प्रेरितां 10:28 - बिलासपुरी नौआं नियम

²⁸ पतरसे तिन्हांने गलाया, “तुहें जाणाँ यें भई अन्यजातियां री संगती करना या तिन्हां ला जाणा अहां यहूदियां खातर नियमा रे खलाफ आ, पर परमेशरे मिन्जो दस्या भई किसी माहणुये जो अपवित्र या अशुद्ध नीं बोलूं।

प्रेरितां 10:28 ပူးပေါင်းရင်းမြစ်များ

मरकुस 7:2

तिन्हें देख्या भई तिसरे किछ चेले बिणा हात्थ धोये रोटी खाया रां थे सै जे यहूदी रीति-रिवाजा रे मुतावक ठीक नीं था,

लूका 18:11

फरीसी कल्हा खड़ा हुईने अपणे मना च इयां प्राथना करने लगया, भई परमेशर, हऊँ तेरा धन्यवाद कराँ, काँह्भई हऊँ दुज्जेयां लोकां साई अन्धेर करने औल़ा चोर, ठग कने पापी, निआं, खास कर इस चुंगी लेणे औल़े साई, सै जे ऊत्थी खढ़िरा! मैं कदीं किसी जो धोखा नीं दित्या, हऊँ पाप नीं करदा, कने नां हऊँ ब्याभिचार कराँ,

यूहन्ना 18:28

फेरी सै सवेरे रे बगत यीशुये जो कैफा रे घरा ते रोम रे राजपाल पिलातुस ले मैहला जो लईगे, पर यहूदी लोकां चते कोई बी राजपाला रे मैहला च जान्दा, तां सै अपवित्र हुई जान्दा कने तिस्सो फसह री रोटी खाणे री अनुमति नीं मिलदी।

यूहन्ना 4:27

इतणे च तिसरे चेले आई पुज्जे, कने तिन्हांजो ये देखीने सच्ची जो बौहत हैरानी हुई भई सै इक जनाना ने गल्ल-बात करी रां; पर किन्हिये बी तिसते किछ नीं पुच्छया, भई “तू क्या चाँह यनि किस खातर इसाने गलाईरां?”

यूहन्ना 4:9

तिसे सामरी जनाने तिस्सो हैरान हुईने गलाया, “तू त इक यहूदी आ, फेरी बी मांज सामरी जनाना ते पीणे खातर पाणी काँह मंगया दा?” काँह्भई यहूदी त सामरियां ने कोई बी सलबन्ध नीं रखदे।

प्रेरितां 10:29

इस खातर तां जे तुहें मिन्जो सदया तां बिणा किछ गलाये औणे री किति। हुण हऊँ पुच्छां भई मिन्जो किस कम्मां खातर सद्दीरा?”

प्रेरितां 11:9

इसरे जवाबा च अम्बरा ते दुज्जी बार अवाज़ आई, ‘जो किछ परमेशरे शुद्ध बणाईरा, तिस्सो अशुद्ध मत बोलदा।’