2 थिस्सलुनीकियां 2:8 - बिलासपुरी नौआं नियम

⁸ फेरी तिस दुष्ट माहणुये प्रगट हूणा, तिस्सो जे प्रभु यीशुये अपणे मुँआं रे साह ने मारी देणा, कने अपणे औणे रे तेजा ते भस्म करना।

2 थिस्सलुनीकियां 2:8 ပူးပေါင်းရင်းမြစ်များ

मत्ती 13:19

लोक सै जे परमेशरा रे बारे च सुणां यें भई सै कियां लोकां रियां जिन्दगियां पर राज कराँ कने नीं समझदे भई जो किछ तिन्हें सुणया सै तिसा बाटा साई आ तित्थी जे सै किछ दाणे पैईरे, शैतान औआं कने जो किछ तिन्हें सुणीरा हुआं तिसजो भुलाई देआं।

मत्ती 13:38

कने खेत संसारा रे लोक ये, खरे ब्यू परमेशरा रे राज्जा रे लोक ये, कने जंगली ब्यू शैतान्ना रे लोक ये।

मत्ती 16:27

माहणुये रा पुत्र स्वर्गदूतां सौगी अपणे पिता रिया महिमा च औणे औल़ा, तिसजे हर किसी जो तिसरे कर्मां रे मुतावक ईनाम देणा।

मत्ती 16:28

हऊँ तुहांजो बोलां भई येत्थी किछ येढ़े तिन्हां तदुआं तक नीं मरना, तदुआं तक जे माहणुये रे पुत्रा जो तिसरे राज्जा च औन्दे हुये नीं देक्खी लो।”

1 कुरिन्थियों 1:28

कने परमेशरे संसारा रे नीच कने त्यागीरे लोकां जो बी चुणील्या तिन्हांजो जे बेकार समझया जां, ताकि सै जे खास समझे जायें तिन्हांजो नाश करो।

2 थिस्सलुनीकियां 2:3

कोई तुहांजो किसी बी तरिके ने धोखा नीं देओ, काँह्भई सै दिन तदुआं तक नीं औणा तदुआं तक जे परमेशरा रे बरोधा च बौहत लोक बिद्रोह नीं करदे, कने सै दुष्ट माहणु प्रगट हूणा तिस्सो जे पक्का परमेशरा नाश करना।

1 तिमुथियुस 6:14

भई तू अहांरे प्रभु यीशु मसीह रे दोबारा औणे तक सै सब कर तिस्सो जे पूरी तरह करने खातर परमेशरे तिज्जो हुक्म दित्तिरा, ताकि कोई बी तेरी निंध्या नीं करी सक्को भई तू गल़त करया राँ।

2 तिमुथियुस 1:10

पर हुण अहांरा छुटकारा करने औल़े, यीशु मसीह रे प्रगट हुणे रे जरिये अनुग्रह अहां पर प्रगट हुईरा, तिने जे मौती रिया शक्तिया रा नाश करित्या, कने तिने जीवन कने अमरता जो खुशखबरिया रे जरिये प्रगट कित्तिरा।

2 तिमुथियुस 4:1

परमेशर कने मसीह यीशुये रिया हजूरिया च तिस जे जिऊंदेयां कने मूईरयां रा न्याय करना, तिसरे दोवारा औणे कने तिसरे राज्जा रे बारे च ध्यान रखदे हुये हऊँ तिज्जो ये हुक्म देआं

2 तिमुथियुस 4:8

हुण जीता रा मुकुट स्वर्गा च मेरे खातर इन्तजार करया राँ, काँह्भई मैं परमेशरा जो खुश कित्तिरा। प्रभु सै जे न्याय ने सारयां लोकां रा न्याय कराँ तिस न्याय रे दिन मिन्जो ये मुकट देणा, मिन्जो इ नीं वल्कि तिन्हां सारयां लोकां जो बी देणा सै जे तिसरे दोवारा औणे रा बेशबरिया ने इन्तजार करया राँये।

तीतुस 2:13

अहें इस तरीके ने वर्ताव करां ए ताहली जे अहें उम्मीदा सौगी तिस अदभुत दिना रा इन्तजार करी रांए, तिसरी जे अहांजो आशा इ: सै दिन ताहली जे यीशु मसीह, सै जे अहांरा महान परमेशर कने छुटकारा करने औल़ा, अपणी सारी महिमा सौगी पृथ्विया पर वापिस औणा।

इब्रानियों 10:27

पर इक इ गल्ल अहें करी सक्कां ये भई अहें परमेशरा रे न्याय रे दिना रा डरा ने इन्तजार करिये, जिस दिन परमेशरा अपणे दुश्मणां जो भड़कदिया अग्गी च भस्म करी देणा।

1 यूहन्ना 2:13

हे परिपक्व विश्वासियो, हऊँ तुहांजो इस खातर लिखिराँ भई तुहांरा सम्बन्ध पिता परमेशरा नेआ। जवानो, हऊँ तुहांजो इस खातर लिखिराँ, काँह्भई तुहें तिस शैतान्ना पर विजय पाईरी। बच्चयो, हऊँ तुहांजो इस खातर लिखिराँ, भई तुहें पिता जो जाणीगरे।

1 यूहन्ना 3:12

कने आदम रे पुत्र कैना साई नीं बणा, सै जे शैतान्ना ते था, कने तिने जे अपणे भाईये री हत्या कित्ती; कने तिने अपणे भाईये जो किसा वजह ने मारया? तिसरी ये वजह थी भई तिसरे काम्म बुरे थे, कने तिसरे भाईये रे काम्म भलाईया रे थे।

1 यूहन्ना 5:18

अहें जाणाँ ये भई सै जे कोई परमेशरा बच्चा, सै पाप नीं करदा; पर परमेशरा रा पुत्र यीशु मसीह तिसजो बचाईने रक्खां, कने शैतान तिसजो छुई नीं पान्दा।

प्रकाशितवाक्य 1:16

सै अपणे सज्जे हत्था च सात्त तारे लईरे था, कने तिसरे मुँआं ते दोधारी तेज तलवार निकल़ी राँ थी, तिसरा मुँह तियां चमकीरा था, तियां जे सूरज दोपैहरके बगत चमकां।

प्रकाशितवाक्य 13:5

बड्डे बोल बोलणे कने निंध्या करने खातर तिसजो इक मुँह दित्या गया, कने तिस्सो बताल़ियां महीनयां तक काम्म करने रा अधिकार दित्या गया।

प्रकाशितवाक्य 19:15

जाति-जाति जो मारने खातर तिसरे मुँआं ते तेज धार तलवार निकल़ां इ। तिस तिन्हांरे ऊपर लोहे री रौड़ा ने राज करना। तिस सर्वशक्तिमान परमेशरा रे भयानक गुस्से री जलजलाहटा री मदिरा रे कुण्डा च अंगूरां जो पीहणा।

प्रकाशितवाक्य 2:16

इस खातर पापां ते मन फिरा, नैंत मांह तेरले जल्द आईने, अपणे मुँआं रिया तलवारा ने तिन्हां सौगी लड़ना।

प्रकाशितवाक्य 20:10

कने शैतान सै जे तिन्हांजो धोखे च रक्खां था आग्ग कने गन्धका रिया नदिया च पाया जाणा, तित्थी जे सै पशु कने झूट्ठा भविष्यवक्ता बी हूणा, कने सै रात-दिन युग-युग पीड़ा च तड़फदे रैहणे।