2 पतरस 2:7 - बिलासपुरी नौआं नियम

⁷ कने तिने भले माहणु लूता जो बचाईल्या, सै जे बुरयां लोकां रे चाल-चलना ते बौहत दुखी था।

2 पतरस 2:7 ပူးပေါင်းရင်းမြစ်များ

1 कुरिन्थियों 10:13

तुहें अज्जा तक किसी येढ़िया परीक्षा च नीं पै, तिसा परीक्षा जो जे लोकें अनुभव नीं कित्या; कने परमेशर बफादार आ। तिस तुहांजो किसी येढ़िया परीक्षा च पौणे देणा सै जे तुहांरे सैहणे ते परे इ, पर परीक्षा ते बाहर निकल़णे खातर तिस तुहांजो ठीक रस्ता दसणा ताकि तिस्सो तुहें सही सक्को।

2 पतरस 2:18

ये तिन्हांजो सै जे भटकीरेयां लोकां चाते बचीने निकल़णे री शुरुआत इ करीराँ थे, अपणी बेकारा री घमण्डी गल्लां ते तिन्हां लोकां जो शारीरिक इच्छां च फसाई लें।

2 पतरस 2:2

बौहत सारे परमेशरा रे लोकां तिन्हां झुट्ठयां शिक्षकां रे बुरे कम्मां री नकल करनी, कने तिन्हांरे कम्मां रिया वजह ने दुज्यां लोकां सच्चाईया रे रस्ते रे बारे च निंध्या करनी।

2 पतरस 3:17

मेरे प्यारे मित्रो, काँह्भई तुहें इन्हां गल्लां जो पैहले तेई जाणाँ ये इस खातर सावधान रौआ भई तुहें बुरयां लोकां रियां गल़त शिक्षां च बैहकीने विश्वासा ते नीं भटकी जाओ,

यहूदा 1:4

काँह्भई किछ लोक सै जे परमेशरा जो नीं मनदे कने झूट्ठी शिक्षा देआंये, अहां रिया जानकारिया बगैर चुपचाप अहांरे बिच घुसी चुक्कीरे। ये सै लोक ये तिन्हांजो जे परमेशरे बौहत पैहले पवित्रशास्त्रा च बोल्या था भई तिस तिन्हांजो सजा देणी। ये लोक विश्वास कराँ ये भई सै अनैतिक जीवन जी सक्कां ये, काँह्भई अहांरा परमेशर अनुग्रहकारी आ कने सै अहांरे इकलौते शासक कने प्रभु यीशु मसीह रा इन्कार कराँ ये।