3 यूहन्ना 1:12 - बिलासपुरी नौआं नियम

¹² कलीसिया रे सारे लोक बोलां ये भई दिमेत्रियुस इक खरा माहणु आ; काँह्भई सै सच्चाईया रे मुतावक जीवन जीआं। अहें बी बोलां ये भई सै इक खरा माहणु आ कने तू जाणाँ भई सै जे अहें बोलां ये सै सच्च आ।

3 यूहन्ना 1:12 ပူးပေါင်းရင်းမြစ်များ

यूहन्ना 19:35

तिने माहणुये जे ये गल्लां हुन्दे हुये देखियां, तिने इ इस बारे च गवाही दित्ति, ताकि तुहें बी यीशुये पर विश्वास करी सक्को। तिसरी ये गवाही सच्ची, कने सै जाणाँ भई तिने सच्च बोल्या।

यूहन्ना 21:24

ये सैई चेला सै जे इन्हां सारियां गल्लां रा गवाह कने तिने जे ये गल्लां लिखियां; अहें जाणाँ ये भई तिसरी गवाही सच्ची।

प्रेरितां 10:22

तिने गलाया, “कुरनेलियुस सुबेदार सै जे धर्मी कने परमेशरा ते डरने औल़ा कने जितने यहूदी लोक तिसरे बारे च जाणाँ ये सै बोलां ये भई सै बौहत भला माहणु आ। इक पवित्र स्वर्गदूते तिसजो गलाया, भई शम्मौन, पतरसा जो मिलणे खातर किसी जो जोप्पा जाणे जो बोल कने तिन्हांजो येत्थी ल्याव भई जो किछ सै बोलणा चाँह तिस्सो तू सुणी पाओ।”

प्रेरितां 22:12

“तां हनन्याह नौआं रा व्यवस्था रे मुतावक इक परमेशरा रा डर मनणे औल़ा माहणु, सै जे तित्थी रैहणे औल़यां सब यहूदियां च ईज्जतदार था, मेरले आया,

प्रेरितां 6:3

इस खातर, मेरे भाईयो, अप्पूँ चते सात्त खरे माहणुआं जो सै जे पवित्र आत्मा कने बुद्धिया ने भरीरे हो, चुणी लवा, भई अहें तिन्हांजो ये काम्म दई-देईये।

1 थिस्सलुनीकियां 4:12

इस तरीके रा बर्ताव करने ते अविश्वासी लोक तुहांरा आदर करगे, कने तिसा चीजा री जे तुहांजो जरूरत इ तिसा रे खातर तुहांजो किसी पर बी निर्भर नीं रहणे पौणा।

1 तिमुथियुस 3:7

कने कलीसिया रे बाहरा रे लोकां च बी तिसरी ईज्जत हो, ताकि सै बदनाम हुईने शैतान्ना रे फन्दे च फसी जाओ।