प्रेरितां 10:43 - बिलासपुरी नौआं नियम

⁴³ तिसरे सब भविष्यवक्ता गवाही देआंये भई जो कोई तिस पर विश्वास करगा, तिस्सो तिसरे नौआं रे जरिये पापां री माफी मिलणी।”

प्रेरितां 10:43 ပူးပေါင်းရင်းမြစ်များ

मरकुस 16:16

सै जे विश्वास करो कने बपतिस्मा लओ तिसरा इ छुटकारा हूणा, पर सै जे विश्वास नीं करगा सै दोषी समझया जाणा;

लूका 24:47

कने यरूशलेम ते लेईने सारियां जातियां च मन फिराणे रा कने पापां रिया माफिया रा प्रचार, तिसरे इ नौआं ते कित्या जाणा।

यूहन्ना 1:45

फिलिप्पुस जो नतनएल मिलया कने तिने तिसने गलाया, “तिसरे बारे च जे मूसे व्यवस्था च कने भविष्यवक्तयां बी लिखिरा, सै अहांजो मिलीग्या; सै यूसुफ रा पुत्र, नासरत रा रैहणे औल़ा यीशु आ।”

यूहन्ना 20:31

पर ये सै जे लिखे गईरे, इस खातर भई तुहें विश्वास करो भई यीशु इ मसीह आ, सैई परमेशरा रा पुत्र आ। कने तिस पर विश्वास करीने अनन्त जीवन पाओ।

यूहन्ना 5:24

हऊँ तुहांजो सच्च बोलां, सै जे मेरा बचन सुणीने मेरे भेजणे औल़े पर विश्वास कराँ, सै अनन्त काल रा जीवन पां; कने तिस पर सजा रा हुक्म नीं हुन्दा, पर सै अनन्त काल रिया मौती ते बचीने पैहले तेई नईया जिन्दगिया च दाखल हुई चुक्कीरा।

प्रेरितां 15:9

कने विश्वासा ते तिन्हांरे मन शुद्ध करीने अहां च कने तिन्हां च किछ भेद नीं रखया।

प्रेरितां 2:38

पतरसे तिन्हांने गलाया, “मन फिरावा, कने तुहां चते सब अपणे-अपणे पापां री माफिया खातर यीशु मसीह रे नौआं ते बपतिस्मा लौ; तां तुहां पवित्र आत्मा रा दान पाणा।

प्रेरितां 26:18

भई तू तिन्हांजो इसा गल्ला रा एहसास करवाई दो भई सच्च क्या? कने झूट्ठा पर विश्वास करने रे बजाय परमेशरा रिया सच्चाईया पर विश्वास करा; ये सब इस खातर ताकि सै पापां री माफी कने मांह पर विश्वास करने ते पवित्र कित्तिरे लोकां सौगी बिरासत पाई सक्को।’

प्रेरितां 26:22

“पर परमेशरा री सहायता ते हऊँ अज्जा तका बचीरा कने छोट्टे बड्डे सब्बीं रे सामणे गवाही देआं, तिन्हां गल्लां जो छड्डिने किछ नीं बोलदा सै जे भविष्यवक्तयां कने मूसे बी गलाईयां भई हुणे औल़ियां इ,

प्रेरितां 3:16

कने तिस विश्वासा ते सै जे यीशु मसीह रिया वजह ने, इस माहणुये जो तिस्सो जे तुहें जाणाँ ये कने तिस्सो जे तुहें इस वगत बी देख्या राँये, सामर्थ दित्ति गैईरी। सै माहणु यीशुये रे नौआं च कने यीशु मसीह च विश्वासा रे जरिये विल्कुल ठीक-ठाक हुईरा तियां जे भई तुहें अप्पूँ खुद देखी सक्कां ये।

प्रेरितां 3:18

पर तिन्हां गल्लां जो जे परमेशरे सब भविष्यवक्तयां रे मुँआं ते पैहले इ दस्सी तरा था, भई परमेशरा रे भेज्जीरे मसीहे दुख सैहणा कने मरना था, तिन्हांजो तिन्हें इसा रितिया ते पूरा कित्या।

रोमियो 10:11

काँह्भई पवित्रशास्त्र ये बोलां, “सै जे कोई तिस पर विश्वास करगा तिस शर्मिन्दा नीं हूणा।”

रोमियो 3:21

पर हुण बिणा व्यवस्था रे पालन करने ते परमेशरा री धार्मिकता परगट हुई, तिसरी गवाही जे व्यवस्था कने भविष्यवक्ता दें,

रोमियो 5:1

इस खातर अहें विश्वासा ते धर्मी बणे, कांभई सै जे प्रभु यीशु मसीहे अहांरे खातर कित्या, तिसरे जरिए अहें परमेशरा सौगी शान्तिया ने रौ,

रोमियो 6:23

काँह्भई पापा री मजदूरी त मौत इ, पर परमेशरा रा बरदान अहांरे प्रभु मसीह यीशुये च अनन्त जीवन आ।

रोमियो 8:1

इस खातर हुण सै जे मसीह यीशु पर विश्वास कराँ ए, तिन्हां पर सजा रा कोई हुक्म निआं।

रोमियो 8:34

कोई बी अहांरी निन्दा नीं करी सकदा, काँह्भई ये यीशु मसीह आ सै जे अहांरे खातर मरया कने मूईरयां चते जिऊंदा हुया, हुण परमेशरा रे सज्जे पासे आ कने सै जे अहांरे खातर विनती बी कराँ।

गलातियां 3:22

पर पवित्रशास्त्र घोषणा कराँ भई सै सारे संसारा रे लोक पापा रिया शक्तिया रे अधीन आ, ताकि परमेशरे सै जे वायदा कित्तिरा तिस्सो तिन्हौं देई सक्को सै जे यीशु मसीह पर विश्वास कराँ ये।

इफिसियां 1:7

अहौं तिसच परमेशरा रे बौहत अनुग्रह रे मुतावक मसीह रे खून्ना रे जरिये छुटकारा, यनिके अहांरे पापां री माफी मिलीरी, परमेशरा रा अनुग्रह बौहत इ महान आ सै जे तिने अहांजो बौहत-जादा करीने दित्या।

कुलुस्सियां 1:14

अपणे पुत्रा रे बलिदान्न रे जरिये परमेशरे अहांजो शैतान्ना रिया शक्तिया ते अजाद कित्या, कने अहांरे पापां जो माफ कित्या।

इब्रानियों 13:20

कने शान्ति देणे औल़ा परमेशर सै जे भेड्डां रा महान रखवाला यनि मसीह यीशु, अहांरे प्रभुये जो अनन्त वाचा रे लहूये रे जरिये मूईरयां चते जिऊंदा कित्या,

1 पतरस 1:11

मसीह रा आत्मा तिन्हां च था कने तिन्हांजो दस्यारां था भई मसीहे कियां दुख सैहणा कने तिस्सो महान आदर दित्या जाणा। इस खातर तिन्हें ये पता लगाणे री खोज कित्ती भई मसीह कुण हूणा कने ये कदीं हूणा।

प्रकाशितवाक्य 19:10

फेरी तिसरी अराधना करने खातर हऊँ तिसरे पैराँ पर पैईग्या। तिने मेरने गलाया, “देख, येढ़ा मत करा! हऊँ तेरा कने तेरे साथी विश्वासियां साई इक दास इ हाया, सै जे यीशुये री गवाही देणे पर मजबूत आ। परमेशरा री अराधना कर; काँह्भई यीशु मसीह री गवाही भविष्यवाणिया री आत्मा इ।”