2 कुरिन्थियों 8:10 - बिलासपुरी नौआं नियम

¹⁰ कने इसा गल्ला च ये मेरी सलाह इ; तुहांजो ये शोभा देआं, तुहें पिछले साल न सिर्फ दान देणे रिया इच्छा च सब्बीं ते अग्गे थे बल्कि दान देणे च बी सब्बीं ते अग्गे रै।

2 कुरिन्थियों 8:10 ပူးပေါင်းရင်းမြစ်များ

मत्ती 10:42

कने जे कोई मेरे इन्हां भोल़े-भाल़े चेलयां चा ते किसी इक्की जो बी इस खातर इक गलास ठन्डे पाणिये रा देयो भई सै मेरा चेला, तां हऊँ तुहांजो सच्च बोलां भई तिस्सो इसरा ईनाम जरूर मिलणा।”

यूहन्ना 11:50

कने नां तुहें समझा ये भई तुहांरा भला इस चा भई अहांरे लोकां खातर सिर्फ इक माहणु मरो, कने सारी जाति नाश नीं हो।”

यूहन्ना 16:7

जो किछ हऊँ बोल्या राँ सै सच्च आ: मेरा जाणा तुहांरे भले रे खातर आ: जे हऊँ तुहांते दूर नीं जांगा, तां पवित्र आत्मा सै जे तुहांरा मददगार आ तुहांले नीं औणा; पर जे हऊँ जांगा, तां मांह तिस्सो तुहांलौ भेजी देणा।

यूहन्ना 18:14

कैफा सै माहणु था तिने जे यहूदी अगुवेयां जो सलाह दित्ति थी भई सब्बीं लोकां रे बजाय इक्की रा मरना ठीक आ।

1 कुरिन्थियों 10:23

“मिन्जो सब किछ करने री अनुमति हाई,” पर सब किछ फायदे रा निआं; “मिन्जो सब किछ करने री अनुमति हाई,” पर सब किछ उपयोगी नींआ।

1 कुरिन्थियों 16:2

हफ्ते रे पैहले दिन तुहां चते हर इक अपणी-अपणी कमाईया रे मुतावक किछ अप्पूँ ले रखी छड्डा, ताकि मेरे औणे पर चन्दा नीं कठेरने पौ।

1 कुरिन्थियों 6:12

तुहां चते किछ लोक ये बोलां ये, “मिन्जो सब किछ करने री अनुमति हाई,” पर सब किछ फायदे रा निआं; “मिन्जो सब किछ करने री अनुमति हाई,” पर मांह किसी चीजा रा गुलाम नीं हूणा।

1 कुरिन्थियों 7:25

क्वारियाँ रे बारे च सै स्वाल जे तुहें पुच्छया था तिसरा जबाब हऊँ देणा चांह: प्रभुये रिया तरफा ते कोई हुक्म मिन्जो नीं मिलया, पर प्रभुये रिया दया ते बफादार हुणे रे नाते हऊँ अपणी राय देआं।

1 कुरिन्थियों 7:40

पर जे सै तियां इ रैई जो, तां सै जादा धन्या इ। ये मेरा बिचार आ कने हऊँ समझां भई परमेशरा रा आत्मा मांह च बी आ।

2 कुरिन्थियों 12:1

हुण मिन्जो गर्व करने इ पौणा हलाँकि इसच मेरा कोई फायदा नींआ, पर मांह हुण दर्शणां कने प्रकाशनां रे बारे च गर्व करना सै जे प्रभुये मिन्जो दित्तिरे।

2 कुरिन्थियों 8:6

इस खातर अहें तीतुस ने विनती कित्ती भई तियां जे तिने पैहले अपणे कम्मां जो शुरु कित्या था, तियां इ इस दान्ना रिया सेवा जो पूरा करने खातर तुहांरी मदद करो।

2 कुरिन्थियों 8:8

हऊँ तुहांजो हुक्म नीं देईराँ बल्कि होर कलीसियां रे जोशा ने तुहांरे प्यारा रिया सच्चाईया जो परखणे खातर बोल्ली कराँ।

2 कुरिन्थियों 9:2

काँह्भई हऊँ मदद रे खातर तुहांरिया इच्छा जो जाणाँ, जिस रिया वजह ने हऊँ तुहांरे बारे च मकिदुनिया प्रदेशा रे रैहणे औल़े विश्वासियां रे सामणे ये बोलदे हुये गर्व करी रां, भई तुहें अखाया प्रदेशा रे लोक त पिछले साल्ला तेई मदद करने जो त्यार थे कने तुहांरिया इसा इच्छा ते तिन्हां चते मतयां जो मदद करने रे खातर प्रेरणा मिली।

फिलिप्पियां 4:17

हऊँ ये नीं बोलां भई हऊँ उपहार लेणे रा इच्छुक आ, पर तुहांरिया सहायता रिया वजह ते हऊँ तुहांजो परमेशरा री आशीष पान्दे हुये देखणा चाँह।

इब्रानियों 13:16

भलाई करना कने इक्की दूये री मदद करना नीं भूल्लो, काँह्भई परमेशर येढ़े बलिदान्नां ते खुश हुआं।