प्रेरितां 10:1 - बिलासपुरी नौआं नियम

¹ कैसरिया नगरा च कुरनेलियुस नौआं रा इक माहणु था, सै जे इतालियानी नौआं रिया पलटना रा सुबेदार था।

प्रेरितां 10:1 ပူးပေါင်းရင်းမြစ်များ

मत्ती 27:27

फेरी पिलातुस राजपाला रे सपाई यीशुये जो किले च लेईये कने सपाईयां री सारी पलटन यीशुये रे चऊँ पासयां कट्ठी हुईगी,

मत्ती 27:54

फेरी सुबेदार कने होर सिपाही सै जे तिस सौगी यीशुये रा पैहरा देई कराँ थे, हिल्लण कने सै जे किछ तित्थी हुया था तिस्सो देखीने बड़े भरी डरिये कने गलाया, “सच्ची जो ये परमेशरा रा पुत्र था।”

मरकुस 15:16

फेरी पिलातुस रे सिपाही यीशुये जो मैहला रे अंगणा च (यनि तित्थी जे पिलातुस राजपाला रा मुख्याल्य) लईगे, कने तिन्हें इक सारिया पलटना जो इक साथ सद्दया।

लूका 7:2

कने किसी सुबेदारा रा इक दास था, सै जे तिसजो बड़ा प्यारा था, बमारिया रिया वजह ने मरने औल़ा था।

यूहन्ना 18:12

फेरी रोमी टुकड़िया रे सिपाईयें कने तिन्हांरे सुबेदारें कने यहूदियां रे मन्दरा रे पैहरा देणे औल़यां यीशुये जो कैद करील्या।

यूहन्ना 18:3

तांई यहूदा, अपणे सौगी रोमी सेना रे हथियारा औल़े माहणुआं, कने मुखियायाजकें कने फरीसियां रे भेजीरे सपाईयां जो मशालां कने हथियाराँ समेत लईने, तित्थी आईग्या।

प्रेरितां 10:24

कने अगले दिन सै कैसरिया नगरा च पुज्जे कने कुरनेलियुस अपणे रिस्तेदाराँ जो कने प्यारे मित्रा जो कट्ठा करीने तिन्हांरा इन्तजार करया राँ था।

प्रेरितां 21:31

ताहली जे सै तिस्सो मारी देणा चाँह थे, तां पलटना रे सरदारा जो समाचार पुज्या भई यरूशलेम रे बौहत सारे लोक हल्ला मचाईराँ थे।

प्रेरितां 21:8

दुज्जे रोज अहें तित्थीते चलीने कैसरिया नगरा च आये, कने फिलिप्पुस खुशखबरी प्रचार करने औल़े रे घरा च सै जे सत्तां चते इक था; जाईने तित्थी रै।

प्रेरितां 22:25

ताहली जे तिने तिस्सो चमड़े रिया पेट्टिया ने बन्हया, तां पौलुसे तिस सुबेदारा जो सै जे सौगी खढ़िरा था, गलाया, “क्या ये ठीक आ भई तुहें इक्की रोमी माहणुये जो, कने सै बी बिणा दोष साबित हुये, कोड़े मारो?”

प्रेरितां 23:23

फेरी पलटना रे सरदारे दो सुबेदाराँ जो सद्दीने गलाया, “दो सौ सैनिक, सत्तहर स्वार, कने दो सौ भाले औल़े, राति रे नौ बजे ते बाद कैसरिया नगरा जो जाणे खातर त्यार करी रखयों।

प्रेरितां 23:33

तिन्हें कैसरिया नगरा च पुज्जी ने राजपाल जो चिट्ठी दित्ति; कने पौलुसा जो बी तिसरे सामणे खड़ा कित्या।

प्रेरितां 25:1

फेस्तुस तिस प्रदेशा च पुजणे ते तिन्नां दिनां बाद कैसरिया नगरा ते यरूशलेम जो गया।

प्रेरितां 25:13

कईयां दिनां ते बाद, अग्रिप्पा राजा अपणी छोट्टी भैण बिरनीके ने कैसरिया नगरा च आये कने फेस्तुस ने आईने भेन्ट किति सै जे प्रदेशा रा नया राजपाल था।

प्रेरितां 27:1

ताहली जे फिस्तुस राजपाला रे जरिये ये तैह कित्या गया भई अहां जहाजा च इतालिया प्रदेशा रे रोम नगरा च जाईये, तां तिन्हें पौलुस कने किछ होरीं कैदियां जो बी यूलियुस नौआं रे बादशाह औगस्तुस रिया पलटना रे इक्की सुबेदारा रिया निगरानिया च सौंपीत्या।

प्रेरितां 27:31

तां पौलुसे सुबेदार कने सैनिकां ने गलाया, “जे ये लोक बचणा चाँये तां इन्हांजो जहाजा पर रैहणे री जरूरत इ।”

प्रेरितां 27:43

पर सुबेदारे पौलुसा जो बचाणे रिया इच्छा ते तिन्हौं इस बचारा ते रोकया कने ये गलाया, भई सै जे तैरी सक्कां ये, पैहले छाल मारीने कनारे पर निकल़ी जाओ;

प्रेरितां 8:40

फिलिप्पुस अशदोदा नगरा च आई निकल़या, कने तदुआं तका जे कैसरिया नगरा च नीं पुज्जया, तदुआं तका नगर-नगर खुशखबरी सुणांदा गया।