2 कुरिन्थियों 9:5 - बिलासपुरी नौआं नियम

⁵ इस खातर मैं ये जरूरी समझया भई हऊँ विश्वासी भाईयां ने ये विनती करूँ भई सै अहांते पैहले इ तुहांले जाओ कने तिस वायदा कित्ती रिया भेन्टा जो त्यार करी लो, ताकि ये जबरदस्ती नीं पर तुहांरिया इच्छा रे मुतावक दित्तिरा दान ओ।

2 कुरिन्थियों 9:5 ပူးပေါင်းရင်းမြစ်များ

1 कुरिन्थियों 16:2

हफ्ते रे पैहले दिन तुहां चते हर इक अपणी-अपणी कमाईया रे मुतावक किछ अप्पूँ ले रखी छड्डा, ताकि मेरे औणे पर चन्दा नीं कठेरने पौ।

2 कुरिन्थियों 8:6

इस खातर अहें तीतुस ने विनती कित्ती भई तियां जे तिने पैहले अपणे कम्मां जो शुरु कित्या था, तियां इ इस दान्ना रिया सेवा जो पूरा करने खातर तुहांरी मदद करो।

2 कुरिन्थियों 9:3

पर हऊँ इन्हा तिन्नां विश्वासी भाईयां जो तुहांले इस खातर भेज्जी राँ ताकि अहें तुहांरे बारे च सै जे गर्व दस्या, सै गल़त नीं साबित हो, पर तेढ़ा जे मैं बोल्या तियां इ तुहें यरूशलेम नगरा रे विश्वासियां री मदद करने जो त्यार रौआ।

2 कुरिन्थियों 9:6

इसजो याद रखा, सै जे थोड़ा बाँह, सै थोड़ा इ कटगा; कने सै जे जादा बाँह, सै जादा कट्टां।

फिलिप्पियां 4:17

हऊँ ये नीं बोलां भई हऊँ उपहार लेणे रा इच्छुक आ, पर तुहांरिया सहायता रिया वजह ते हऊँ तुहांजो परमेशरा री आशीष पान्दे हुये देखणा चाँह।