प्रेरितां 1:3 - बिलासपुरी नौआं नियम

³ यीशुये रे दुख सैहणे कने क्रूसा पर लटकाये जाणे ते बाद कई सारे पक्कयां सबूतां ने अप्पूँजो प्रेरितां रे सामणे ज्यूंदा परगट कित्या, कने चाल़ियां दिनां तक सै तिन्हांजो दुसदा रैया, कने परमेशर माहणुआं पर कियां राज कराँ ये गल्लां दस्सियां।

प्रेरितां 1:3 ပူးပေါင်းရင်းမြစ်များ

मत्ती 21:43

“इस खातर हऊँ तुहांजो बोलां परमेशरा रा राज तुहांते खोया जाणा कने सै तिन्हां लोकां जो देई दित्या जाणा सै जे तिसरे राज्जा रे मुतावक बर्ताव करगे।

मत्ती 28:9

फेरी यीशुये अचानक तिन्हांजो मिलीने “नमस्कार” कित्या। कने तिन्हें तिसरे नेड़े आईयां तिसरे पैर छुईने तिसरी अराधना कित्ती।

मत्ती 3:2

“अपणे पापां ते मन फिरावा, काँह्भई परमेशरा रा राज नेड़े आईगरा।”

मत्ती 4:2

चाल़ी दिन, कने चाल़ी रात तिने किछ नीं खाया, इसते बाद तिस्सो भूक्ख लगी।

मरकुस 16:19

तिन्हांने गल्लां करने ते बाद परमेशर प्रभु यीशुये जो स्वर्ग लेईग्या, कने अपणे संघासणा रे सज्जे पासे बठाया।

यूहन्ना 20:26

अट्ठां दिनां बाद यीशुये रे चेले फेरी भीं घरा च कट्ठे हुये, कने थोमा तिन्हांने सौगी था। (दरवाजे पर ताला लगीरा था।) यीशु आया कने तिन्हां च खढ़ी गया, कने तिन्हांजो गलाया, “तुहांजो शान्ति मिलो।”

यूहन्ना 21:1

इन्हां गल्लां ते बाद तिबिरियास नदिया रे कण्डे (गलील समुद्रा रा दुज्जा नौं आ) यीशु चेलयां ले भीं ते आया। कने ये सब किछ इयां हुया भई;

यूहन्ना 21:14

मूईरयां चते जिऊंदा हुणे ते बाद ये तिज्जी बार यीशुये अपणया चेलयां जो दर्शण दित्या।

प्रेरितां 13:31

कने सै तिन्हांजो सै जे तिसने सौगी गलील प्रदेशा ते यरूशलेम नगरा जो आईरे थे, बौहतीं दिनां तक तिसरे चेलयां जो दुसदा रैया; लोकां रे सामणे हुण सैई तिसरे गवाह ये।

प्रेरितां 19:8

फेरी पौलुस यहूदी सभा घर च जाईने तिन्नां महीनयां तका निडर हुईने बोलदा रैया, कने परमेशरा रे राज्जा रे बारे च विवाद करदा कने समझांदा रैया।

प्रेरितां 28:23

तां यहूदियें तिस खातर इक दिन तैह कित्या, कने मते लोक तिसले कट्ठे हुये, कने सै परमेशरा रे राज्जा री गवाही देन्दा हुआ। कने मूसा री व्यवस्था कने भविष्यवक्तयां री कताबां चते यीशुये रे बारे च समझाई-समझाई ने सवेरे ते संझा तका दसदा रैया।

प्रेरितां 28:31

कने सै जे तिसला औवां थे, तिन्हां सब्बीं ने मिलदा रैया कने बिणा रोक टोक बौहत निडर हुईने परमेशरा रे राज्जा रा प्रचार करदा कने प्रभु यीशु मसीह री गल्लां सखांदा रैया।

प्रेरितां 8:12

पर ताहली जे लोकें परमेशरा रे राज्जा कने यीशु मसीह रे नौआं री खुशखबरिया च फिलिप्पुस रा सन्देश सुणीने विश्वास कित्या, जनाना कने मर्द दुईं ही बपतिस्मा लेआ।

रोमियो 14:17

काँह्भई परमेशरा रे राज्जा च खाणा पीणा मायना नीं रखदा, पर परमेशरा ने ठीक रैहणा, शान्ति कने पवित्र आत्मा ने आनन्द बौहत मायना रखा।

कुलुस्सियां 1:13

काँह्भई सैई अहांजो शैतान्ना रिया सामर्था ते छुड़ाईने अपणे प्यारे पुत्रा रे राज्जा च ली आया,

1 थिस्सलुनीकियां 2:12

भई तुहांरा चाल-चल़ण परमेशरा रे लायक हो, सै जे तुहांजो अपणे राज्जा कने महिमा च सद्दां।

1 यूहन्ना 1:1

हऊँ यूहन्ना तुहांजो तिस माहणुए रे बारे च लिख्या रां, सै जे जीवना रा वचन आ। सै सृष्टिया रे बौहत पैहले ते था, तिसजो जे अहें सुणीरा, कने अपणियां आक्खीं देख्या, बल्कि तिस्सो अहें बड़े ध्याना ने देख्या कने अपणे हत्थां ने छुया।