प्रेरितां 1:9 - बिलासपुरी नौआं नियम

⁹ ये गल्ल बोलणे ते बाद, ताहली जे चेले देख्या राँ थे तां परमेशर यीशुये जो चक्कीने स्वर्गा खौ लेईग्या, कने बद्दल़ें यीशुये जो तिन्हांरियां नज़राँ ते लुकोईत्या।

प्रेरितां 1:9 ပူးပေါင်းရင်းမြစ်များ

मरकुस 16:19

तिन्हांने गल्लां करने ते बाद परमेशर प्रभु यीशुये जो स्वर्ग लेईग्या, कने अपणे संघासणा रे सज्जे पासे बठाया।

लूका 21:27

फेरी सारयां लोकां मिन्जो यनि माहणुये रे पुत्रा जो अपणी सामर्थ कने चमकदे हुये तेज्जा सौगी बद्दल़ां पर औंदे देखणा।

यूहन्ना 6:62

कने जे तुहें माहणुये रे पुत्रा जो यनि मिन्जो, तित्थी जे हऊँ पैहले था, भीं ते स्वर्गा च जान्दे देखणा, तां क्या हूणा?

प्रेरितां 1:11

कने तिन्हांजो गलाया, “गलील प्रदेशा रे लोको, तुहें काँह हल्तियें तक खड़ीने स्वर्गा खौ देख्या रायें? सैई यीशु, तिस्सो जे परमेशर तुहां लाते स्वर्गा जो चक्कीने लेई गरा, जिस तरिके ने तुहें तिस्सो स्वर्गा जो जान्दे देख्या तियां इ तिस फेरी वापस औणा।”

प्रेरितां 1:2

तिस दिना तक तदुआं तका जे यीशुये जो परमेशर स्वर्गा च लेईने नीं गया। पर स्वर्ग जाणे ते पैहले तिने अपणे प्रेरितां जो तिन्हांजो जे तिने चुणया था पवित्र आत्मा रिया अगुवाईया ते हुक्म दित्या था।

1 थिस्सलुनीकियां 4:17

तां अहें सै जे हुण बी जिऊंदा ये कने बाकी बचीरे तिन्हां सौगी बद्दल़ां पर ऊठाईने ले जाये जाणे भई अम्बरा च प्रभुये ने मिलो; कने तिस वगता ते अहां सदा प्रभुये ने सौगी रैहणा।

1 तिमुथियुस 3:16

इसच शक निआं भई अहांरे विश्वासा च महान भेत आ : मसीह सै जे माहणु बणीने आया, पवित्र आत्मे दिखाया भई सै सच्चमुच परमेशरा रा पुत्र था, स्वर्गदूतें तिसजो देख्या, सारी जातियां रे लोकां च तिसरे बारे रा प्रचार हुया, संसारा रे लोकें तिस पर विश्वास कित्या, कने परमेशर तिस्सो स्वर्गा च लेईग्या।

प्रकाशितवाक्य 1:7

देक्खा, मसीह बद्दल़ां सौगी आया रां, कने सारयां तिस्सो देखणा, येत्थी तक भई सै लोक बी तिन्हेंजे तिस्सो भाले ने बिन्हया था; तिन्हां बी तिसखा देखणा, कने संसारा रे सारयां लोकां तिसरिया वजह ते बिलकी-बिलकी ने रोणा। हाँ, ये हूणा। आमीन।

प्रकाशितवाक्य 11:12

तिन्हांजो स्वर्गा ते इक बड्डी अवाज़ सुणीं, “येत्थी ऊपर औआ!” ये सुणीने सै बद्दल़ां पर स्वार हुईने अपणे दुश्मणां रे देखदे-देखदे स्वर्गा पर चढ़ीगे।

प्रकाशितवाक्य 14:4

ये सै लोक ये, सै जे कदीं औरतां सौगी अशुद्ध नीं हुये, पर कुवारे रै; ये सैई हाये, भई तित्थी जे कित्ती मेमना जां, सै तिसरे पिच्छे हुई लेआं ये; येत परमेशर कने मेमने रे खातर पैहले फल़ा साई माहणुआं चते खरीदी लरे।