2 कुरिन्थियों 8:4 - बिलासपुरी नौआं नियम

⁴ सै बड़िया नम्रता सौगी यहूदिया प्रदेशा च रैहणे औल़े परमेशरा रे पवित्र लोकां री मदद करने च शामिल होणे रे मौके खातर अहांने बिनती करदे रै।

2 कुरिन्थियों 8:4 ပူးပေါင်းရင်းမြစ်များ

मत्ती 10:42

कने जे कोई मेरे इन्हां भोल़े-भाल़े चेलयां चा ते किसी इक्की जो बी इस खातर इक गलास ठन्डे पाणिये रा देयो भई सै मेरा चेला, तां हऊँ तुहांजो सच्च बोलां भई तिस्सो इसरा ईनाम जरूर मिलणा।”

मत्ती 12:50

हाँ, सै जे कोई स्वर्गा च बिराजमान मेरे पिता रिया इच्छा पर चलां, सैई मेरी माता, मेरी बैहण, कने मेरे भाईये रे बराबर मिन्जो प्यारे।”

मत्ती 25:40

फेरी राजे यनि मांह तिन्हाजो जबाब देणा, हऊँ तुहांजो सच्च बोलीराँ ताहली जे कदीं तुहें मांह पर विश्वास करने औल़े तिन्हांजो जे लोक खास नीं समझदे तिन्हां किसी इक्की खातर बी किछ कित्या हुंगा तां सै तुहें मेरे खातर बी कित्या।

मरकुस 14:7

गरीब सदा तुहां सौगी रैं कने तुहें ताहलूं जे चाओ तां तिन्हाने भलाई करी सक्कां ये; पर मांह सदा तुहां सौगी नीं रैहणा।

प्रेरितां 11:29

तां चेलयां ये फैसला कित्या भई सब अपणे-अपणे धना रे मुतावक यहूदिया प्रदेशा च रैहणे औल़े मसीह विश्वासिया रे खातर अपणिया सामर्थय रे मुतावक सहायता करें।

प्रेरितां 16:15

तां जे तिसे अपणे घराने समेत बपतिस्मा लया, तां तिसे अहांने विनती किति, जे तुहें मिन्जो प्रभुये री विश्वासी समझां यें तां, चलीने मेरे घरा च रौआ, “कने सै अहांजो मनाई ने लई गई।”

प्रेरितां 24:17

“बौहत साल्लां बाद अपणयां गरीब लोकां जो उपहार देणे, कने परमेशरा जो भेंट चढ़ाणे यरूशलेम नगरा च आया था।

रोमियो 15:31

प्राथना करा भई परमेशर मिन्जो यहूदिया प्रदेशा च अविश्वासियां ते बचाओ, कने यरूशलेम च रैहणे औल़े परमेशरा रे लोक तिसा सहायता जो पाणे खातर खुश हुणे सै जे हऊँ तिन्हांरे खातर लेईने जाया राँ;

1 कुरिन्थियों 16:1

हुण पवित्र लोकां रिया मददा खातर चन्दे रे बारे च: तेढ़ी आज्ञा जे मैं गलातिया रिया कलीसियां जो दित्ति, तियां इ तुहें बी करा।

1 कुरिन्थियों 16:15

साथी विश्वासियो तुहें स्तिफनुस रे घराने जो जाणाँ ये, भई सै अखाया प्रदेशा रे पैहले विश्वासी ये, कने पवित्र लोकां री सेवा रे खातर त्‍यार रैं।

2 कुरिन्थियों 9:1

हुण यरूशलेम च विश्वासियां जो मदद करने री सेवा रे बारे च मिन्जो तुहांजो लिखणे री जरूत नीं।

गलातियां 2:10

तिन्हें अहांने बस येई विनती कित्ती भई अहें यरूशलेम च रैहणे औल़े गरीब विश्वासियां री मदद करिये, कने येई आ सै जे हऊँ करना चाँह था।

गलातियां 6:10

इस खातर तियां जे कोई मौका मिलो, अहांजो सारयां ने भलाई करनी चाहिन्दी, खास कर अपणे विश्वासी भाईयां सौगी।

1 तिमुथियुस 5:10

कने भलयां कम्मां च तिसारा नौं हो, तियां जे बच्चयां रा पाल़ण-पोषण; मेहमान्नां री सेवा कित्ती हो, पवित्र लोकां री इक दासिया साई सेवा कित्ती हो, दुखियां री मद्‌द कित्ती हो, कने हरेक भले कम्मां च मन लाया हो।

इब्रानियों 6:10

काँह्भई परमेशर अन्याई निआं भई तुहांरे काम्म, कने तिस प्यारा जो भुल्ली जाओ, सै जे तुहें तिसरे लोकां री मदद करने रे जरिये तिसरे खातर दस्या। कने परमेशर याद करगा भई तुहें हुण बी लोकां री मदद करया राँये।