2 तिमुथियुस 1:3 - बिलासपुरी नौआं नियम

³ हऊँ तिस परमेशरा रा धन्यवाद कराँ, तिसरी सेवा जे हऊँ कराँ, तियां जे मेरे पूर्वजें शुद्ध अन्तरात्मा ने कित्तिरी। ताहली जे कदीं हऊँ प्राथना कराँ हऊँ हमेशा तिज्जो अपणियां प्राथनां च लगातार याद कराँ।

2 तिमुथियुस 1:3 ပူးပေါင်းရင်းမြစ်များ

लूका 2:37

हुण सै चौरासियां साल्लां री थी। सै मन्दरा रे अंगणा जो छड्डिने किति जो नीं जान्दी थी, कने रात दिन ऊथी रैयां थी। सै भुक्खी प्यासी रैईने प्राथना सौगी परमेशरा री अराधना कराँ थी।

प्रेरितां 22:3

“हऊँ त यहूदी माहणु आ, मेरा जन्म किलिकिया प्रदेशा रे तरसुस नगरा च हुईरा; पर इस नगरा च गमलीएल रे पैराँ च बैठीने पढ़या, कने पूर्वजां री व्यवस्था जो खरिया रितिया पर सखाया गया; कने परमेशरा खातर येढ़ि लगाईरी थी, तेढ़ी जे तुहां सब्बीं जो आज्ज लगी री।

प्रेरितां 23:1

पौलुसे महासभा खौ नज़राँ गडाई ने देख्या, कने बोल्या “हे भाईयो, मैं अज्जा तका परमेशरा खातर सच्चे मना ने जीवन बिताई रा।”

प्रेरितां 24:14

पर ये हऊँ तेरे सामणे मन्नी लेआं, भई यीशु मसीह पर विश्वास करने औल़यां लोकां जो ये कुपन्थ बोलां ये, पर हऊँ अपणे पूर्वजां रे परमेशरा री सेवा करया राँ; कने सै जे गल्लां व्यवस्था कने भविष्यवक्ता री कताबां च लिखी रियां, तिन्हां सब्बीं पर विश्वास कराँ।

प्रेरितां 24:16

इसते हऊँ अप्पूँ बी कोशिश कराँ भई परमेशरा खौ, कने माहणुआं खौ हऊँ सदा निर्दोष रौ।

प्रेरितां 26:4

“तियां जे मेरा चाल-चल़ण बच्छपना तेई अपणे लोकां रे बिच कने यरूशलेम च तेढ़ा जे था, तिस्सो कई साथी यहूदी जाणाँ ये।

प्रेरितां 27:23

काँह्भई परमेशर तिस राजे हऊँ आ, कने तिसरी सेवा कराँ, तिसरे स्वर्गदूते पिछलिया राति मेरले आईने गलाया,

रोमियो 9:1

हऊँ मसीह रा, कने मेरा दिल कने पवित्र आत्मा ये पक्का कराँ ये भई हऊँ सच्च बोलां कने हऊँ झूठ नीं बोलीराँ

2 कुरिन्थियों 1:12

अहांजो इसरा गर्व आ भई अहें ये गल्ल आच्छे मना ने बोल्ली सक्कां ये भई अहें इस संसारा च कने खास कर तुहां लोकां रे बिच ईमानदारिया ने कने सच्चाईया ने जीवन बिताया सै जे परमेशरा ते मिलीरा। अहें संसारिक ज्ञाना पर नीं पर परमेशरा रे अनुग्रह पर भरोसा कित्तिरा।

गलातियां 1:14

हऊँ यहूदी धर्मा च अपणी जाति औल़यां ते सै जे मेरिया उम्रा रे थे, जादा बधदा गया कने मेरे पूर्वजां ते सै जे रिवाज मिन्जो मिले, तिन्हां च मेरी बौहत आस्था थी।

इफिसियां 1:16

तुहांरे खातर परमेशरा रा धन्यवाद करना नीं छडदा, कने अपणियां प्राथनां च तुहांजो याद करदा रैयां।

1 थिस्सलुनीकियां 3:10

अहें रात-दिन बौहत प्राथना करदे रैये ताकि तुहांजो फेरी भीं ते देक्खी सक्को कने तुहांरे विश्वासा च सै जे किछ कमी रैईगरी तिसजो पूरा करिये।

1 तिमुथियुस 1:19

कने तिज्जो मसीह पर लगातार विश्वास करना चाहिन्दा कने तू सैई कर सै जे तू जाणाँ भई ये सही आ। किछ लोकें इस पर ध्यान नीं दित्या तिसरा नतीजा जे ये हुया भई हुण सै मसीह पर विश्वास नीं करदे।

1 तिमुथियुस 1:5

तिज्जो ये हुक्म देणे रा मेरा मकसद येआ भई तू इक्की दूये जो साफ दिला ते कने शुद्ध अन्तरात्मा ने कने बिणा कपटा औल़े विश्वासा ते प्रेम करगा।

1 तिमुथियुस 5:5

तिसा विधवा रा, तिसारी देखभाल करने औल़ा जे कोई बी नींआ, सै परमेशरा पर इ आशा रखां इ, कने मददा रे खातर रात-दिन परमेशरा ने विनती कने प्राथना करने च लगीरी रैईं;

2 तिमुथियुस 1:5

हऊँ मसीह यीशुये च तेरे सच्चे विश्वासा जो बी याद कराँ सै जे पैहले तेरी नानी लोईसा कने तेरी माता यूनीके च था। मिन्जो ये निश्चा भई सैई विश्वास तेरे च बी आ।

2 तिमुथियुस 3:15

कने तू बचपना तेई पवित्रशास्त्रा जो जाणाँ, सै जे मसीह यीशुये पर विश्वास करने कने छुटकारा पाणे खातर तिज्जो बुद्धि देई सक्कां।

इब्रानियों 13:8

यीशु मसीह कल कने आज्ज कने युगां-युगां तकौ इक्को जेआ इ हाया यनि सै कदीं नीं बदलदा।