2 यूहन्ना 1:6 - बिलासपुरी नौआं नियम

⁶ असली प्रेम येआ भई अहें परमेशरा रे हुक्मां रे मुतावक चलिये। तुहें शुरु ते सुणीरा भई परमेशरे हुक्म दित्तिरा भई तुहांजो हमेशा इक्की दूये ने प्रेम करना चाहिन्दा।

2 यूहन्ना 1:6 ပူးပေါင်းရင်းမြစ်များ

यूहन्ना 14:15

“जे तुहें मेरने प्यार कराँ ये, तां तुहां मेरयां हुक्मां जो मनणा।

यूहन्ना 14:21

तिस जे मेरा हुक्म मनणा, कने तिन्हांरा पालन करना, तिस सचमुच मेरने प्यार करना; सै जे मेरने प्यार कराँ तिसने मेरे पिता प्यार करना मांह बी तिसने प्यार करना कने अप्पूँजो तिसरे सामणे परगट करना।”

यूहन्ना 14:23

यीशुये तिस्सो जबाब दित्या, “तिसजे मेरने प्यार करना, तिस मेरी शिक्षां जो मनणा; कने तिसने जे मेरा पिता प्यार करगा, कने अहां तिसले औणा कने तिसने सौगी रैया करना।

यूहन्ना 15:10

जे तुहें मेरयां हुक्मां जो मनगे तां तुहां मेरे प्यारा च बणीरे रैहणा। तियां जे हऊँ पिता परमेशरा रे हुक्मां रा पालन करीने तिसरे प्यारा च बणीरा रैआं।

यूहन्ना 15:14

जे तुहें मेरिया दस्सी रिया गल्ला पर चलां ये सै जे हऊँ बोलां, तां तुहें मेरे सच्चे दोस्त बणी जांये।

1 यूहन्ना 2:24

जो किछ जे अहें यीशुये रे बारे च तुहांजो सखाईरा तिस पर भरोसा बणाईने रखा। सै जे तुहें शुरु ते सुणीरा, तिस पर तुहें विश्वास बणाईने रखा, तां तुहां बी पुत्रा च, कने पिता परमेशरा च बणी रयां रैहणा।

1 यूहन्ना 2:5

पर जे कोई परमेशरा रे वचना रा पालन करो, तां तिसच परमेशरा रा प्यार साबित हुईरा, अहांजो इसते पता चलां, भई अहें तिस सौगी संगती रक्खां ये।

1 यूहन्ना 2:7

प्यारे मित्रो, हऊँ तुहां लोकां जो इक्की दुज्जे ने प्यार रखणे खातर लिखिराँ, ये कोई नया हुक्म नीं बल्कि ये पुराणा हुक्म आ, सै जे तुहांजो शुरु तेई दित्तिरा था; ये पुराणा हुक्म सै वचन आ, तिसजो जे तुहें सुणीरा ताहली जे तुहें यीशुये पर विश्वास कित्या।

1 यूहन्ना 5:15

कने ताहली जे अहें जाणाँ ये भई चाये अहें तिसते किछ बी मंग्गो, सै अहांरी सुणां, तां अहें ये बी जाणाँ ये, भई सै किछ जे अहें तिसते मंगीरा, सै अहें पाईरा।

1 यूहन्ना 5:3

कने परमेशरा रा प्यार येआ, भई अहें तिसरे हुक्मां रा पालन करिये, सै जे मुश्कल नींये।

2 यूहन्ना 1:5

कने हुण, प्यारी बैहण, हऊँ तेरने विनती कराँ भई अहांजो इक्की दूये ने प्रेम करना चाहिन्दा। ये कोई नया हुक्म नींआ, पर ये सैई हुक्म आ तिस्सो जे अहें मसीह रे पिछे चलने रे वगता ते जाणाँ ये।