2 थिस्सलुनीकियां 3:15 - बिलासपुरी नौआं नियम

¹⁵ तां बी तुहें तिस्सो दुश्मण नीं समझा, पर विश्वासी जाणीने खबरदार करा।

2 थिस्सलुनीकियां 3:15 ပူးပေါင်းရင်းမြစ်များ

मत्ती 18:15

“जे माह पर विश्वास करने औल़ा तेरने कोई बुरा बर्ताव करो, तां तू जा तिसने कल्हे ने गल्ल बात कर कने तिस्सो तिसरा दोष दस्स; जे सै तेरी सुणी लो तां समझी लै तू तिस्सो वापिस परमेशरा ले ली आया।

1 कुरिन्थियों 4:14

ये सारा किछ हऊँ तुहांजो शर्मिन्दा करने खातर नीं लिखिराँ, पर अपणे प्यारे बच्चे समझीने तुहांजो चेतावनी देआं।

1 कुरिन्थियों 5:5

येढ़े माहणुये जो शैतान्ना जो सौंपया जाओ, ताकि तिसरा शरीर नाश हुईजो कने तिसरी आत्मा प्रभु यीशुये रे वापस औणे रे दिना च छुटकारा पाई सक्को।

2 कुरिन्थियों 10:8

कने जे हऊँ अपणे तिस अधिकारा रे बारे च किछ होर घमण्ड करूँ, सै जे प्रभुये तुहांरे विश्वासा जो बिगाड़ने रे खातर नीं बल्कि तुहांजो विश्वासा च मजबूत करने खातर अहांजो दित्तिरा, तां इसरे खातर हऊँ शर्मिन्दा निआं।

2 कुरिन्थियों 13:10

इस खातर तुहां ते दूर हुन्दे हुये बी हऊँ इन्हां गल्लां जो तुहांजो लिखिराँ ताकि ताहली जे हऊँ तुहांले आऊं, तां मिन्जो प्रभुरे जरिये दित्तिरे अधिकारा ने तुहांजो नुक्शान पहुँचाणे नीं बल्कि तुहांरी आत्मिक बढ़ौतरिया रे खातर तुहांजो सख्ती नीं बरतणी पौ।

गलातियां 6:1

मेरे साथी विश्वासियो, तुहां चते जे कोई माहणु कोई पाप करदे हुये पकड़ोई जाओ, तां तुहें सै जे आत्मिक लोक ये नम्रता सौगी तिसजो धर्मा रे रस्ते पर बापस लौणे च मदद करा। पर खुद बी सावधान रौआ भई किति तुहें बी किसी इम्तेहाना च नीं पैई जाओ।

1 थिस्सलुनीकियां 5:14

साथी विश्वासियो, अहें तुहांजो विनती कराँ ये भई सै जे विश्वासी आलसी ये तिन्हाजो सावधान करा, कायराँ जो हौंसला देआ, सै जे कमजोर ये तिन्हांरी मदद करा, कने सारयां खा सहनशीलता दस्सा।

2 थिस्सलुनीकियां 3:13

साथी विश्वासियो, कांहभई तुहें निराश हुई चुक्कीरे इस खातर सै जे ठीक आ तिस्सो करना मत छड्डा।

2 थिस्सलुनीकियां 3:6

अरे साथी विश्वासियो, अहें तुहांजो अपणे प्रभु यीशु मसीह रे अधिकारा ते हुक्म देआंये भई तुहें हरेक येढ़े विश्वासिये ते लग रौआ सै जे आलसी आ कने सै जे शिक्षा तिन्हें अहांते पाई तिसरे मुतावक नीं चलदे।

तीतुस 3:10

सै माहणु जे कलीसिया च फूट पां तिस्सो इक या दो बार चेतावनी दे, कने इसते बाद तिसते लग रै,