिया च बौहत बधणे लगे, तां यूनानी भाषा बोलणे औल़े यहूदी चेलयां इब्रानी भाषा बोलणे औल़यां यहूदी चेलयां पर कुड़कुड़ाने लगे, भई हर रोज किया सेवा च अहां रियां विधवां री देख-भाल नीं हुंदी।

प्रेरितां 6:5

ये गल्ल सारिया मण्डलिया जो खरी लगी, कने तिन्हें स्तिफनुस नौंवां रे इक्की माहणुये जो सै विश्वास कने पवित्र आत्मा ने भरीरा था, कने फिलिप्पुस, कने प्रुखुरुस, कने नीकानोर, कने तिमोन, कने परमिनास, कने अन्ताकिया वासी नीकुलाउस जो सै जे यहूदी मता च आईगरा था, चुणील्या।

प्रेरितां 9:19

फेरी रोटी खाईने ताकत मिली, सै किछ दिनां तका तिन्हां चेलयां ने सौगी रैया सै जे दमिश्क नगरा च थे

प्रेरितां 9:38

लुद्दा नगर याफा नगरा रे नेड़े था, चेलयां येढ़ा सुणीने भई पतरस त तित्थी इ हाया, दो माहणु भेज्जीने तिसने विनती किति, “अहांले औणे खातर देर मत करदा।”

1 कुरिन्थियों 11:18

काँह्भई पैहले त हऊँ ये सुणां, भई तंजे तुहें कलीसिया च अराधना करने खातर कट्ठे हुआं ये, तां तुहां च फूट इ, कने हऊँ इस पर थोड़ा-थोड़ा विश्वास बी कराँ।

1 कुरिन्थियों 12:12

काँह्भई तियां जे देह त इक इ कने तिसरे अंग बौहत ये, कने तिसा इक्की देहा रे बौहत अंग हुणे पर बी सब मिलीने इक इ देह इ, तियां इ मसीह बी आ।

1 कुरिन्थियों 14:23

तां जे कलीसिया इक्की जगह कट्ठी हो, कने सारे के सारे होरीं भाषां बोल्लो, कने सै जे भाषा नीं समझदे या किछ अविश्वासी लोक अन्दरा जो आई जो तां क्या तिन्हां तुहांजो पागल नीं बोलणा?

1 कुरिन्थियों 4:17

इस खातर मैं तिमुथियुसा जो तुहांले भेज्जी राँ, सै जे मेरा प्यारा पुत्र कने प्रभुये च बफादार पुत्र आ। तिस तुहांजो मसीह च मेरा चरित्र याद दिलाणा, तियां जे हऊँ हर जगह हरेक कलीसिया च उपदेश देआं।

इफिसियां 3:15

सै इक इ आ जेह्ड़ा स्वर्ग कने धरतिया रे सारे परिवाराँ जो जिऊंदा रखां।

याकूब 2:7

क्या ये सैई लोक नींये, सै जे मसीह रे तिस उत्तम नौआं री निंध्या कराँ ये, सै जे तुहांजो दित्तिरा?

1 पतरस 4:14

जे मसीह रे विश्वासी हुणे रिया वजह ने तुहांरा अपमान कित्या जाओ, तां तुहें आशीषित ये, काँह्भई महिमा रा आत्मा यनि परमेशरा रा आत्मा, तुहां च बास कराँ।

1 पतरस 4:16

पर जे कोई मसीह रा विश्वासी हुणे रे रिया वजह ने दुख सैयां, तां शर्मिन्दा नीं ओ, बल्कि इसा गल्ला रे खातर परमेशरा री स्तुति करो।

1 यूहन्ना 2:27

पर तुहांरे खातर यीशु मसीह पवित्र आत्मा दित्तिरा कने सै पवित्र आत्मा तुहां चा; इस खातर सच्चाईया रे बारे च कोई होर माहणु तुहांजो सखाओ इसरी जरूरत नीं। बरन पवित्र आत्मा सारी सच्चाईया रे बारे जाणने च तुहांरी मदद करो। जो किछ पवित्र आत्मा तुहांजो सखां सै विल्कुल सच्च आ, तिसच कोई झूट्ठ निआं। इसी खातर तियां जे पवित्र आत्मा तुहांजो बोलीरा, तियां इ तुहें मसीह च बणीरे रौआ।

प्रकाशितवाक्य 3:18

इस खातर हऊँ तिज्जो सलाह देआं भई अग्गी च सेक्कीरा सोना मेरते खरीदी लै ताकि तू अमीर हुई जाओ, कने पैहनणे खातर चिट्टे कपड़े लई लै ताकि तिसजो पैहनीने तिज्जो अपणे नंगे हुणे री शर्म नीं हो, कने अपणियां आक्खीं च लाणे खातर सुरमा लैं ताकि तू साफ-साफ देखणे लगो।