2 पतरस 2:13 - बिलासपुरी नौआं नियम

¹³ तिन्हांजो बुराईया रा बदला बुराईया तेई मिलणा। दिना रे उजाले च भोग-विलास करना तिन्हांजो ठीक लगां, ये लोक तुहांरे बिच कलंक कने धब्बा ये। ये लोक दुज्यां लोकां जो धोखा देणे च खुश हुआं ये ताहली जे तुहां सौगी संगतिया रा भोज खांये।

2 पतरस 2:13 ပူးပေါင်းရင်းမြစ်များ

रोमियो 13:13

इस खातर औआ अहें तिन्हां लोकां साई ठीक ढंगा ने व्यवहार करना शुरु करिये सै जे जोतिया च रैं कने अन्धकारा च नीं। कने तुहांजो हरेक किस्मा री नशाखोरी कने दुराचारा च शामिल नीं हूणा चाहिन्दा; कने तुहांजो इक्की दूये ने लड़ाई कने हिरख नीं करना चाहिन्दा।

इफिसियां 5:27

इस तरिके ने सै कलीसिया जो इक येढ़ि चमचमाती दुलहना रे रुपा च अपणे खातर प्रस्तुत करी सक्कां सै जे निष्कलंक हो, झुरियां ते बगैर हो, या तिसच येढ़ि होर कोई कमी नीं हो, बल्कि सै पवित्र कने निर्दोष हो।

फिलिप्पियां 3:19

अन्त च परमेशरा तिन्हांरा नाश करना, सै लोक सिर्फ अपणी शारीरिक इच्छां जो पूरा करने रे खातर जीआं ये, कने सै अपणी बेशर्म गल्लां पर घमण्ड कराँ ये कने संसारा रिया चीजां पर मन लाई रखां ये।

2 तिमुथियुस 4:14

सिकन्दर सै जे ठठेरा तिने कई तरीकयां ने मेरा बड़ा नुक्शान कित्तिरा। प्रभुये तिस्सो तिसरे बुरे कम्मा रे मुतावक सजा देणी।

याकूब 5:5

तुहें इसा धरतिया पर अपणी हर इक इच्छा पूरा करने कने विलासिता च अपणी जिन्दगी गवाईती; तुहें खुद अप्पूँजो बध कित्ते जाणे रे दिना रे खातर पाल़ी-पोसीने जानबरा साई मोटा तगड़ा करी लरा।

1 पतरस 4:4

इस खातर तुहांरे मित्राँ जो इन्हां सारियां गल्लां च हैरानी हुआं इ ताहली जे तुहें येढ़यां बुरयां कम्मां च तिन्हांरा साथ नीं देन्दे, इस खातर हुण सै तुहांरी निन्दा कराँ ये।

2 पतरस 2:15

तिन्हें सै जे सही आ तिस्सो करना बन्द करी तरा कने सैई बुरा काम्म करना शुरु करी तरा सै जे बओर रे पुत्र बिलामे बौहत पैहले कित्या था, सै जे गल़त काम्म करीने पैसा कमाणा पसन्द कराँ था।

प्रकाशितवाक्य 18:6

तियां जे तिने तुहांजो दित्तिरा, तियां इ तिसजो देआ, कने तिसरे कम्मां रे मुतावक तिस्सो दो गुणा बदला देआ; तिस कटोरे चते जे तिने भरी तरा था, तिस ची तिसरे खातर दो गुणा भरी दे।