प्रेरितां 1:13 - बिलासपुरी नौआं नियम

¹³ तां जे सै तित्थी पुज्जे तां सै तिस बौढ़ी रे कमरे च गये, तित्थी जे पतरस, यूहन्ना, याकूब, अन्द्रियास, फिलिप्पुस, थोमा, बरतुल्मै, मत्ती, हलफई रा पुत्र याकूब, शमौन जेलोतेस कने याकूब रा पुत्र यहूदा रैयां थे।

प्रेरितां 1:13 ပူးပေါင်းရင်းမြစ်များ

मत्ती 9:9

ऊत्थीते अग्गे बधीने यीशुये मत्ती नौंवां रे इक्की माहणुये जो चुंगी लेणे औल़े नाक्के पर बैठिरा देख्या कने तिसजो बोल्या, “मेरे सौगी औ।” इस खातर सै उट्ठया कने तिसरे पिच्छे चलीप्या।

मरकुस 14:15

घरा रे मालका तुहांजो इक सजीरा-सजाई रा, कने त्यार कित्तिरा बड्डा कमरा दस्सी देणा, तित्थी तुहें अहांरे खातर फसह रा खाणा बणायों।”

मरकुस 14:33

कने सै पतरस, याकूब कने यूहन्ना जो अप्पूँ सौगी लईग्या; कने सै बौहत इ जादा परेशान हुणे लगया,

मरकुस 2:14

ताहली जे यीशु जाया रां था, फेरी तिने हलफई रे पुत्र लेविये जो चुंगी लेणे औल़े नाक्के पर बैठिरा देख्या, कने तिसने बोल्या, “मेरे सौगी औ, इस खातर सै उट्ठया कने तिसने चलीप्या।”

मरकुस 5:37

कने तिने सिर्फ पतरस, याकूब कने याकूब रा भाई यूहन्ना कने याईर जोई अप्पूँ सौगी औणे री अनुमति दित्ति। तिने भीड़ा चते होर किसी जो औणे नीं दित्या।

मरकुस 9:2

छेआं दिनां ते बाद यीशुये, पतरस, याकूब, याकूब रे छोट्टे भाई यूहन्ने जो सौगी लया, कने तिन्हांजो ऊच्चे पहाड़ा पर लईग्या; तित्थी जे सै कल्हे थे। तित्थी तिन्हारे सामणे परमेशरे यीशुये रा रुप बदलील्या।

लूका 22:12

तिस तुहांजो ऊपरलिया तरफा जो लेई जाणा तित्थी जे इक बड्डा कमरा पहले तेई सजीरा सजाईरा हूणा। तुहांरे खातर सैई जगह हूणी, कने तित्थी तुहें फसह रा खाणा बणायों।”

यूहन्ना 11:16

फेरी थोमा तिस्सो जे दिदुमुस बोलां ये, तिने अपणयां साथी चेलयां ने बोल्या, “औआ, अहें बी प्रभुये ने तित्थी चलिये ताकि अहें बी तिस सौगी मरी सक्को।”

यूहन्ना 14:22

यहूदा सै जे इस्करियोति नीं था तिसने बोलणे लगया, “ये कियां हुई सक्कां भई तू अहांजो साफ-साफ दिसणा कने संसारा रे लोका जो नीं दिसणा?”

यूहन्ना 18:17

तां दवारा पर पैहरा देणे औल़ी तिसे दासिये पतरसा जो गलाया, मिन्जो लगाँ भई तू बी यीशुये रा इक चेला? पतरसे जबाब दित्या, नां हऊँ निआं।

यूहन्ना 21:2

शमौन पतरस, थोमा यनि दिदुमुस (तिस्सो जे जुड़वा बोलां ये), गलील जिले रे काना गाँवां रा नतनएल, कने जब्दिये रे दोन्नों पुत्र कने यीशुये रे चेलयां चते दो होर चेले तित्थी नदिया रे कनारे पर कट्ठे थे।

प्रेरितां 12:17

तां तिन्हें तिन्हांजो हत्था रा सहारा कित्या भई चुप रौआ; कने तिन्हांजो दस्या भई प्रभुये कियां-कियां तिस्सो जेल्ला ते कड्डया। फेरी गलाया, “याकूब कने भाईयां जो ये गल्ल दस्सी देयों।” तां निकल़ीने दुज्जिया जगह जो चलिग्या।

प्रेरितां 15:13

ताहली जे सै चुप हुये तां याकूब बोलणे लगया, “हे भाईयो, मेरी सुणा।

प्रेरितां 2:14

तां पतरस तिन्हां ग्याराँ ने सौगी खड़ा हुया कने ऊच्चिया अवाज़ा च बोलणे लगया, “हे यहूदियो कने यरूशलेम च सब रैहणे औल़यो ये जाणी लवा, कने ध्यान देईने मेरियां गल्लां सुणा।

प्रेरितां 2:38

पतरसे तिन्हांने गलाया, “मन फिरावा, कने तुहां चते सब अपणे-अपणे पापां री माफिया खातर यीशु मसीह रे नौआं ते बपतिस्मा लौ; तां तुहां पवित्र आत्मा रा दान पाणा।

प्रेरितां 20:8

तिस बराण्डे जे अहें कट्ठे हुईरे थे तिसच मते दिऊये बल़या राँ थे।

प्रेरितां 4:13

ताहली जे तिन्हें पतरस कने यूहन्ना रा हौंसला देख्या, तां सै तिन्हांजो अनपढ़ कने सिधे-साधे माहणु समझीने हैरान हुये; फेरी तिन्हें पछयाणया भई ये यीशुये सौगी रईरे।

प्रेरितां 4:19

पर पतरस कने यूहन्ने तिन्हांजो जवाब दित्या, “तुहें इ फैसला करा; क्या ये परमेशरा रे नेड़े भला भई अहें परमेशरा रियां गल्लां ते बधीने तुहांरियां गल्लां मन्निये।

1 कुरिन्थियों 15:7

फेरी सै याकूब जो दिखाई दित्या फेरी सारयां प्रेरितां जो दिखाई दित्या,

गलातियां 1:19

पर तित्थी हऊँ प्रभुये रे भाईये याकूब जो छड्डिने किसी बी दुज्जे प्रेरिता ने नीं मिलया।

गलातियां 2:9

इस तरिके ने तिन्हें माह पर परमेशरा रे तिस अनुग्रह जो समझील्या कने कलीसिया रे अगुवे समझे जाणे औल़े याकूब, कैफा, कने यूहन्ने, मिन्जो कने बरनबासा जो सहयोगी बणाईने भेज्या। कने सै सहमत हुईगे भई अहें अन्यजातियां रे बिच उपदेश देन्दे रौ कने सै खतना कित्ती रयां लोकां रे बिच।

याकूब 1:1

हऊँ याकूब, परमेशर कने प्रभु यीशु मसीह रा दास आ। हऊँ ये चिट्ठी यहूदी मसीह विश्वासियां रे बारा गोत्राँ जो लिखिराँ सै जे सारे संसारा च खिण्डीरे।

2 यूहन्ना 1:1

हऊँ यूहन्ना कलीसिया रा अगवा, ये चिट्ठी तिसा औरता जो कने तिसारे बच्चयां जो लिखया राँ, तिन्हांजो जे परमेशरे चुणीरा, कांहभई अहें सारे परमेशरा रिया सच्चाईया पर विश्वास करां ए कने सिर्फ हऊँ इ नीं, पर सै सब जणे बी तुहांने प्यार रक्खां ये सै जे परमेशरा रिया सच्चाईया जो जाणाँ यें।

यहूदा 1:1

हऊँ यहूदा, यीशु मसीह रा सेवक कने याकूब रा भाई तुहांजो ये चिट्ठी लिख्या राँ, यनि जितने लोक परमेशरा रे जरिये सद्दे गईरे कने तिन्हौं जे अहांरा पिता परमेशर प्रेम कराँ कने यीशु मसीह रे जरिये सुरक्षित ये।