2 कुरिन्थियों 9:10 - बिलासपुरी नौआं नियम

¹⁰ काँह्भई परमेशर इ करसाणां जो ब्यू देआं कने खाणे जो रोटी देआं। तियां इ तुहांले सै किछ जे हाया परमेशर तिसजो बधान्गा, ताकि सै जे जरूरत मन्द लोक ये तिन्हांजो तुहें होर बी जादा देई सक्को।

2 कुरिन्थियों 9:10 ပူးပေါင်းရင်းမြစ်များ

मत्ती 6:1

“खबरदार हुई जवा! परमेशर चाँह, तिन्हां खरयां कम्मां रा लोकां रे सामणे दिखावा मता करदे नईतां तुहें अपणे पिता ते, सै जे स्वर्गा चा, तिसरा किछ बी ईनाम नीं पाई सकगे।”

2 कुरिन्थियों 9:12

काँह्भई दान देणे रिया सेवा जो पूरा करने ते नां सिर्फ परमेशरा रे लोकां री जरूरत पूरी हुआं इ, पर सै लोक खुशिया ने परमेशरा रा बौहत धन्यवाद कराँ ये।

2 कुरिन्थियों 9:6

इसजो याद रखा, सै जे थोड़ा बाँह, सै थोड़ा इ कटगा; कने सै जे जादा बाँह, सै जादा कट्टां।

गलातियां 3:5

परमेशर सै पवित्र आत्मा जे तुहांजो देआं कने सै जे तुहांरे बिच चमत्कारा रे काम्म कराँ, क्या सै येढ़ा इस खातर कराँ भई तुहें व्यवस्था रा पालन कराँ ये या इस खातर भई तुहें खुशखबरिया जो सुणां ये कने तिस पर विश्वास कराँ ये?

इफिसियां 5:9

काँह्भई ज्योति हर किस्मा री भलाई, धार्मिकता कने सच्चाई पैदा कराँ इ।

फिलिप्पियां 1:11

तियां जे इक पेड़ फल़ देआं तियां इ तुहें यीशु मसीह रिया सामर्था रे जरिये भलयां कम्मां जो करगे, इसच बधदे रौआ तिसते जे परमेशरा री महिमा कने स्तुति हुन्दी रौ।

फिलिप्पियां 4:17

हऊँ ये नीं बोलां भई हऊँ उपहार लेणे रा इच्छुक आ, पर तुहांरिया सहायता रिया वजह ते हऊँ तुहांजो परमेशरा री आशीष पान्दे हुये देखणा चाँह।

1 थिस्सलुनीकियां 3:12

कने प्रभु येढ़ा करो भई तियां जे अहें तुहांजो प्यार रक्खां ये, तियां इ तुहांरा प्यार बी इक्की दूये ने कने सारे माहणुआं सौगी बधो, कने उमड़दा रौओ,

1 थिस्सलुनीकियां 4:10

कने मकिदुनिया प्रदेशा रे सरयां विश्वासी भाई-भैणां रे खातर तुहें प्रेम दस्सी चुक्कीरे। पर भाईयो, अहें तुहांजो विनती कराँ भई इसच होर बी बधदे जाओ,