3 यूहन्ना 1:6 - बिलासपुरी नौआं नियम

⁶ सै प्यार जे तैं तिन्हां पर दस्या, तिन्हें येत्थी रिया कलीसिया रे विश्वासियां रे सामणे तिसरी गवाही दित्तिरी। तिज्जो तिन्हां लोकां री लगातार मदद करनी चाहिन्दी ताहली सै तिज्जो छड्डिने दुज्जिया जगह यात्रा करने री इच्छा कराँ ये, ये तिज्जो करना चाहिन्दा, काँह्भई येई परमेशरा जो खुश कराँ।

3 यूहन्ना 1:6 ပူးပေါင်းရင်းမြစ်များ

प्रेरितां 15:29

भई तुहें मूरतां पर बल़ि कित्तिरे कने खून्ना ते, कने गल़ा घुट्ठीरे मासा ते, कने व्यभिचारा ते दूर रहो। इन्हांते दूर रहो तां तुहांरा भला हूणा। अग्गे शुभकामना।”

प्रेरितां 15:3

कलीसिया रे लोकें रोटी कने पैसा देईने तिन्हांरी यात्रा च जाणे जो मदद कित्ती; कने सै फीनीके कने सामरिया प्रदेशा चियें हुंदे हुये किस तरिके ने अन्यजातियां रे लोक खुशखबरी सुणीने यीशु मसीह पर विश्वास करी राँये ये खबर सुणान्दे रै, कने ये सुणीने सब विश्वासी बौहत खुश हुये।

प्रेरितां 21:5

ताहली जे सै दिन पूरे हुईगे, तां अहें तित्थी ते चलीपे; कने जनानां कने बालकां समेत तिन्हें अहांजो नगरा ते बाहरा तका पहुँचाया; कने अहें कनारे पर गोडे टेक्कीने प्राथना किति,

रोमियो 15:24

इस खातर ताहली जे हऊँ स्पेन देशा जो जांगा, तां मेरी ये आशा इ भई हऊँ तुहांजो जरूर मिलगा कने तुहां सौगी किछ दिन रुकणे रा नन्द लेणे ते बाद हऊँ चाँह भई तुहें सपेन जाणे च मेरी मदद करी सक्को।

2 कुरिन्थियों 1:16

हऊँ सोच्चां था भई मकिदुनिया प्रदेश जान्दे हुये तुहांजो मिलूँ कने ताहली जे मकिदुनिया ते वापस हटूँ तां फेरी तुहांले आऊं; ताकि हऊँ तुहांते यहूदिया प्रदेशा रिया यात्रा खातर मदद पाऊँ।

फिलिप्पियां 4:14

किछ बी हो तुहें मेरे दुखां च मेरी सहायता करीने खरा इ कित्या।

कुलुस्सियां 1:10

ताकि तियां जे प्रभु चाँह तुहें तियां जी सकगे, कने तुहां हरेक गल्ला च प्रभुये जो खुश करना, कने तुहां हर तरिके रे भले काम्म करदयां रैहणा, कने तुहें परमेशरा जो अच्छे तरिके ने जाणगे।

1 थिस्सलुनीकियां 2:12

भई तुहांरा चाल-चल़ण परमेशरा रे लायक हो, सै जे तुहांजो अपणे राज्जा कने महिमा च सद्दां।

तीतुस 3:13

ताहली जे जेनास नामक व्यवस्थापक कने अपुल्लोस यात्रा करने रे खातर त्यार हुणे, तां जितणी तू मदद करी सक्कां उतणी तिन्हांरी मदद कर, ताकि यात्रा खातर जो किछ तिन्हांजो चाहिन्दा सै सब तिन्हांले हो।

1 पतरस 2:20

पर जे बुरे कम्मां रिया वजह ने तुहांजो मारया-कुट्टया जां कने तुहें धीरज रक्खया, तां इसच प्रशंसा री क्या गल्ल इ, पर जे भला काम्म करीने दुख सैया कने धीरज रक्खां ये, तां इसते परमेशरा जो खुशी हुआं इ।

3 यूहन्ना 1:12

कलीसिया रे सारे लोक बोलां ये भई दिमेत्रियुस इक खरा माहणु आ; काँह्भई सै सच्चाईया रे मुतावक जीवन जीआं। अहें बी बोलां ये भई सै इक खरा माहणु आ कने तू जाणाँ भई सै जे अहें बोलां ये सै सच्च आ।