2 कुरिन्थियों 8:9 - बिलासपुरी नौआं नियम

⁹ काँह्भई अहांरे प्रभु यीशु मसीह रे अनुग्रह जो तुहें जाणाँ ये; भई सै अमीर हुन्दे हुये बी तुहांरे खातर गरीब बणीग्या, ताकि तिसरिया गरीबिया ते तुहें अमीर बणी जो।

2 कुरिन्थियों 8:9 ပူးပေါင်းရင်းမြစ်များ

मत्ती 17:27

पर अहां रिया बजह ने सै लोक नराज नीं हो इस खातर नदिया पर जा कने अपणा कांटा पाणिये च पा कने फेरी सै जे पैहली मच्छी निकल़ो, तिसारा मुँह खोल्यां तिज्जो इक चान्दिया रा सिक्का मिलणा, तिसजो लेईने मेरा कने अपणा कर चुकाई देआं।”

मत्ती 20:28

तियां जे भई माहणुये रा पुत्र, यनि हऊँ इस खातर नीं आया भई अपणी सेवा करवाऊँ, पर हऊँ इस खातर आया भई अप्पूँ सेवा करूँ कने बौहत सारे लोकां जो पापां ते छुड़ाणे खातर अपणा प्राण देऊँ।”

मत्ती 8:20

यीशुये तिसने गलाया, “गिदड़ियां ले तिन्हांरी कुड कने अम्बरा रे पंछियां रे आलणे हुआं ये; पर माहणुये रे पुत्रा ले सौणे रे खातर बी अपणा घर नींआ।”

मरकुस 6:3

तिन्हें ये बोल्लीने तिसरा अपमान कित्या, क्या ये सिर्फ इक लकड़िया रा मिस्त्री निआं? सै जे मरियम रा पुत्र, याकूब, योसेस, यहूदा कने शमौना रा भाई आ। क्या इस रियां बैहणीं येत्थी अहांरे बिच नीं रैहन्दियां?” इस खातर तिन्हें तिसजो ग्रहण नीं कित्या।

लूका 16:11

कने जे तुहें संसारा रिया धन दौलता रे बारे ची विश्वास लायक नीं हुये तां स्वर्गा री सच्ची दौलत तुहांजो किस देणी?

लूका 2:7

कने तिसारे पहलौठे पुत्रा रा जन्‍म हुया कने तिसे अपणे न्याणे जो कपड़े च लपेटी ने इक्की गोयडा रिया खुरलिया च रखया, काँह्भई नगरा च तिन्हाजो किसी बी सराईं बिच रैहणे जो जगह नीं मिली थी।

लूका 8:3

योअन्ना राजा हेरोदेस रे भण्डारीये खुज़ा री जनाना थी कने सुसन्ना कने होर बौहत जनानां बी इन्हां सौगी थिआं। ये सब जनानां अपणी कमाईया रे पैसयां ने यीशु कने तिसरे चेलयां री सेवा कराँ थिआं।

लूका 9:58

यीशुये तिसने बोल्या, “गिदड़ियां जो रैहणे खातर दूहड़ कने हवा च उडणे औल़यां पंछियां जो रैहणे खातर आलणे हुआं ये, पर माहणुये रे पुत्रा जो आराम करने जो बी जगह नीं।”

यूहन्ना 1:10

यनिके सै, सै जे ज्योतिया साई आ संसारा ची था, कने संसार कने तिसरी हरेक चीज़ तिसरी ही बणाईरी, पर लोकें फेरी भीं तिस्सो नीं पछयाणया।

यूहन्ना 1:14

कने वचन शरीरा रा रुप लेईने आया; तिने अनुग्रह कने सच्चाईया ने भरी ने अहांरे बिच बास कित्या, कने अहें तिसरी येढ़ि महिमा देक्खी, तेढ़ी जे पिता रे इकलौते पुत्रा री महिमा हुआं इ।

यूहन्ना 1:17

अहांजो व्यवस्था देणे औल़ा मूसा था, पर अनुग्रह कने सच्चाई परमेशरे अहांजो यीशु मसीह रे जरिये दस्से।

यूहन्ना 12:30

इस पर यीशुये तिन्हांजो बोल्या, “ये अवाज मेरे खातर नीं, पर तुहां लोकां रे फायदे खातर थी।

यूहन्ना 16:15

जो किछ पिता रा सै मेरा इ हया; इस खातर मैं बोल्या, भई पवित्र आत्मे सैई दसणा सै जे मैं सुणया।

यूहन्ना 17:19

इसरे फायदे खातर हऊँ अप्पूँजो तिन्हांरे खातर समर्पित कराँ, ताकि सै बी सच्चाईया रे जरिये समर्पित हुई जाओ।

रोमियो 11:12

जे तिन्हांरे अविश्वासा रिया वजह ने अन्यजातियां रा भला हुया, तां हकीकत च अन्यजातियां रे प्रति बौहत इ अच्छा हूणा ताहली जे इस्राएली लोक परमेशरा ले वापस औणे।

रोमियो 15:3

येत्थी तक भई मसीहे बी खुद अप्पूँजो खुश नीं कित्या था, पर तियां जे भई मसीह रे बारे च पवित्रशास्त्र बोलां, “तेरी बेज्जति करने औल़े लोकें तेरी नीं पर मेरी बेज्जति कित्ती।”

रोमियो 5:8

पर परमेशर अहां पर अपणे महान प्यारा जो इस तरिके ने परगट कराँ भई ताहली जे अहें पापी थे ताहली मसीह अहांरे खातर मरया।

रोमियो 8:32

परमेशरे अपणे पुत्रा जो बी नीं बचाया, पर तिस्सो अहां सारयां रे खातर अपणे दुश्मणा रे हवाले करित्या, तिस अहांजो अपणे पुत्रा सौगी सै सब किछ देणा तिस्सो देणे रा जे तिने अहांने वायदा कित्तिरा था।

1 कुरिन्थियों 1:4

हऊँ तुहांरे बारे च अपणे परमेशरा रा सदा धन्यवाद कराँ, काँह्भई परमेशरा रा ये अनुग्रह तुहां पर मसीह यीशुये च हुईरा।

1 कुरिन्थियों 15:47

पैहला माहणु आदम धरतिया रा यनि मिट्टिया रा था; कने दुज्जा माहणु यनि मसीह स्वर्गा ते आ।

2 कुरिन्थियों 13:14

प्रभु यीशु मसीह रा अनुग्रह, परमेशरा रा प्यार कने पवित्र आत्मा री सहभागिता तुहां सब्बी ने सौगी बणीरी रौ।

2 कुरिन्थियों 6:10

अहें दुखां रे वगता च बी, हमेशा खुश ये; हलाँकि अहें गरीब ये, फेरी बी बौहत लोकां जो आत्मिकता च अमीर बणाई दें। लोक समझां ये अहांले किछ निआं, जबकि अहांले त सब किछ आ।

इफिसियां 2:7

तिने मसीह यीशुये रे जरिये इस तरिके ने अपणी दया अहां पर दिखाई ताकि औणे औल़े वगता च संसारा रे लोकां देखणा भई तिसरा अनुग्रह कितना महान आ। ये अनुग्रह सब्बीं ते महान आ।

इफिसियां 3:19

कने तुहें मसीह रे तिस प्यारा जो जाणी सक्को सै जे हरेक किस्मा रे ज्ञाना ते ऊपर आ, ताकि तुहांरा चाल-चलण परमेशरा रे चाल-चलना साई बणी सक्को।

इफिसियां 3:8

हलाँकि हऊँ सब पवित्र लोकां च छोट्टयां ते बी छोट्टा, परमेशरे अनुग्रह ने मिन्जो ये मौका दित्या ताकि हऊँ अन्यजातियां जो मसीह री अपार आशीषां री खुशखबरी सुणाऊँ।

कुलुस्सियां 1:24

मिन्जो इसा गल्ला री खुशी भई हुण हऊँ तुहांरे खातर दुख सैई सकूँ, कने तियां जे मसीह दुख सैया, तियां इ हऊँ बी खुशिया ने तिन्हां सारयां दुखां जो कलीसिया रे फायदे रे खातर अपणे शरीरा च सैयां सै जे जरूरी ये, ताकि कलीसिया री मदद करी सकूँ सै जे मसीह रे शरीरा साई आ।

1 तिमुथियुस 6:18

तिन्हांजो भले काम्म करने खातर हुक्म दे कने सै बौहत भले काम्म करो, कने उदारता पूर्वक दान देईने दुज्यां री मद्‌द करने जो त्यार रौ।

इब्रानियों 1:2

इन्हां दिनां रे आखिर च परमेशरे अहांने अपणे पुत्रा रे जरिये गल्लां कित्तियां, तिसजो जे परमेशरे सारियां चिज़ां रा बारस बणाया कने तिसरे जरिये जे परमेशरे सारे संसारा जो रचीरी।

याकूब 2:5

मेरे प्यारे साथी विश्वासियो, ध्याना ने सुणा, क्या परमेशरे तिन्हां लोकां जो नीं चुणीरा, सै जे संसारा रिया नजरां च गरीब ये, ताकि सै विश्वासा च अमीर हुई जो कने तिस राज्जा रे बारस बणो, तिसजो जे परमेशरे अपणयां भगतां जो देणे रा वायदा कित्तीरा?

प्रकाशितवाक्य 2:9

हऊँ तेरे दुख, कने तेरी गरीबिया जो जाणाँ, पर तू अमीर आ! कने हऊँ तिन्हां रिया निंध्या जो बी जाणाँ सै लोक जे अप्पूँजो यहूदी बोलां ये, कने हये नींये, पर शैतान्ना री सभा ये।

प्रकाशितवाक्य 21:7

सै जे जय पाओ सैई तिन्हां चिज़ां रा बारस हूणा; कने मांह तिसरे परमेशर हूणा, कने सै मेरा पुत्र हूणा।

प्रकाशितवाक्य 3:18

इस खातर हऊँ तिज्जो सलाह देआं भई अग्गी च सेक्कीरा सोना मेरते खरीदी लै ताकि तू अमीर हुई जाओ, कने पैहनणे खातर चिट्टे कपड़े लई लै ताकि तिसजो पैहनीने तिज्जो अपणे नंगे हुणे री शर्म नीं हो, कने अपणियां आक्खीं च लाणे खातर सुरमा लैं ताकि तू साफ-साफ देखणे लगो।