प्रेरितां 1:7 - बिलासपुरी नौआं नियम

⁷ यीशुये तिन्हांजो जबाब दित्या, “तिस बगता जो जाणना तुहांरा काम्म निआं, तिन्हांजो जे पिता परमेशरे अपणे अधिकारा च रखीरा।

प्रेरितां 1:7 ပူးပေါင်းရင်းမြစ်များ

मत्ती 20:23

यीशुये तिन्हांने गलाया, “तुहें मेरे साई दुख त सैही लेंगे, पर मेरे दायें कने बायें बठाल़ना मेरा काम्म निआं, पर तिन्हांरे खातर जे मेरे पिता परमेशरा रिया तरफा ते त्यार कित्तिरा, तिन्हारे खातर इ आ।”

मत्ती 24:36

“तिस दिना कने तिसा घड़िया रे बारे च कोई किछ नीं जाणदा, न स्वर्गा च स्वर्गदूत कने न खुद पुत्र, पर सिर्फ पिता परमेशर जाणाँ।

मरकुस 10:40

पर तिन्हां खातर जे त्यार कित्तिरा, तिन्हां छड्डिने होर किसी जो अपणे सज्जे कने खब्बे बठाणा मेरा काम्म निआं।”

मरकुस 13:32

“मेरे औणे रे तिस असली वगता जो कोई नीं जाणदा। नां स्वर्गा रे दूत कने नां हऊँ परमेशरा रा पुत्र जाणाँ; पर सिर्फ मेरा पिता जाणाँ।

लूका 21:24

सै तलवारा ने मारे जाणे कने तिन्हारे बैरियां तिन्हांजो बन्दी बणाईने होरीं बौहत देशां च लेई जाणा; कने यरूशलेम पर अन्यजातियां रे लोकां तदुआं तक राज करना तदुआं तक जे तिन्हारा बगत पूरा नीं हुई लो, तिन्हां यरूशलेम रे निवासियां जो नष्ट करी देणा।

प्रेरितां 17:26

“इक्की माहणुये ते तिने माहणुआं रियां सारियां जातियां बणाईयां ताकि सै सारिया धरतिया पर बसी जाओ; कने तिने इ लोकां रा बगत तैह करित्या कने तिसा जगह री, तित्थी जे सै रौ, सीमायें बन्ही तियां,

इफिसियां 1:10

ताहली जे ये योजना पूरी करने रा सही वगत औंगा, तां परमेशरा स्वर्ग कने धरतिया री सारियां चिज़ां जो मसीह रे अधीन करना, ताकि मसीह सारियां चीजां रा मुखिया हो।

1 तिमुथियुस 6:15

मसीहे परमेशरा रे तैह कित्तिरे वगता पर औणा, परमेशर सै जे परमधन्य कने इकलौता शासक कने राजयां रा राजा कने प्रभुआं रा प्रभु आ,

2 तिमुथियुस 3:1

तिमुथियुस हऊँ चांह भई तू ये जाणी ले, संसारा रे आखरी दिनां च बौहत बुरा बगत हूणा।