2 तिमुथियुस 3:10 - बिलासपुरी नौआं नियम

¹⁰ किछ बी हो, तू मेरिया शिक्षा जो जाणाँ, मेरा जीणे रा ढंग, जीणे रा मकसद, मेरा विश्वास, मेरी सैहणे री ताकत, मेरा प्यार, मेरा धीरज

2 तिमुथियुस 3:10 ပူးပေါင်းရင်းမြစ်များ

लूका 1:3

इस खातर शुरु तेई इन्हां सारियां गल्लां जो पूरी सावधानिया ने कने ठीक-ठाक जाँच पड़ताल़ करने ते बाद, मिन्जो ये ठीक लगया भई हऊँ बी इन्हांजो तेरे खातर बारी-बारी लिखुं।

प्रेरितां 11:23

सै तित्थी पुज्जी ने कने परमेशरा रा अनुग्रह देखीने खुश हुआ, कने सबनीं जो ये उपदेश दित्या भई तन-मन लाईने प्रभुये ने चिपकी रे रौआ।

प्रेरितां 2:42

कने सै प्रेरितां ते शिक्षा पाणे, कने संगती रखणे, प्रभु भोज, कने प्राथना करने च लगीरे रै।

प्रेरितां 20:18

ताहली जे सै तिसला आये, तां तिन्हांने गलाया, “तुहें जाणाँ ये भई पैहले इ दिना ते तां जे हऊँ आसिया प्रदेशा च पुज्जया, हऊँ हर बगत तुहां सौगी कियां-कियां रैया,

प्रेरितां 26:4

“तियां जे मेरा चाल-चल़ण बच्छपना तेई अपणे लोकां रे बिच कने यरूशलेम च तेढ़ा जे था, तिस्सो कई साथी यहूदी जाणाँ ये।

रोमियो 16:17

हुण मेरे साथी विश्वासियो, हऊँ तुहांते विनती कराँ, भई तुहें सै जे शिक्षा लेई, तिसरे उलट तुहां च सै जे पंघोल़ पां कने दुज्जेयां रे विश्वासा जो बगाड़ां ये, तिन्हांते खबरदार हुई जावा कने तिन्हांते दूर रौआ।

2 कुरिन्थियों 1:17

ताहली जे मैं ये योजना बणाई थी, तां क्या मैं ये लापरवाईया ने बणाई थी? या हऊँ सै योजना जे बणां, तां क्या तिन्हौं संसारिक तरिके ने बणां भई इक्की घड़िया च हाँ, हाँ बी कराँ कने नां, नां बी करदा रऊँ?

इफिसियां 4:14

तां हुण ते अहौं बच्चे साई नीं रैहणा चाहिन्दा। अहें तिसा किश्तिया साई नींये सै जे समुद्रा रियां लहराँ सौगी इतखा-उतखा भटकीने रस्ता बदलदी रैईं। इसरा मतलब येआ भई चलाक कने छली लोक अहांजो अपणिया झुट्ठिया शिक्षां ते बैहकाई नीं सक्को।

फिलिप्पियां 2:20

काँह्भई मेरले तिमुथियुस साई कोई होर माहणु निआं सै जे हकीकत च तुहांरे कल्याण री परवाह कराँ।

फिलिप्पियां 2:22

तुहें तिसरे चरित्रा जो जाणाँ ये भई खुशखबरिया रे प्रचारा च मेरे सौगी तिने तियां इ सेवा कित्तिरी, तियां जे इक वेटा अपणे पिता सौगी कराँ।

1 थिस्सलुनीकियां 1:5

काँह्भई ताहली जे अहें यीशु मसीह री खुशखबरी तुहांजो दस्सी तां तुहांले सिर्फ शब्दां ची नीं पुज्जी, बल्कि पवित्र आत्मे बी सामर्था ने काम्म कित्या; कने तुहें बौहत गैहराईया ने विश्वास कित्या। ये तुहें जाणाँ ये भई ताहली जे अहें तुहां सौगी थे, तां तुहांरी मदद करने खातर अहें किस तरिके रा व्यवहार कित्या।

1 तिमुथियुस 1:3

हऊँ चाँह भई तू इफिसुस नगरा च रौ तियां जे मैं मकिदुनिया प्रदेशा जो जान्दे वगत तेरने विनती कित्ती थी, काँह्भई तित्थी किछ लोक झूट्ठी शिक्षां देई रायें कने तू तिन्हां लोकां जो हुक्म दे भई सै झूट्ठी शिक्षां नीं देओ,

1 तिमुथियुस 4:6

जे तू विश्वासियां जो लगातार इन्हां गल्लां री याद दिलान्दा रैहंगा, कने विश्वास कने तिस खरे उपदेशा रियां गल्लां ते, तिन्हांजो जे तू मनदा आईरा तेरा पालन पोषण कराँ, तां तू मसीह यीशुये रा इक खरा सेवक हूणा।

1 तिमुथियुस 6:11

पर अरे परमेशरा रे माहणु तिमुथियुस, तू इन्हां गल्लां ते दूर हुई जा, कने सै जे सही आ तिसजो करने री हरेक कोशिश कर, कने परमेशर तेढ़ा जे चांह तू तियां बर्ताव कर, मसीह पर विश्वास कर, दुज्यां लोकां ने प्यार कर, मुशीवतां जो सैई लै कने लोकां सौगी गुस्सा नीं कर।

2 तिमुथियुस 2:22

इस खातर तू ज्वानिया रिया बुरियां इच्छां ते दूर जा कने सै लोक जे साफ दिला ने प्रभुये जो पुकाराँ ये, तिन्हां सौगी मिलीने धार्मिकता, विश्वास, प्यार कने शान्तिया रे पिच्छे चल।

2 तिमुथियुस 4:2

भई तू परमेशरा रे वचना रा प्रचार कर हालात चाये ठीक हो या नीं हो वचन प्रचार करने खातर त्यार रै। तिज्जो लोकां जो ये दसणा जरूरी आ भई तिन्हें क्या गल़ती कित्तिरी कने तू तिन्हांरे पापां रे खातर तिन्हौं डान्ट। पर तिज्जो लोकां जो हौंसला बी देणा चाहिन्दा तियां जे तू धीरजा ने तिन्हांजो शिक्षा देआं।

2 तिमुथियुस 4:3

काँह्भई येढ़ा बगत औणा, ताहली जे लोकां सही शिक्षां जो नीं सुणना, पर तिन्हां अपणिया इच्छा पर चलना कने तिन्हां बौहत सारे येढ़े शिक्षकां जो कट्ठा करना तिन्हां सैई बोलणा जो किछ ये लोक सुणना चांये।

2 तिमुथियुस 4:7

मैं मसीह रे खातर कड़ी मेहणत कित्तिरी तियां जे भई मैं ठीक ढंगा ने कुश्ती लड़ीरी कने हऊँ सै काम्म पूरा करी चुक्कीरा सै जे यीशु मसीह मिन्जो करने खातर दित्या कने हऊँ आखिर तक बफादार रैया।

तीतुस 2:7

तिज्जो हर गल्ला च खरयां कम्मां रे जरिए उदाहरण पेश करना चाहिन्दा, तिसरा जे दूज्जे लोक हमेशा पालन करी सक्को। ताहली जे तू विश्वासियां जो परमेशरा रे बारे च सखां, तां तिज्जो खरे ईरादे ने सखाणा चाहिन्दा कने इस तरीके ने भई लोक तेरा आदर करो।

इब्रानियों 13:9

लग-लग किस्मा रे विचित्र उपदेशां ते नीं भरमाये जाओ, काँह्भई तुहांरे मना रे खातर ये बधिया भई सै परमेशरा रे अनुग्रह रे जरिये मजबूत बणे, नां की खाणे रे बारे च नियमां रा पालन करने रे जरिये। काँह्भई जितने लोक इस नियमा रा पालन कराँ ये सै अपणे खातर किछ बधिया नीं करदे।

2 पतरस 3:11

काँह्भई ताहली जे परमेशरा इस तरिके ने सारियां चिज़ां खत्म करनियां, तां सोच्चा तुहांजो किस तरिके रा बर्ताव करना चाहिन्दा? तुहांजो पवित्र जीवन जीणा चाहिन्दा कने अपणे सारयां कम्मां च परमेशरा जो खुश करना चाहिन्दा।