2 थिस्सलुनीकियां 3:8 - बिलासपुरी नौआं नियम

⁸ कने किसी ले मुफ्ता च रोटी नीं खाद्दि; बल्कि अहें कड़िया मेहणता ने रात-दिन काम्म करदे रै, ताकि अहांजो अपणियां जरूरतां रे खातर तुहां चते किसी पर बि निर्भर होणा नीं पौ।

2 थिस्सलुनीकियां 3:8 ပူးပေါင်းရင်းမြစ်များ

मत्ती 6:11

हर रोज की रोटी तू हर रोज अहांजो दे।

प्रेरितां 18:3

पौलुस कने अक्विला रा इक जेआ काम्म था, इस खातर सै तिन्हां सौगी रैया कने सै काम्म करने लगे; कने तिन्हांरा तम्बू बनाणे रा काम्म था।

प्रेरितां 20:34

तुहें अप्पूँ जाणाँ ये भई इन्हें इ हत्थें मेरी कने मेरे साथियां री जरूरतां पूरियां कित्तियां।

1 कुरिन्थियों 4:12

कने अहें अपणे हात्थां ने अप्पूँ मेहणत कराँ ये। ताहली जे लोक अहांजो गाल़ी दें, तां अहें तिन्हांजो आशीष देआंये; ताहली जे लोक अहांजो सतायें, तां अहें सही लैं।

1 कुरिन्थियों 9:4

क्या अहांजो तुहांरे खाणे-पीणे च शामिल हुणे रा अधिकार निआं?

2 कुरिन्थियों 11:27

मैं बौहत मेहणत करीने दुखां ते थक्कीने टुटिग्या, कईयां मौकयां च त मिन्जो सौणे बी नीं मिलया, कने ठण्डा ते बचणे खातर पैहनणे जो गर्म कपड़ा बी नीं था इस वजह ने कम्बदा रैया।

2 कुरिन्थियों 11:9

कने ताहली जे हऊँ तुहां सौगी था, तां बी पैसयां री जरूरत पौणे पर मैं किसी रे ऊपर कोई बोझ नीं पाया, काँह्भई मकिदुनिया प्रदेशा ते आईरे विश्वासी भाईयें मेरी पैसे री जरूरतां पूरी कित्तियां थी। मैं हर गल्ला पर खुद अप्पूँजो तुहां पर बोझ नीं बणने दित्या कने नांई कदीं बणने देणा।

इफिसियां 4:28

सै जे चोरी करदा आया, सै इसते बाद चोरी नीं करो, बल्कि तिस्सो काम्म करना चाहिन्दा, खुद अपणे हत्थां ने मेहणत करा, ताकि तिसले तिस्सो जे जरूरत इ, तिस सौगी बंडणे जो किछ हुई सक्को।

1 थिस्सलुनीकियां 2:9

काँह्भई हे भाईयो, तुहें अहांरी कड़ी मेहणता कने कठिनाईयां जो याद रखा सै जे अहें दिन-रात इस खातर किति ताकि अहें परमेशरा रिया खुशखबरिया जो सुणान्दे हुये तुहां पर बोझ नीं बणो।

1 थिस्सलुनीकियां 4:11

कने तेढ़ा जे अहें तुहांजो हुक्म दित्तिरा, तियां इ शान्ति पूर्वक जीवन जीआ कने अपणा-अपणा काम्म-काज करीने अपणे-अपणे हत्था ते कमाणे रा जतन करा;

2 थिस्सलुनीकियां 3:12

अहें येढ़यां लोकां जो प्रभु यीशु मसीह रे अधिकारा ने ये हुक्म देआंये कने तिन्हांते विनती कराँ ये भई शाँतिया ने काम्म करदे रौआ कने अपणी कमाईया री रोटी खाया करा।