2 थिस्सलुनीकियां 3:3 - बिलासपुरी नौआं नियम

³ पर प्रभु बफादार आ; तिस तुहांजो मजबूत करना कने तिस शैतान्ना ते बचाणे।

2 थिस्सलुनीकियां 3:3 ပူးပေါင်းရင်းမြစ်များ

मत्ती 5:37

पर तुहांरी गल्ल हाँ री हाँ, या नां री नां ओ; काँह्भई जो किछ इसते जादा हुआं सै शैतान यनि बुराईया ने हुआं।”

मत्ती 6:13

कने अहांजो परीक्षा च नीं पा, पर शैतान्ना ते बचा; [काँह्भई राज कने सामर्थ कने महिमा सदा खातर तेरे इ हाये। आमीन।]’ ”

लूका 11:4

कने अहांरे पापां जो माफ कर, काँह्भई अहें बी अपणे हर इक अपराधिये जो माफ कराँ ये, कने अहांजो परीक्षा ते बचा’।”

यूहन्ना 17:15

हऊँ ये प्राथना नीं करदा भई तू तिन्हांजो संसारा ते कड्डी दे, पर ये प्राथना करया राँ, भई तू शैतान्ना ते तिन्हांरी हिफाजत कर।

1 कुरिन्थियों 1:9

परमेशर बफादार आ, तिने जे तुहांजो अपणे पुत्र अहांरे प्रभु यीशु मसीह रिया संगतिया च सद्दीरा।

1 कुरिन्थियों 10:13

तुहें अज्जा तक किसी येढ़िया परीक्षा च नीं पै, तिसा परीक्षा जो जे लोकें अनुभव नीं कित्या; कने परमेशर बफादार आ। तिस तुहांजो किसी येढ़िया परीक्षा च पौणे देणा सै जे तुहांरे सैहणे ते परे इ, पर परीक्षा ते बाहर निकल़णे खातर तिस तुहांजो ठीक रस्ता दसणा ताकि तिस्सो तुहें सही सक्को।

1 थिस्सलुनीकियां 5:24

काँह्भई तुहांरा सदणे औल़ा सच्चा, कने तिस येढ़ा इ करना।

2 थिस्सलुनीकियां 2:17

तुहांरे मना जो प्रोत्साहन देओ कने तुहांजो हरेक कम्मां कने वचना च मजबूत करो।

2 तिमुथियुस 4:18

प्रभुये मिन्जो हरेक बुराईया ते बचाणा सै जे मेरा नुक्शान करना चाईयां कने तिस मिन्जो अपणे स्वर्ग राज्जा च हिफाज़ता ने लेई जाणा। तिसरी महिमा सदा हुन्दी रौ। आमीन।

1 पतरस 5:10

तुहांजो थोड़िया देरा रे कष्ट सैहणे ते बाद सारे अनुग्रह देणे औल़ा परमेशर तिने जे तुहांजो मसीह च अपणी युगानुयुगा री महिमा रे खातर सद्दीरा, खुद इ तुहांजो सिद्ध, मजबूत, बलवन्त कने स्थिर करी देंगा।

2 पतरस 2:9

ये सब सै जे परमेशरे पैहले कित्तिरा ये दस्सां भई प्रभु जाणाँ भई कियां भगतां जो तिन्हांरे दुखां ते बचाणा कने अधर्मियां जो लगातार न्याय रे दिना तक सजा देणी।

यहूदा 1:24

परमेशर तुहांजो रुढ़णे ते बचाणे च सक्षम आ, सै तुहांजो निर्दोष कने आनन्द दायक बनाणे च सक्षम आ, ताहली जे सै तुहांजो अपणिया महिमा च तिसरे सामणे खड़ा हुणे खातर ल्यौआं। तिने अहांरे प्रभु यीशु मसीह रे जरिये अहांरा छुटकारा कित्तिरा। महिमा, गौरव, प्राक्रम कने अधिकार वगता रे शुरु ते तिसरा इ हाया कने हुण बी तिसरा इ हाया कने जुगां-जुगां तक तिसरा इ रैहणा। आमीन।