2 थिस्सलुनीकियां 3:2 - बिलासपुरी नौआं नियम

² कने प्राथना करा भई अहें टेढे कने दुष्ट माहणुआं ते बचीरे रौ काँह्भई सारे लोक विश्वास नीं करदे।

2 थिस्सलुनीकियां 3:2 ပူးပေါင်းရင်းမြစ်များ

मत्ती 17:17

यीशुये जबाब दित्या, “अड़ीमूर कने अविश्वासी लोको, माह कितणे बगता तक होर तुहां सौगी रैहणा? कितना बगत हऊँ इयां इ तुहांरी सैहन्दा रैहन्गा? तिस्सो येत्थी मेरले ल्यावा।”

मत्ती 23:23

“अरे कपटी शास्त्रियो कने फरीसियो, परमेशरा तुहांजो भयानक सजा देणी! तुहें पुदीने, कने सुँफा, कने जीरे रा दसवां हिस्सा त परमेशरा जो दें, पर तुहें व्यवस्था री खास गल्लां जो यनि न्याय, दया कने बफादारिया रा तिरस्कार कराँ ये; तुहांजो ये चाहिन्दा था भई इन्हांजो बी करदे रैहन्दे कने तिन्हांजो बी नीं छडदे।

लूका 18:8

हऊँ तुहांजो बोलां; तिस इकदम तिन्हारा न्याय करना! पर हऊँ जाणाँ भई ताहली जे मैं, माहणुये रे पुत्रा वापस धरतिया पर औंणा, तां मांह तिन्हां लोकां जो बी देखणा सै जे माह पर विश्वास नीं रखदे?”

प्रेरितां 13:45

पर यहूदी अगुवे भीड़ा जो देखीने डाह ने भरीगे, कने निंध्या करदे पौलुसा रियां गल्लां रे बरोधा च बोलणे लगे।

प्रेरितां 13:50

पर यहूदी अगुवेयां भगत कने कुलीन जनानां जो कने नगरा रे ताकतवर लोकां जो भड़काया, कने पौलुसा कने बरनबासा रे बरोधा च उपद्रव कराई ने तिन्हांजो अपणिया सीमा ते कड्डित्या।

प्रेरितां 14:2

पर विश्वास नीं करने औल़यां यहूदियें अन्यजातियां रे मन विश्वासी भाईयां रे बरोधा च भड़काये कने वरोध पैदा करित्या।

प्रेरितां 17:5

पर यहूदियें डाह ने भरी ने बजारू लोकां चते किछ बुरयां माहणुआं जो अप्पूँ सौगी लया, कने भीड़ कट्ठी करीने नगरा च दंगा करने लगे, कने यासोन रे घरा पर हमला करीने तिन्हांजो लोकां रे सामणे लौणा चाया।

प्रेरितां 25:27

काँह्भई किछ बी ओ कैदिये जो रोम सम्राटा ले भेजणा कने सै दोष जे तिस परा लगीरे, तिन्हांजो नीं दसणा, मिन्जो अन्याय पूर्ण लगां।”

प्रेरितां 28:24

तां किछ लोकें तिन्हां गल्लां पर विश्वास कित्या, कने कईयें लोकें विश्वास नीं कित्या।

रोमियो 10:16

पर सारयां तिसा खुशखबरिया पर विश्वास नीं कित्या : यशायाह भविष्यवक्ता बोलां, “प्रभु, अहांरे सन्देशा पर कोई विश्वास नीं करदा”

रोमियो 15:31

प्राथना करा भई परमेशर मिन्जो यहूदिया प्रदेशा च अविश्वासियां ते बचाओ, कने यरूशलेम च रैहणे औल़े परमेशरा रे लोक तिसा सहायता जो पाणे खातर खुश हुणे सै जे हऊँ तिन्हांरे खातर लेईने जाया राँ;

1 कुरिन्थियों 15:32

जे हऊँ सिर्फ माहणुये रिया आशा रिया वजह ने इफिसुस च अपणे बरोधियां ने जंगली जानबराँ साई लड़या, तां मिन्जो क्या फायदा हुया? जे मुड़दे जिऊंदा नीं कित्ते जांगे, तियां जे लोक कई बार बोलां ये “तां औआ, खाईये-पीये, काँह्भई काल्ल त मरी जाणा।”

1 थिस्सलुनीकियां 2:18

इस खातर अहें यनि मैं पौलुसे इक बार नीं बल्कि बौहत बार तुहांले औणा चाहया, पर शैताने अहांजो रोकी रखया।

2 तिमुथियुस 4:17

पर प्रभुये मेरा साथ दित्या कने मिन्जो सामर्थ दित्ति, ताकि मेरे जरिये साफ तौर पर खुशखबरिया रा प्रचार हुई सक्को कने सब अन्यजातियां रे लोक सुणी सक्को; कने प्रभुये मिन्जो मौती ते बचाया।