2 कुरिन्थियों 6:7 - बिलासपुरी नौआं नियम

⁷ सच्चे बचना ने, कने परमेशरा रिया सामर्था ने, धार्मिकता रे हत्थियार सै जे अपणे सज्जे कने खब्बे हत्थां चे,

2 कुरिन्थियों 6:7 ပူးပေါင်းရင်းမြစ်များ

मरकुस 16:20

कने चेलयां यरूशलेम नगरा ते निकल़ीने सारियें जगहें प्रचार कित्या, कने प्रभु तिन्हां सौगी काम्म करदा रैया, कने चमत्कारी नशाण दस्सीने तिने लोकां जो साबित कित्या भई परमेशरा रा वचना सच्चा। आमीन।

प्रेरितां 11:21

परमेशरा रा सामर्थ तिन्हां पर था, कने बौहत सारे अन्यजातियां रे लोकें तिन्हांरे सन्देशा पर विश्वास कित्या कने प्रभु यीशुये री तरफ फिरे।

1 कुरिन्थियों 1:24

पर जिस किसी जो परमेशरे अपणे लोक हुणे खातर सद्दीरा, चाये यहूदी या यूनानी, दोन्नां रे खातर येई मसीह परमेशरा रा सामर्थ कने परमेशरा रा ज्ञान आ।

2 कुरिन्थियों 13:4

हलांकि मसीह कमजोर था ताहली जे तिस्सो क्रूसा पर लटकाया गया था, पर हुण सै परमेशरा रिया सामर्था रे जरिये जीवित आ। अहें कमजोर ये तियां जे मसीह था, पर तुहां देखणा भई अहां परमेशरा रिया सामर्था ने जीणा तियां जे मसीह जीवित आ।

2 कुरिन्थियों 2:17

परमेशरा रे वचना जो अपणे फायदे खातर, तिसच मिलावट करीने बेचणे औल़े मते सारे दुज्जे लोकां साई अहें नींये। पर अहें त परमेशरा रे सामणे परमेशरा रिया तरफा ते भेज्जीरे माहणुआं रे बराबर मसीह च हुईने सच्चाईया ने बोलां ये।

2 कुरिन्थियों 4:2

पर अहें त शर्मनाक काम्म करने छड्डी तरे, अहें छल-कपट नीं करदे कने नांई परमेशरा रे बचनां च मिलावट कराँ ये। परमेशर अहांरा गवाह भई अहें सच्चाई बोलां ये, कने सै जे कोई ईमानदार आ तिन्हांजो ये पता।

2 कुरिन्थियों 7:14

तुहांरे खातर मैं तिसने सै गल्लां जे बढ़ी-चढ़ी ने कित्तियां थी, तिसरे खातर मिन्जो शर्मिन्दा नीं हुणे पैया; बल्कि अहें तियां जे तुहांजो सारा किछ सच्च-सच्च गलाया था, तियां इ तुहांरे बारे च अहांरा गर्व तीतुस रे सामणे सच्चा साबित हुया।

इफिसियां 1:13

परमेशरे तुहौं बी अपणे लोक बणाया ताहली जे तुहें सच्चाईया रा सन्देश यनि तुहांरे छुटकारे री खुशखबरी सुणी। तां तुहें तिस पर विश्वास कित्या कने मसीह च परमेशरे तुहां पर छाप लाई सै छाप जे वायदा कित्तिरा पवित्र आत्मा।

इफिसियां 3:20

अहांरी विनती कने सोच्चा ते बधीने परमेशर महान काम्म करने च सामर्थी आ, काँह्भई तिसरा सामर्थ अहांरे अन्दर काम्म करया राँ,

इफिसियां 4:21

सै जे तुहें मसीह रे बारे च सुणीरा कने सिक्खीरा हकीकत च सै खुशखबरिया रा सच्चा सन्देश आ सै जे मसीह यीशुये रे बारे चा।

कुलुस्सियां 1:5

तुहें ये कराँ ये काँह्भई तुहें भरोसे सौगी तिस ईनामा जो पाणे री आशा कराँ ये, सै जे परमेशरे स्वर्गा च तुहांरे खातर त्यार कित्तिरा, इस बारे च तुहें पैहले तेई सुणी चुक्कीरे, ताहली जे लोक पैहले तुहांले आये कने तुहांजो सच्चा सन्देश दित्या सै जे मसीह यीशुये री खुशखबरी।

1 थिस्सलुनीकियां 5:8

पर अहें सै जे दिनां रे, विश्वास कने प्यारा जो रक्षा कवचा साई पैहना तियां जे इक फौजी अपणी रक्षा करने खातर पैहनां, कने अहांरी आशा अहौं टोपा साई बचाओ।

2 तिमुथियुस 2:15

कड़ी मेहणत कर ताकि तू अप्पूँजो परमेशरा रिया नज़राँ च ग्रहण लायक माहणुये साई पेश करी सक्को कने येढ़ा काम्म करने औल़े साई बण सै जे अच्छा काम्म कराँ कने अपणे कम्मा रे बारे च शर्मिन्दा नीं हुन्दा, कने सै जे सच्चे सन्देशा जो ठीक ढंगा ने सखां।

2 तिमुथियुस 4:7

मैं मसीह रे खातर कड़ी मेहणत कित्तिरी तियां जे भई मैं ठीक ढंगा ने कुश्ती लड़ीरी कने हऊँ सै काम्म पूरा करी चुक्कीरा सै जे यीशु मसीह मिन्जो करने खातर दित्या कने हऊँ आखिर तक बफादार रैया।

इब्रानियों 2:4

परमेशरे बी चिन्ह कने अदभुत काम्म कने कई किस्मा रे सामर्था रे कम्मां रे जरिये कने अपणिया इच्छा रे मुतावक लोकां जो पवित्र आत्मा रे जरिये बरदान देईने ये साबित कित्या।

याकूब 1:18

तिने अपणिया इ इच्छा ते अहांजो सच्चे वचना रे जरिये नया जीवन दित्या, ताकि अहें तिसरी बणाई रियां सारियां चिज़ां च पैहले फल़ा साई ओ।