2 कुरिन्थियों 8:3 - बिलासपुरी नौआं नियम

³ तिन्हारे बारे च मेरी ये गवाही भई सै जितना जे देई सक्कां थे तिन्हें उतणा दित्या; इतणा इ नीं बल्कि अपणिया सामर्थया ते बी जादा अपणिया इच्छा ने दित्या।

2 कुरिन्थियों 8:3 ပူးပေါင်းရင်းမြစ်များ

मरकुस 14:8

जो किछ सै करी सक्की, तिसे कित्या; तिसे मेरे दफनाये जाणे री त्यारी करने खातर पैहले तेई मेरे शरीरा पर खुशबुदार तेल मल़ीत्या।

प्रेरितां 11:29

तां चेलयां ये फैसला कित्या भई सब अपणे-अपणे धना रे मुतावक यहूदिया प्रदेशा च रैहणे औल़े मसीह विश्वासिया रे खातर अपणिया सामर्थय रे मुतावक सहायता करें।

रोमियो 10:2

काँह्भई हऊँ जाणाँ भई तिन्हां च परमेशरा रे प्रति उत्साह हया, पर तिन्हांरा ये उत्साह सच्चे ज्ञाना रे मुतावक नींआ।

1 कुरिन्थियों 16:2

हफ्ते रे पैहले दिन तुहां चते हर इक अपणी-अपणी कमाईया रे मुतावक किछ अप्पूँ ले रखी छड्डा, ताकि मेरे औणे पर चन्दा नीं कठेरने पौ।

1 कुरिन्थियों 9:17

काँह्भई जे हऊँ अपणिया इच्छा ते प्रचार कराँ, तां मिन्जो इसरा ईनाम मिलणा, कने जे अपणिया इच्छा ते प्रचार नीं करदा, तां बी मिन्जो सौपी रिया जिम्मेवारिया जो हऊँ पूरा कराँ।

गलातियां 4:15

तिस वगत तुहें बौहत खुश थे! हुण तुहांरिया तिसा खुशिया जो क्या हुया? हऊँ तुहांरे खातर खुद इसा गल्ला रा गवाह भई जे मुमकिन हुन्दा, तां तुहें अपणियां आक्खीं बी नकाल़ीने मिन्जो देई देन्दे।

फिलिप्पियां 2:13

काँह्भई परमेशर इ तुहां च काम्म करया राँ कने सैई तुहौं परमेशरा जो खुश करने री इच्छा कने शक्ति देईराँ।

कुलुस्सियां 4:13

हऊँ तिसरा गवाह भई सै तुहांरे खातर कने लौदीकिया कने हियरापुलिस नगरा रे रैहणे औल़यां रे खातर हमेशा कड़ी मेहणत करदा रैहन्दा।

1 थिस्सलुनीकियां 2:8

अहें तुहांरे बारे च तेढ़िया इ नम्रता जो महसूस कित्या, इस खातर परमेशरा ते मिली रिया खुशखबरिया जोई नीं, बल्कि अहें खुद अप्पूँजो बी तुहां सौगी बंड्डी लेणा चाँये, काँह्भई तुहें अहांरे प्यारे बणीगरे।

फिलेमोन 1:14

पर हऊँ बगैर तेरी सैहमतिया ते किछ बी करना नीं चाहन्दा, ताकि तेरी ये मदद मजबूरिया ने नीं पर खुशिया ते हो।

1 पतरस 4:11

तिस्सो जे प्रचार करने रा बरदान मिलीरा तिसजो परमेशरा रा सन्देश प्रचार करना चाहिन्दा। जे तुहांजो दुज्यां री सेवा करने रा बरदान मिलीरा, तां परमेशरा ते पाई रिया सारिया शक्तिया ने ये करा। ताकि सारियां गल्लां च यीशु मसीह रे जरिये परमेशरा री महिमा हो। सारी महिमा कने सामर्थ जुगां-जुगां तक तिसरी इ हाई। आमीन।

1 पतरस 5:2

भई परमेशरा रे तिस झुण्डा री रखवाल़ी करा सै जे तुहांरे बिच आ; ये दबावा ने नीं पर परमेशरा रिया इच्छा रे मुतावक मौज्जा ने कने नीच कमाईया रे खातर नीं, पर मन लाईने करा।