2 कुरिन्थियों 5:19 - बिलासपुरी नौआं नियम

¹⁹ यनिके परमेशरे मसीह च हुईने अप्पूँ सौगी संसारा रा मेल-मलाप करील्या, कने तिन्हांरे पापां रा इल्जाम तिन्हां पर नीं लगाया कने तिने मेल-मलापा रा वचन अहांजो सौंपीत्या।

2 कुरिन्थियों 5:19 ပူးပေါင်းရင်းမြစ်များ

मत्ती 1:23

“सुणा, इक कवारिया कुड़िया गर्भवति हुईने इक मुण्डु जणना, तिसरा नौं इम्मानुएल रखया जाणा,” तिसरा मतलब येआ भई परमेशर अहां सौगी आ।

यूहन्ना 14:20

तिस बगत ये साफ हुई जाण भई हऊँ अपणे पिता सौगी आ कने तुहें मेरे सौगी ये कने हऊँ तुहां सौगी आ; कने तिस जे मिन्जो प्यार करना पिता बी तिस्सो प्यार करना।

यूहन्ना 17:23

मांह तिन्हां च रैहणा कने तू मांह च, भई सै पूरे तरीके ने इक हुईजो, तिसते जे संसारा जो ये पता लगी जो, भई मिन्जो तैंइ भेज्या, कने तुहें तिन्हांने बी तेढ़ा इ प्यार कित्या, तेढ़ा जे तैं माहने कित्या।”

रोमियो 11:15

काँह्भई जे परमेशरा रे जरिये तिन्हारे इन्कार कित्ते जाणे ते संसारा रे लोकां रा परमेशरा सौगी मेल-मलापा री वजह बणया, तां फेरी तिन्हांरा परमेशरा रे जरिये ग्रहण कित्या जाणा क्या मूईरयां चते जिऊंदा कित्या जाणे रे बराबर नीं हूणा?

1 कुरिन्थियों 13:5

सै गाल़ी नीं देन्दा, प्यार स्वार्थी नींआ, गुस्सेबाज नींआ कने बुरा नीं मनदा।

कुलुस्सियां 2:9

काँह्भई ताहली जे मसीह माहणुये रे रुपा च आया, तां बी सै पूरे तरिके ने परमेशर था।

1 तिमुथियुस 3:16

इसच शक निआं भई अहांरे विश्वासा च महान भेत आ : मसीह सै जे माहणु बणीने आया, पवित्र आत्मे दिखाया भई सै सच्चमुच परमेशरा रा पुत्र था, स्वर्गदूतें तिसजो देख्या, सारी जातियां रे लोकां च तिसरे बारे रा प्रचार हुया, संसारा रे लोकें तिस पर विश्वास कित्या, कने परमेशर तिस्सो स्वर्गा च लेईग्या।

1 यूहन्ना 4:10

सच्चा प्यार इसच निआं भई अहें परमेशरा ने प्यार कित्या, बल्कि इसच आ भई तिने अहांने प्यार कित्या कने अहांरे पापां रे प्रायश्चिता खातर अपणे पुत्रा जो भेज्या।