2 पतरस 3:17 - बिलासपुरी नौआं नियम

¹⁷ मेरे प्यारे मित्रो, काँह्भई तुहें इन्हां गल्लां जो पैहले तेई जाणाँ ये इस खातर सावधान रौआ भई तुहें बुरयां लोकां रियां गल़त शिक्षां च बैहकीने विश्वासा ते नीं भटकी जाओ,

2 पतरस 3:17 ပူးပေါင်းရင်းမြစ်များ

मत्ती 16:11

तुहें काँह नीं समझदे भई मैं तुहांजो रोटियां रे बारे च नीं गलाया? पर मैं त तुहांजो फरीसियां कने सदूकियां रे धोखे ते चौकन्ना रैहणे जो गलाया था सै जे मलेड़े साई आ।”

मत्ती 16:6

यीशुये तिन्हाने गलाया, “देक्खा, फरीसियां कने सदूकियां रे मलेड़े ते कने तिन्हांरे अविश्वासा कने झुट्ठिया शिक्षा ते बचीने रौआ।”

मत्ती 7:15

“झूट्ठे भविष्यवक्तयां ते बचीने रौआ! सै तुहांले आमतौर पर भेड्डां रे रुपा च औआं यें, पर हकीकत च सै खूँखार भेड़िये सै जे लोकां पर हमला करां ये।

यूहन्ना 16:4

हऊँ तुहांजो ये गल्लां इस खातर दस्यारां भई ताहली जे सै बगत औणा, तां जो किछ मैं इन्हां लोकां रे बारे च पैहले ते बोलीरा सै तुहांजो याद औणा। “शुरु ची मैं तुहांजो ये गल्लां नीं गलाईयां काँह्भई हऊँ तुहांजो सौगी था।

प्रेरितां 2:42

कने सै प्रेरितां ते शिक्षा पाणे, कने संगती रखणे, प्रभु भोज, कने प्राथना करने च लगीरे रै।

रोमियो 16:18

काँह्भई येढ़े लोक अहांरे प्रभु यीशु मसीह री नीं बल्कि अपणे पेट्टा री सेवा कराँ ये; कने अपणी चिकनी चुपड़ी गल्लां ते सिधे-साधे मना रे लोकां जो बहकायें।

1 कुरिन्थियों 10:12

इस खातर सै जे समझां भई, “हऊँ विश्वासा च मजबूत आ,” सै चौकन्ने रौ भई किति पापा च नीं पई जाओ।

1 कुरिन्थियों 15:58

इस खातर अरे मेरे प्यारे साथी विश्वासियो, अपणे विश्वासा च मजबूत रौआ कने गल़त शिक्षां ते भरमाये नीं जाओ, कने प्रभुये रे कम्मा च हमेशा बधदे जाओ, काँह्भई तुहें जाणाँ ये भई तुहांरी मेहणत प्रभु च बेकार नीं।

2 कुरिन्थियों 11:3

पर हऊँ डराँ भई तियां जे शैताने सर्पा रे रुपा च अपणिया चतुराईया ने हव्वा जो बैहकाया था, तियां इ किति तुहांरे मना जो मसीह रे प्रति तुहांरिया ईमानदारिया कने पवित्रता जो दूर नीं करी दो।

गलातियां 5:4

तुहां चते जितने बी लोक व्यवस्था रा पालन करने रे जरिये परमेशरा रे सामणे धर्मी हुणे री कोशिश करया राँये, तुहें सारे मसीह ते लग ये कने परमेशरा रे अनुग्रह जो ग्रहण करने ते मना कित्तिरा।

इफिसियां 4:14

तां हुण ते अहौं बच्चे साई नीं रैहणा चाहिन्दा। अहें तिसा किश्तिया साई नींये सै जे समुद्रा रियां लहराँ सौगी इतखा-उतखा भटकीने रस्ता बदलदी रैईं। इसरा मतलब येआ भई चलाक कने छली लोक अहांजो अपणिया झुट्ठिया शिक्षां ते बैहकाई नीं सक्को।

फिलिप्पियां 3:2

सै बुरै लोक सै जे कुत्तयां साई ये तिन्हांते सावधान रौआ, काँह्भई सै लोक बुरा काम्म कराँ ये कने मर्दां रा खतना करने पर जोर दें।

कुलुस्सियां 2:5

हलाँकि हऊँ तुहांते दूर आ, पर तियां जे भई हऊँ तुहांरे सौगी इ हया, काँह्भई हऊँ तुहांरे बारे च सोचदा रैयां, कने हऊँ खुश आ भई तुहांजो तियां जे जीणा चाहिन्दा था तुहें तियां इ जीया कराँ ये कने मसीह च तुहांरा विश्वास मजबूत आ।

कुलुस्सियां 2:8

ध्यान रखा, भई कोई तुहांजो अपणे तिस संसारिक ज्ञाना च कने बेमतलब गल्लां च नीं फसाओ सै जे माहणुआं रियां बणाईरी रीतियाँ ते कने संसारा रिया आदी शिक्षा रे मुतावक त हाया, पर मसीह रे मुतावक निआं।

2 तिमुथियुस 4:15

तू बी तिसते सावधान रै, काँह्भई तिने अहां रियां शिक्षां रा कड़ा बरोध कित्या था।

इब्रानियों 3:14

काँह्भई जे अहें अपणे पैहले विश्वासा पर अपणिया मौती तक लगातार मजबूत रै, तां अहें इकट्ठा काम्म करने च मसीह ने सौगी जुड़ी जायें।

1 पतरस 5:9

अपणे विश्वासा पर मजबूत रैईने तिसरा मुकाबला करा कने ये जाणी लो भई तुहांरे साथी विश्वासी सै जे इस संसारा चे, इस इ तरिके री पीड़ा सैई रायें।

2 पतरस 2:7

कने तिने भले माहणु लूता जो बचाईल्या, सै जे बुरयां लोकां रे चाल-चलना ते बौहत दुखी था।

2 पतरस 3:1

मेरे प्यारे मित्रो, हुण ये दुज्जी चिट्ठी सै जे हऊँ तुहांजो लिखिराँ। इन्हां दुईं चिट्ठियां च मैं तुहांजो तिन्हां गल्लां री याद दिलाई, तिन्हांजो जे तुहें पैहले तेई जाणाँ ये, ताकि ताहली जे तुहें मेरी लिखी रिया गल्लां जो याद कराँ ये, तां ये तुहांजो सही ढंगा ने सोचणे च मदद करगियां।

प्रकाशितवाक्य 2:5

याद रख तू गिरने ते पैहले कित्ती था। पापां ते मन फिरा कने सैई कर सै जे तू पैहले कराँ था। जे तू मन नीं फिराँगा, तां मांह तेरले औणा कने तेरे दीपदान्ना जो तिसरिया जगह ते हटाई देणा।