2 थिस्सलुनीकियां 3:14 - बिलासपुरी नौआं नियम

¹⁴ जे कोई अहां रिया इसा चिट्ठिया रियां गल्लां जो नीं मन्नो तां तिस पर नज़र रखा, कने तिसरी संगती नीं करा ताकि सै शर्मिन्दा हुई सक्को।

2 थिस्सलुनीकियां 3:14 ပူးပေါင်းရင်းမြစ်များ

मत्ती 18:17

जे सै तिन्हांरी बी नीं सुणो, तां कलीसिया च दस्सी दो, कने जे सै कलीसिया री बी नीं मन्नो, तां फेरी तू तिसने इयां बर्ताव कर तियां जे सै कोई पापी ओ या कर बसूलणे औल़ा ओ।

रोमियो 16:17

हुण मेरे साथी विश्वासियो, हऊँ तुहांते विनती कराँ, भई तुहें सै जे शिक्षा लेई, तिसरे उलट तुहां च सै जे पंघोल़ पां कने दुज्जेयां रे विश्वासा जो बगाड़ां ये, तिन्हांते खबरदार हुई जावा कने तिन्हांते दूर रौआ।

1 कुरिन्थियों 4:14

ये सारा किछ हऊँ तुहांजो शर्मिन्दा करने खातर नीं लिखिराँ, पर अपणे प्यारे बच्चे समझीने तुहांजो चेतावनी देआं।

1 कुरिन्थियों 5:11

पर मेरे बोलणे रा मतलब ये था भई जे साथी विश्वासी कहलाणे औल़ा कोई, व्यभिचारी, लोभी, मूर्तीपूजक, निंध्या करने औल़ा, पियक्कड़, या धोखेबाज हो, तां येढ़े माहणुये सौगी रोटी तक बी नीं खायां।

1 कुरिन्थियों 5:9

मैं अपणी चिट्ठिया च तुहांजो लिख्या था भई व्यभिचारी लोकां री संगती मत करयां।

2 कुरिन्थियों 10:6

ताहली जे तुहें पूरी तरह मसीह रे आज्ञाकारी हुई जांगे, तां हर तरह रा हुक्म नीं मनणे औल़े जो अहां सजा देणी।

2 कुरिन्थियों 2:9

काँह्भई मैं तुहांजो इसी खातर लिखया था भई तुहांजो परखी लऊँ भई तुहें मेरी सारियां गल्लां जो मनणे जो त्यार ये कि नीं।

2 कुरिन्थियों 7:15

सै ताहली जे ये आद कराँ भई तुहें सारयां किस तरिके ने तिसरा हुक्म मन्नया कने डरा रे मारे थर-थर कम्बदे हुये तुहें तिस्सो कियां अपणाया तां तुहांरे प्रति तिसरा प्यार होर बी बधी जां।

फिलिप्पियां 2:12

इस खातर मेरे प्यारे मित्रो, ताहली जे हऊँ तुहांजो सौगी था ताहली तियां जे तुहें हुक्मां रा पालन कित्या, हुण ताहली जे भई हऊँ तुहां सौगी निआं तां तुहें होर जादा लगना ने तिन्हांरा पालन करा। परमेशरा रे प्रति पूरे आदर भावा ने अपणे छुटकारे जो पूरा करने रे खातर तुहें लोक काम्म करदे जावा।

कुलुस्सियां 4:16

ताहली जे ये चिट्ठी तुहांरे येत्थी पढ़ी ली जाओ, तां येढ़ा करयां भई लौदीकिया री कलीसिया च बी पढ़वाया जाये, कने लौदीकिया ते मेरी सै चिट्ठी जे तुहांजो मिलो, तिसाजो तुहें बी पढ़ी लेयों।

1 थिस्सलुनीकियां 4:8

इस वजह ते सै जे इसा शिक्षा जो बेकार जाणाँ, सै माहणुये जो नीं पर परमेशरा जो बेकार जाणाँ, सै जे अपणा पवित्र आत्मा तुहांजो देआं।

2 थिस्सलुनीकियां 3:6

अरे साथी विश्वासियो, अहें तुहांजो अपणे प्रभु यीशु मसीह रे अधिकारा ते हुक्म देआंये भई तुहें हरेक येढ़े विश्वासिये ते लग रौआ सै जे आलसी आ कने सै जे शिक्षा तिन्हें अहांते पाई तिसरे मुतावक नीं चलदे।

तीतुस 2:8

कने सै सिखा सै जे सच्च आ कने तिसरी जे कोई निंध्या नीं करी सक्को, ताकि तेरे शत्रु शर्मिन्दा हो, काँह्भई किछ बी बुरा नीं हुणा सै जे सै अहांरे बरोधा च बोल्ली सक्को।

तीतुस 3:10

सै माहणु जे कलीसिया च फूट पां तिस्सो इक या दो बार चेतावनी दे, कने इसते बाद तिसते लग रै,

फिलेमोन 1:21

मैं तिज्जो ये चिट्ठी लिखिरी काँह्भई मिन्जो भरोसा भई हऊँ तिज्जो जो करने खातर विनती करी रां सै तू करना। असल च हऊँ जाणाँ भई तू मेरिया विनतिया ते जादा करना।

इब्रानियों 13:17

अपणे अगुवेयां रा हुक्म मन्नो कने तिन्हांरे अधीन रौ, काँह्भई ये तिन्हांरा फर्ज आ भई सै तुहांरे प्राणां री पहरेदारी करो, काँह्भई तिन्हांजो तुहांरे बारे च परमेशरा जो हिसाब देणे पौणा। जे तुहें तिन्हांरा हुक्म मनगे तां तिन्हां अपणा काम्म खुशिया ने करना, जे तुहें नीं मनगे तां तिन्हां दुखा ने करना, तां तुहांजो कोई फायदा नीं हूणा।

2 यूहन्ना 1:10

जे कोई तुहांले आईने इस शिक्षा जो नीं देआं, तां नांत तुहें तिस्सो अपणे घरें लेई जायां कने नां तिस्सो नमस्कार करयां।