2 तिमुथियुस 3:11 - बिलासपुरी नौआं नियम

¹¹ कने मेरे सताव, मेरे दुखा रे बगता तैं मेरा साथ दित्तिरा। तू त जाणाँ भई अन्ताकिया, इकुनियुम कने लुस्त्रा नगराँ च मिन्जो किस तरिके री यातना दित्ति थी तिन्हौं जे मैं सहील्या, पर प्रभुये मिन्जो तिन्हां सब्बीं ते बचाईल्या।

2 तिमुथियुस 3:11 ပူးပေါင်းရင်းမြစ်များ

प्रेरितां 13:14

पिरगा नगरा ते अग्गे बधीने सै पिसिदिया जिले रे अन्ताकिया नगरा च पुज्जे; कने विस्रामा रे दिन यहूदी सभा घर च जाईने बैठीगे।

प्रेरितां 13:45

पर यहूदी अगुवे भीड़ा जो देखीने डाह ने भरीगे, कने निंध्या करदे पौलुसा रियां गल्लां रे बरोधा च बोलणे लगे।

प्रेरितां 14:8

लुस्त्रा नगरा च इक माहणु बैठिरा था, तिसरे पैराँ च ताकत नीं थी। सै जन्मा तेई लंगड़ा था कने कदीं मनी चलीरा था।

प्रेरितां 20:19

यनिके बड्डिया दीनता ने, कने आँसू बहाई-बहाई ने, कने तिन्हां परीक्षां च सै जे यहूदियां रिया साजिशा रिया वजह ते मेरे परा पईयां, फेरी बी हऊँ प्रभुये री सेवा करदा इ रैया;

प्रेरितां 23:10

ताहली जे बौहत झगड़ा हुआ तां पलटना रे सरदारे इस डरा ते भई सै पौलुसा रे टुकड़े-टुकड़े नीं करी दो, पलटना जो हुक्म दित्या भई पौलसा जो तिन्हां चते जबरदस्ती नकाली लओ, कने कोठड़ियां च लई जाओ।

प्रेरितां 26:17

कने माह तिज्जो तेरे लोकां ते कने अन्यजातियां ते बचांदे रैहणा, तिन्हांले जे हुण हऊँ तिज्जो इस खातर भेज्या दा,

प्रेरितां 26:22

“पर परमेशरा री सहायता ते हऊँ अज्जा तका बचीरा कने छोट्टे बड्डे सब्बीं रे सामणे गवाही देआं, तिन्हां गल्लां जो छड्डिने किछ नीं बोलदा सै जे भविष्यवक्तयां कने मूसे बी गलाईयां भई हुणे औल़ियां इ,

प्रेरितां 9:16

कने माह तिस्सो दसणा भई मेरे बारे च लोकां जो गलाणे खातर तिस्सो केढ़े-केढ़े दुख सैहणे पौणे।”

रोमियो 15:31

प्राथना करा भई परमेशर मिन्जो यहूदिया प्रदेशा च अविश्वासियां ते बचाओ, कने यरूशलेम च रैहणे औल़े परमेशरा रे लोक तिसा सहायता जो पाणे खातर खुश हुणे सै जे हऊँ तिन्हांरे खातर लेईने जाया राँ;

2 कुरिन्थियों 1:5

काँह्भई तियां जे अहें मसीह रे खातर बौहत दुख सैं, तियां इ परमेशर अहौं मसीह रे जरिये बौहत तसल्ली देआं।

2 कुरिन्थियों 1:7

तुहांरे बारे च अहांजो पूरी आशा इ काँह्भई अहें जाणाँ ये भई तुहें अहां साई दुख सैये, तियां इ तुहां बी अहां साई तसल्ली पाणी सै जे परमेशर अहांजो देआं।

2 कुरिन्थियों 12:10

इसा वजह ने हऊँ मसीह रे खातर कमजोरियां, बेज्जतियां, गरीबिया, सताव कने कष्टां च खुश रैयां। काँह्भई ताहली जे हऊँ कमजोर हुआं तांई मसीह रिया सामर्था च मजबूत हुआं।

2 तिमुथियुस 4:7

मैं मसीह रे खातर कड़ी मेहणत कित्तिरी तियां जे भई मैं ठीक ढंगा ने कुश्ती लड़ीरी कने हऊँ सै काम्म पूरा करी चुक्कीरा सै जे यीशु मसीह मिन्जो करने खातर दित्या कने हऊँ आखिर तक बफादार रैया।

2 पतरस 2:9

ये सब सै जे परमेशरे पैहले कित्तिरा ये दस्सां भई प्रभु जाणाँ भई कियां भगतां जो तिन्हांरे दुखां ते बचाणा कने अधर्मियां जो लगातार न्याय रे दिना तक सजा देणी।