प्रेरितां 11:12 - बिलासपुरी नौआं नियम

¹² तां पवित्र आत्मे मिन्जो तिन्हांने बिणा शक कित्ते जाणे जो गलाया, कने छे भाई बी मेरे सौगी-सौगी आये; कने अहें तिस माहणुये रे घरा जो गये।

प्रेरितां 11:12 ပူးပေါင်းရင်းမြစ်များ

मत्ती 1:20

पर ताहली जे यूसुफ इस बारे च सोच्ची कराँ था, तां परमेशरा रा इक दूत सपने च तिसरे सामणे आया कने तिसने बोलणे लगया, “ओ यूसुफ! तू सै जे दाऊद राजे रे खानदाना ते आ, मरियमा जो अपणी घरा औल़ी बनाणे ते मत डर, काँह्भई सै बच्चा जे तिसारे पेट्टा चा सै पवित्र आत्मा रिया सामर्था ते आ।

यूहन्ना 16:13

पर ताहली जे सच्चाईया रा आत्मा औआं, तिस परमेशरा री हरेक सच्चाईया च तुहांरी अगुवाई करनी तिसरी जे तुहांजो जाणने री जरूरत इ, काँह्भई तिस अपणिया तरफा ते किछ नीं बोलणा, पर जो गल्लां सै परमेशरा ते सुणां तिस तुहांजो दसणियां, इस खातर तिस तुहांजो हुणे औल़ियां गल्लां हुणे ते पैहले दसणियां।

प्रेरितां 1:15

तिन्हांई दिनां च पतरस भाईयां रे बिच सै जे तकरीवन इक सौ बीह माहणु थे, खड़ा हुईने बोलणे लगया,

प्रेरितां 10:23

तां तिने तिन्हांजो अन्दरा जो सद्दीने तिन्हांरी सेवा किति। दुज्जे दिन तां जे सै तिन्हां सौगी गया, याफा नगरा रे विश्वासी भाईयां चते बी कई तिसने सौगी चलीगे।

प्रेरितां 10:45

कने जितने यहूदी विश्वासी पतरसा ने सौगी आईरे थे, सै सब हैरान हुये भई अन्यजातियां परा बी पवित्र आत्मा रा दान मिलया राँ।

प्रेरितां 11:13

तिने अहांजो दस्या, भई तिने इक्की स्वर्गदूता जो अपणे घरा च खढ़िरा देख्या तिने जे तिसने गलाया, ‘याफा च माहणु भेज्जीने शमौना जो तिस्सो जे पतरस बोलां ये, सद्दी ले।

प्रेरितां 13:2

तां जे सै उपवासा सौगी अराधना करया राँ थे, तां पवित्र आत्मे गलाया, “मेरे खातर बरनबास कने शाऊला जो तिसा सेवा खातर लग करा तिस खातर जे मैं तिन्हांजो चुणीरा।”

प्रेरितां 13:4

इस खातर पवित्र आत्मा रे भेजीरे शाऊल कने बरनबास अन्ताकिया नगरा ते सिलूकिया बन्दरगाह जो गये; कने तित्थी जे जहाज़ा पर चढ़ीने साइप्रस टापुये जो चले;

प्रेरितां 15:7

तां पतरसे बौहत बैहस हुणे ते बाद खड़े हुईने तिन्हांजो गलाया, “भाईयो, तुहें जाणाँ ये भई बौहत दिन पैहले परमेशरे तुहां चते मिन्जो चुणीलरा भई मेरे जरिये अन्यजातियां रे लोक खुशखबरी सुणीने विश्वास करो।

प्रेरितां 15:9

कने विश्वासा ते तिन्हांरे मन शुद्ध करीने अहां च कने तिन्हां च किछ भेद नीं रखया।

प्रेरितां 28:15

तित्थी ते किछ विश्वासी अहांरे औणे री खबर सुणीने सै अपियुस नगरा रे चौका कने तिन्न सराये तक अहांने भेंट करने जो आये, तिन्हांजो देखीने पौलुसे बौहत हौंसला पाईने परमेशरा रा धन्यवाद कित्या।

प्रेरितां 8:29

तां पवित्र आत्मे फिलिप्पुसा ने गलाया, “नेड़े जाईने इस रथा ने सौगी-सौगी चल्ल।”

रोमियो 3:22

यनिके सारे विश्वासियां खातर यीशु मसीह पर विश्वास करने ते परमेशरा री धार्मिकता बिणा किसी भेदभावा रे परगट हुई;

2 थिस्सलुनीकियां 2:2

तुहें सानिया ने किसी भविष्यवाणी, किसी उपदेश यनि किसी येढ़िया चिट्ठिया ते अपणे मना च दुखी नीं हुयां कने मत डरयां तिसाजो जे अहांरे जरिये लिखिरा समझया जान्दा हो कने तिसच जे इस तरिके ने दस्या गया हो भई प्रभुये रे औणे रा दिन आई चुक्कीरा।

प्रकाशितवाक्य 22:17

कने परमेशरा रा आत्मा कने दुल्हन दोन्नो बोलां ये, “औ!” कने सुणने औल़ा बी बोल्लो, “औ!” कने सै जे प्यासा हो, सै आओ कने सै जे कोई चाओ, सै जीवना रा पाणी मुफ्ता च लेओ।