प्रेरितां 10:36 - बिलासपुरी नौआं नियम

³⁶ सै जे वचन तिने इस्राएलियां ला भेज्या, ताहली जे तिने यीशु मसीह रे जरिये सै जे सब्बीं रा प्रभु आ शान्तिया री खुशखबरी सुणाई,

प्रेरितां 10:36 ပူးပေါင်းရင်းမြစ်များ

मत्ती 10:6

पर इस्राएलियां लेई जायों काँह्भई सै तिन्हां भेड्डां साई ये सै जे अपणे चरवाहे ते दूर हुईगरे।

मत्ती 11:27

“मेरे पिता सारा किछ मिन्जो सौंपीरा; कने हकीकत च पिता ते इलावा कोई बी पुत्रा जो नीं जाणदा; कने कोई बी पुत्रा रे इलावा पिता जो नीं जाणदा; तिसरे खातर जे पुत्रे पिता जो प्रगट करना चाहया।

मत्ती 28:18

यीशुये तिन्हांले आईने बोल्या, “स्वर्ग कने धरतिया रा सारा अधिकार मिन्जो देई दित्तिरा।

लूका 1:79

भई सै जे परमेशरा जो नीं जाणदे सै तिन्हां लोकां साई ये सै जे अन्धेरे च बैठिरे, कने मौती ते डरीरे, तिन्हां पर परमेशरा रे सन्देशा री लोय चमको। कने तिस अहांरी अगुवाई करनी, ताकि अहें परमेशरा सौगी शान्तिया ने रैई सक्को।”

लूका 24:47

कने यरूशलेम ते लेईने सारियां जातियां च मन फिराणे रा कने पापां रिया माफिया रा प्रचार, तिसरे इ नौआं ते कित्या जाणा।

प्रेरितां 10:37

सै वचन तिस्सो जे तुहें जाणाँ ये, सै जे यूहन्ना रे बपतिस्मे रे प्रचारा ते बाद गलील प्रदेशा ते शुरु हुईने यहूदिया प्रदेशा रे बौहत सारे लाकयां च फैलीग्या;

प्रेरितां 11:19

स्तिफनुस रे मारे जाणे ते बाद बौहत सारे विश्वासी लोक यरूशलेम छड्डिने बिखरी गरे थे कने फिरदे-फिरदे फीनीके प्रदेश कने साइप्रस टापुये कने अन्ताकिया नगरा च पुज्जे; पर यहूदियां जो छड्डिने किसी होरी जो परमेशरा रा वचन नीं सुणांदे थे।

प्रेरितां 13:32

अहें तुहांजो तिस वायदे रे बारे च सै जे परमेशरे अहांरे बापदादयां ने कीतिरा, ये खुशखबरी सुणावां ये,

प्रेरितां 13:46

तां पौलुसे कने बरनबासे निडर हुईने गलाया, “जरूरी था भई परमेशरा रा वचन पैहले तुहांजो सुणाया जान्दा; पर ताहली जे तुहें तिसरा इन्कार कराँ ये, कने अप्पूँजो अनन्त जीवना रे लायक नीं ठहराँदे, तां हुण अहें अन्यजाति लोकां ले जाणा।

प्रेरितां 2:36

“इस खातर हुण इस्राएल रे सारे माहणु पक्के तरिके ने जाणी लो भई परमेशरे तिस इ यीशुये जो तिस्सो जे तुहें क्रूसा पर चढ़ाया, प्रभु बी ठहराया कने मसीह बी।”

प्रेरितां 5:31

परमेशरे यीशुये जो स्वर्गा च सद्दीने सब्बींते ऊच्चे औहदे पर बठाल़या, तिने तिस्सो अधिकार दित्या ताकि सै अहांरा छुटकारा करीने अहां पर राज करो। परमेशरे येढ़ा इस खातर कित्या भई अहें इस्राएली अपणे पापां ते मन फिराई लो ताकि सै अहांजो कने अहांरे पापां जो माफ करी दो।

रोमियो 14:9

काँह्भई इस मकसदा रिया वजह ने मसीह मरया कने जिऊंदा बी हुया ताकि सै मूईरयां कने जिऊंदयां दुईं रा प्रभु हुई सक्को।

रोमियो 5:1

इस खातर अहें विश्वासा ते धर्मी बणे, कांभई सै जे प्रभु यीशु मसीहे अहांरे खातर कित्या, तिसरे जरिए अहें परमेशरा सौगी शान्तिया ने रौ,

1 कुरिन्थियों 15:27

काँह्भई “परमेशरे सब किछ मसीह रे अधिकारा च करित्या।” ताहली जे सै बोलां भई “सब किछ” तिसरे अधीन करी दित्या गईरा, तां ये स्पष्ट आ भई इसच परमेशर शामिल नींआ तिने जे सब किछ मसीह रे अधीन करित्या।

1 कुरिन्थियों 15:47

पैहला माहणु आदम धरतिया रा यनि मिट्टिया रा था; कने दुज्जा माहणु यनि मसीह स्वर्गा ते आ।

फिलिप्पियां 2:11

कने सारे लोक पिता परमेशरा री महिमा रे खातर सारे लोक स्वीकार करो भई यीशु मसीह इ प्रभु आ।

कुलुस्सियां 1:20

तिसरे इ जरिये सारे ब्रह्माण्डा जो परमेशरे खुद अपणे ते दोबारा मिलाणा चाहया, तिन्हां सब्बीं जो सै जे धरतिया रे कने स्वर्गा रे, तिसरे खून्ना रे जरिये परमेशरा ने मेल-मलाप करवाया तिसजो जे मसीहे क्रूसा पर बहाया था।

इब्रानियों 1:2

इन्हां दिनां रे आखिर च परमेशरे अहांने अपणे पुत्रा रे जरिये गल्लां कित्तियां, तिसजो जे परमेशरे सारियां चिज़ां रा बारस बणाया कने तिसरे जरिये जे परमेशरे सारे संसारा जो रचीरी।

इब्रानियों 13:20

कने शान्ति देणे औल़ा परमेशर सै जे भेड्डां रा महान रखवाला यनि मसीह यीशु, अहांरे प्रभुये जो अनन्त वाचा रे लहूये रे जरिये मूईरयां चते जिऊंदा कित्या,

1 पतरस 3:22

कने सै स्वर्गा च जाईने परमेशरा रे सज्जे पासे आदरा रिया जगह बैठिग्या; कने सारे स्वर्गदूत, अधिकारी कने शक्तियां तिसरे अधीन करीते।

प्रकाशितवाक्य 1:18

हऊँ जिन्दगिया रा सोता; हऊँ मरी चुक्कीरा था, पर हुण हऊँ हमेशा खातर जीवित आ। मौत कने अधोलोका रियां चाबियाँ मेरले इयां।

प्रकाशितवाक्य 1:5

कने यीशु मसीह रिया तरफा ते सै जे बफादार गवाह कने मूईरेयां चते जी उठणे औल़यां च पैहला कने धरतिया रे सारे राजयां रा प्रधान आ, तुहांजो अनुग्रह कने शान्ति मिलदी रौ। सै अहांने प्यार कराँ, कने तिने अपणे खून्ना ने अहांजो पापां ते छडवाईरा।

प्रकाशितवाक्य 17:14

“तिन्हां सारयां मेमने ने लड़ना, पर मेमने तिन्हां पर जय पाणी; काँह्भई सै प्रभुआं रा प्रभु कने राजयां रा राजा, सै जे सद्दीरे, चुणीरे कने बफादार ये, तिस सौगी ये, तिन्हां बी जय पाणी।”

प्रकाशितवाक्य 19:16

कने तिसरे कपड़े कने लत्ता पर ये नौं लिखिरा : “राजयां रा राजा कने प्रभुआं रा प्रभु।”