2 तिमुथियुस 3:14 - बिलासपुरी नौआं नियम

¹⁴ पर तिमुथियुस तैं तिन्हां गल्लां जो जे सिखीरा कने मजबूतिया ने विश्वास कराँ, तिन्हां पर लगातार विश्वास करदा रैयां, काँह्भई तू तिन्हांजो जाणाँ भई तिज्जो किने इसा सच्चाईया जो सखाईरा।

2 तिमुथियुस 3:14 ပူးပေါင်းရင်းမြစ်များ

प्रेरितां 17:31

काँह्भई तिने इक दिन रखीरा, तिसच जे तिस माहणुये रे जरिये संसारा रा न्याय करना, तिस्सो जे तिने रखीरा, कने तिस्सो मूईरेयां चते ज्यूंदा करीने इसा गल्लां रा सबूत सारयां लोकां जो देईतरा।”

रोमियो 14:5

तिस इ तरिके ने, कोई त इक्की दिना जो दुज्जे दिना ते बधीने मन्नां, कने दुज्जा तिस्सो सारयां दिनां रे बराबर मन्नां। तां हरेक माहणुये जो यकीन करना चाहिन्दा भई जो किछ सै सोच्चां सै ठीक आ।

कुलुस्सियां 2:2

ताकि तिन्हांरे मनां जो तसल्ली मिलो कने सै अप्पूँ चियें प्यारा ने इक हुईने रौ, कने हऊँ चाँह भई तिन्हां लोकां रा पूरा भरोसा ओ, काँह्भई सै परमेशरा रिया योजनां रा भेत पूरे तरिके ने समझी सक्को, सै जे खुद मसीह आ।

1 थिस्सलुनीकियां 1:5

काँह्भई ताहली जे अहें यीशु मसीह री खुशखबरी तुहांजो दस्सी तां तुहांले सिर्फ शब्दां ची नीं पुज्जी, बल्कि पवित्र आत्मे बी सामर्था ने काम्म कित्या; कने तुहें बौहत गैहराईया ने विश्वास कित्या। ये तुहें जाणाँ ये भई ताहली जे अहें तुहां सौगी थे, तां तुहांरी मदद करने खातर अहें किस तरिके रा व्यवहार कित्या।

1 थिस्सलुनीकियां 2:13

कने इस खातर अहें परमेशरा रा धन्यवाद हमेशा करदे रैं, काँह्भई ताहली जे तुहें अहांते वचन सुणया, तां तिस्सो माहणुआं रिया खुशखबरिया रे रुपा च नीं, बल्कि परमेशरा रिया खुशखबरिया रे रुपा च ग्रहण कित्या; कने तियां जे सै सच्च आ, कने तुहां विश्वासियां पर तिसरा असर बी आ।

1 तिमुथियुस 4:16

इस बारे च सावधान रै भई तू कियां जीं कराँ कने क्या सखाया राँ। इन्हां गल्लां जो लगातार करदा रै काँह्भई जे येढ़ा करदा रैंहगा, तां तू अपणा कने तिज्जो सुणने औल़यां रा बी छुटकारा करगा।

2 तिमुथियुस 1:13

तिसा सही शिक्षा जो सै जे तैं माहते सुणिरी तिसजो आदर्श बणाईने रख, कने ये विश्वास कने प्यारा ने कर काँह्भई तू मसीह यीशुये चा।

2 तिमुथियुस 2:2

कने बौहत लोकां रे सामणे जो शिक्षायें तैं माहते सुणी रियां, तिन्हौं बफादार माहणुआं जो सौंपी दे सै जे दुज्यां जो बी सखाणे रे लायक हो।

2 तिमुथियुस 3:15

कने तू बचपना तेई पवित्रशास्त्रा जो जाणाँ, सै जे मसीह यीशुये पर विश्वास करने कने छुटकारा पाणे खातर तिज्जो बुद्धि देई सक्कां।

तीतुस 1:9

कने तिसा सखाई रिया खुशखबरिया पर तिस्सो मजबूतिया ने विश्वास करना चाहिन्दा, सै सन्देश जे सच्चा कने कदीं बदलदा नींआ ताकि सै दुज्जे लोकां जो सही शिक्षा कने हौंसला देई सकगा कने बैहस करने औल़यां जो गल़त साबित करगा।

इब्रानियों 10:22

इस खातर औआ, अहें सच्चे दिला ने कने पूरे विश्वासा ने, अन्तरात्मा रे दोषा जो दूर करदे हुये, शुद्ध दिला ने कने अपणे शरीरा जो शुद्ध पाणिये ने धोकर परमेशरा रे सामणे जाईये।

इब्रानियों 6:11

अहांरी ये बौहत इच्छा इ भई तुहें तदुआं तक जे जिऊंदा ये अच्छा व्यवहार करदे रौआ, ये पक्का करने रे खातर भई तुहांरी आशा सच्च हूणी।