पर अहां रिया बजह ने सै लोक नराज नीं हो इस खातर नदिया पर जा कने अपणा कांटा पाणिये च पा कने फेरी सै जे पैहली मच्छी निकल़ो, तिसारा मुँह खोल्यां तिज्जो इक चान्दिया रा सिक्का मिलणा, तिसजो लेईने मेरा कने अपणा कर चुकाई देआं।”
“सै जे कोई माह पर विश्वास करने औल़यां चते इक्की जो बी पाप करने पर मजबूर करो तां परमेशरा तिस्सो इसते बी बौहत भयानक सजा देणी। जे कोई इक घराटा रा बाट्ट तिसरे गल़े ने बन्हीने समुद्रा च सट्टि दो तां तिसरे खातर ये बौहत सजा हुई सक्कां इ, पर इसते बी भयानक सजा परमेशरा देणी।
इसते हुण सिर्फ इसी गल्ला रा डर निआं भई इस धन्दे च अहांरा नौं बदनाम हुई जाणा, ये डर बी आ, भई महान देबी अरतिमिसा रा मन्दर बेकार समझया जाणा, कने तिस्सो जे आसिया प्रदेशा रे कने संसार रियां बौहत सारियां जगहां च पूजा कराँ तिसरा महत्व बी जान्दा रैहणा।”
इस खातर अहांजो अप्पूँ चियें दोष लगाणा बन्द करी देणा चाहिन्दा, कने तुहें ये मथी लो भई तुहांरे किसी कम्मा रिया वजह ने तुहांरा साथी विश्वासी कोई पाप नीं करो।
जे दुज्यां जो तुहां पर ये अधिकार आ, तां क्या अहांरा अधिकार तिसते बधीने नीं हूणा? फेरी बी अहें इस अधिकारा रा इस्तेमाल नीं कित्या। इसरे उलट अहें सब किछ सैया भई अहांरे जरिये किति मसीह रिया खुशखबरिया रे प्रचारा च कोई रुकाबट नीं आओ।
सै जे विश्वासा च कमजोर ये तिन्हांरे खातर हऊँ खुद कमजोर बणया ताकि कमजोराँ जो ल्याई सक्कूँ। हऊँ सब माहणुआं खातर सब किछ बणया भई किसी नां किसी तरिके ने किछ लोकां रा छुटकारा हुईजो।
अहांजो इसरा गर्व आ भई अहें ये गल्ल आच्छे मना ने बोल्ली सक्कां ये भई अहें इस संसारा च कने खास कर तुहां लोकां रे बिच ईमानदारिया ने कने सच्चाईया ने जीवन बिताया सै जे परमेशरा ते मिलीरा। अहें संसारिक ज्ञाना पर नीं पर परमेशरा रे अनुग्रह पर भरोसा कित्तिरा।