2 थिस्सलुनीकियां 1:5 - बिलासपुरी नौआं नियम

⁵ ये सब ये साबित कराँ भई परमेशरा रा न्याय सही आ कने इसरा नतीजा ये हूणा भई तुहें परमेशरा रे राज्जा रे लायक हुणे, तिस खातर जे तुहें दुख बी सैया राँये।

2 थिस्सलुनीकियां 1:5 ပူးပေါင်းရင်းမြစ်များ

लूका 20:35

पर औणे औल़े जुगा च येढ़ा किछ नीं हूणा, काँह्भई सै जे मरी मुकीगरे तिन्हां चा ते जिऊंदा हुणे रे लायक लोक, ताहली जे ज्यून्दे हुणे, तिस जुगा च लोकां नांत ब्याह करने, कने नां जनानां ब्याह च दित्तियां जाणियां।

लूका 21:36

इस खातर हर पल चुश्त रौआ कने प्राथना करदे रौआ भई तुहें इन्हां सारियां गल्लां ते, सै जे हुणे औल़ियां, बचणे री ताकत पाई सक्को, कने अपणे आत्म विश्वासा सौगी माहणुये रे पुत्रा रे सामणे खड़े हुणे लायक बणी सक्को।”

प्रेरितां 13:46

तां पौलुसे कने बरनबासे निडर हुईने गलाया, “जरूरी था भई परमेशरा रा वचन पैहले तुहांजो सुणाया जान्दा; पर ताहली जे तुहें तिसरा इन्कार कराँ ये, कने अप्पूँजो अनन्त जीवना रे लायक नीं ठहराँदे, तां हुण अहें अन्यजाति लोकां ले जाणा।

प्रेरितां 14:22

कने हरेक नगरा रे चेलयां रे मना जो मजबूत करदे रहे कने ये उपदेश देआं थे भई विश्वासा च बणीरे रौआ; कने ये बोलां थे, “अहांजो मते दुख सहीने परमेशरा रे राज्जा च जाणे मिलणा।”

रोमियो 2:5

पर तुहें पत्थर दिल कने पापी स्वभावा जो छडणा नीं चाहन्दे, येढ़ा करीने तुहें अपणिया सजा जो बधाया राँये कने ताहली जे परमेशरा रा सच्चा न्याय करने रा दिन औणा, तिस दिन परमेशरा तुहांजो बौहत भयानक सजा देणी।

रोमियो 8:17

काँह्भई अहें तिसरे बच्चे, इस खातर सै आशीष जे परमेशर अपणे लोकां खातर रखां तिसजो अहां पाणा, कने मसीह रे खातर बी सै जे परमेशरे रखीरा, तिस्सो बी अहां मसीह ने सौगी पाणा; काँह्भई जे अहें मसीह साई दुख सैं तां अहां बी तिस सौगी महिमा पाणी।

इफिसियां 4:1

इस खातर हऊँ सै जे प्रभुये री सेवा रे खातर कैदी आ, तुहां लोकां ने विनती कराँ भई तुहौं परमेशरे तियां जे जीणे खातर सद्दीरा तिस तरिके ने जीआ।

फिलिप्पियां 1:28

तुहें किसी गल्ला च विरोधियां ते मत डरा, काँह्भई येढ़ा करने ते तुहां तिन्हांजो साबित करना भई परमेशरा तिन्हांरा नाश करना कने तुहांजो बचाणा। ये सब परमेशर कराँ।

कुलुस्सियां 1:12

तुहें अहांरे पिता परमेशर रा धन्यवाद करदे रौआ, तिने जे तुहांजो स्वर्गा च अपणयां पवित्र लोकां खातर त्यार कित्ती रिया बिरासता जो सांझा करने रे लायक बणाया।

1 थिस्सलुनीकियां 2:14

इस खातर तुहें, हे भाईयो, परमेशरा रे तिन्हां विश्वासियां री चाल चलने लगे सै जे यहूदिया प्रदेशा च मसीह यीशुये चे, काँह्भई तुहें बी अपणे लोकां ते तेढ़ा इ दुख पाया तेढ़ा जे तिन्हें यहूदियां ते पाया था,

2 थिस्सलुनीकियां 1:11

इस खातर अहें सदा तुहां खातर प्राथना कराँ ये भई अहांरा परमेशरा तुहांजो अपणिया बुलाहटा रे लायक बणाई दो, कने सै तुहांरे भले काम्म करने री हरेक इच्छा कने तुहांरे विश्वासा रे जरिये कित्तिरे हरेक कम्मां जो अपणिया सामर्था सौगी पूरा करो,

2 तिमुथियुस 2:12

जे अहें दुख सैयें तां तिस सौगी राज बी करना। जे अहें तिसरा इन्कार करगे, तां तिस बी अहांरा इन्कार करना,

प्रकाशितवाक्य 15:4

“हे प्रभु, कुण तेरते नीं डरगा? कने तेरे नौआं री महिमा नीं करगा? काँह्भई सिर्फ तूई पवित्र आ। सारियां जातियां आईने तेरी अराधना करनी, काँह्भई तेरे न्याय रे काम्म प्रगट हुई चुक्कीरे।”

प्रकाशितवाक्य 16:7

फेरी मैं बेदिया ते ये अवाज़ सुणी, “हाँ, हे सर्वशक्तिमान प्रभु परमेशर, तेरा न्याय ठीक कने सच्चा।”

प्रकाशितवाक्य 19:2

काँह्भई तिसरे न्याय सच्चे कने ठीक ये, इस खातर भई तिने तिसा बड्डिया वेश्या रा न्याय कित्या, सै जे सारिया धरतिया जो अपणे व्यभिचारा ने गुमराह कराँ थी, कने तिसाते अपणे दास्सां रे खून्ना रा बदला लित्या।”

प्रकाशितवाक्य 3:4

पर हाँ, सरदीस नगरा च तेरे ले किछ येढ़े लोक बी ये, तिन्हेंजे अपणे कपड़े गन्दे नीं कित्तिरे, तिन्हां सफेद कपड़े पैहनीने मेरे सौगी चलना, काँह्भई सै इस लायक ये।